 منذ /04-08-2017, 05:52 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  باركوا لجارنا رزقه الله ببنت وسماها ( .......... ) !
الله يمسيكم بالخير
تقول صحيفة سبق السبّاقة للعلم الغانم
ان الشعب السعودي ( مبتهج ) بالمشروع الترفيهي
اللي الحكومة ( الفقيهية ) ( نسبة الى واحد تعرفونه !! )
ناوية تسويه في القدية .
عاد البارحة عزمنا جارنا الطفران ابومرزوق على تمايم بنته الميمونة
وبعد ماباركنا له قلنا وش سميتها يابو مرزوق
قال سميتها ... ( قدية )
عاد انا والجيران ابتهجنا ايما ابتهاج بهذا السم الوطني
وشغل ابومرزوق شيلة ما اخذها بحب خشوم
وقمنا نرقص من الابتهاج والفرح
وبعدما دقينا في المفطح والحلويات
رجع كل واحد منا لبيته (اللي منحه اياه الصندوق العقاري ووزارة الاسكان بأقساط ميسرة ) وقام وطلع فوق سطح الخزان ورفع البيرق وخلاه يرفرف .
الا جارنا ابو حمود الله يشفيه قبل العشا جاه كحة وزكمة ,
ولا درينا الا والهلال الحمر سافطن عند باب ابو مرزوق ولاقط ابوحمود على جناح السرعة لمستشفى الحكومة التخصصي للمواطنيين
ومن ساعة ماوصلهم وهم مدخلينه في غرفة خاصة ومنومينه ,
خبركم مستشفياتنا وساع والأسرة زايدة وماصدقوا على الله يجيهم مريض سعودي حتى يعبرون له عن ابتهاجهم بخدمته ..
الله يبارك لابومرزوق ببنته ( قديه )
ويديم علينا الابتهاج وصوت الطبول والطيران
فتكم بعافية ...
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |