أمس رحت العصر لوس المدينة ، زحام واصحاب السيارات ، متوترين ، وطفشانين ، كل واحد يبي يطير ، والوضع اذا ما تمسك اعصابك خطير ، ممكن اذا اخذتك العجلة ، توقع في مشكلة .
طبعاً انا من عادتي اسوق على مهل ، ولا احب المطامرات ، والمساقطات ، والتحديات .
اغلب السائقين في الطريق اجانب ، ولكن لا حظت ملاحظة غريبة ، لم اعهدها من قبل ، من عدة سنوات ، كان الاجنبي يمشي محترم ، ويربط حزام الامان ، ويسوق سيارته بهدوء وأمان ، ولا يؤذي اي انسان .
وفي هذه المره ، حسيت بقهر وحسره ، لقد رآيت الاجانب اللذين كانوا مؤدبين ومحترمين في الماضي ، لقد رآيتهم يقودون سياراتهم بتهور ، ولا يحترمون انظمة المرور .
لقد احسست انني دخلت معركة ذات اللموزينات ، فعشرات اللموزينات يقودها اجانب ، على السيارات يتساقطون ، وعلى الزباين يتسابقون ، وفجآت يمين او يسار ينحرفون ، او في وسط الشارع يقفون .
فكان احدهم تجاوزني وهو يسير بسرعه عجيبه ، واثناء موازاته لي شاهد حريم خارجين من وسط باب السوق اللذي على يميني ، فأنحرف امام سياراتي وراغ الى اليمين ، فكدته اصتدم به واجعل سيارته عجين ، ولكن لطف بنا ارحم الراحمين .
فمسكت فرامل وانحرفت الى الرصيف ، وانا اقول الطف يالطيف ، واحتكت سيارتي بسيارته على خفيف ، فنزلت لكي انظر في محل الاصتدام ، فزل وهو ينظر الى في غضب ، وقال لي انا فيه تامين ، انته كلام مافيه كلم ، نجم يجي ، انته شيل فلوس من شركة التامين .
قلت له انته سقطت علي بسيارتك فجآه ، وهذا غلط يجب عليك ان تنظر الى السيارات اللتي في اليمين فآذا كان الطريق فاضي من السيارات ، انحرف الى الجهه اليمين ، لكن انحرافك بهذه الطريقه خطر ، وكدت تتسبب في حادث شنيع .
قال لي انت كلام مافيه كلم انت اسكت ، ملك سلمان فيه قول سعودي مافيه كلام على اجنبي ، قلت له : السعودي والاجنبي كلهم سوء ويجب ان يحترمون النظام ، والنظام عليهم يطبق بدون تفرقه ، قال لي لا سعودي نفر مافيه كويس ، ملك سلمان قال سعودي فيه كلام كثير اجنبي ودي سجن ، قلت من قال لك هذا الكلام ، قال كله سواق لموزين وكل اجنبي قول هذا الكلام .
يوم شفته آخذ فكره غلط ، خفت انه يضربني وانا رجال شائب وما احب المشاكل . رحت وقلت الله يكفينا فيكم .
المواضيع المتشابهه 
معركة ذات اللموزينات 
العرض الشجري
