لڪَي ٺٺمڪَن من آلمشآرڪَة معنآ عليڪَ آلٺسجيل من هنآ

يمنع وضع الصور النسائية والأغاني والنغمات

http://www.x2z2.com/up/uploads/13328416481.png

الإهداءات

« آخـــر الــمــواضــيــع »
         :: جلب الحبيب بالقرآن خاضعا ذليلا 00491634511222 - 00491634511222 (آخر رد :مطوعه)       :: جلب الحبيب بالقرآن خاضعا ذليلا 00491634511222 - 00491634511222 (آخر رد :مطوعه)       :: جلب الحبيب بالقرآن خاضعا ذليلا 00491634511222 - 00491634511222 (آخر رد :مطوعه)       :: جلب الحبيب بالقرآن خاضعا ذليلا 00491634511222 - 00491634511222 (آخر رد :مطوعه)       :: جلب الحبيب بالقرآن خاضعا ذليلا 00491634511222 - 00491634511222 (آخر رد :مطوعه)       :: جلب الحبيب بالقرآن خاضعا ذليلا 00491634511222 - 00491634511222 (آخر رد :مطوعه)       :: جلب.الحبيبب.بطريقة.مجربة.و.مضمونة 00201277428648 (آخر رد :الشيخه ام عائشه)       :: دعاء تسخير الناس لخدمتك 00491634511222 - 00491634511222 (آخر رد :مطوعه)       :: دعاء تسخير الناس لخدمتك 00491634511222 - 00491634511222 (آخر رد :مطوعه)       :: دعاء تسخير الناس لخدمتك 00491634511222 - 00491634511222 (آخر رد :مطوعه)      


 
العودة   منتديات شمس الحب > «®™§¤§ منتديات شمس الحب الأدبية §¤§™®» > قصص - روايات - حكايات
 

قصص - روايات - حكايات لطرح القصص والروايات الخيالية و الحقيقه و الكتابات الخاصة " ذات العبرة و الفائدة ", القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,

 
 
 
LinkBack أدوات الموضوع إبحث في الموضوع انواع عرض الموضوع
قديم منذ /04-26-2009, 01:28 AM   #1

شموع منيره غير متواجد حالياً

 رقم العضوية : 12326
 تاريخ التسجيل : 18 - 3 - 2009
 المشاركات : 19

رواية الحياه حلوه فعشها بكل تفاصيلها(حب متمرد)للكاتبه همس المشاعر

أنا : شموع منيره





السلام عليكم ورحمة الله وبركاته
هذي اول روايه اكتبها في حياتي فيها من الواقع والخيال مدموجين مع بعض اتمنى تعجبكم وتنال على رضاكم انا بنزل بارت واحد واذا شفت ردود بكملها اتمنى اشوف ردود حلوه وبدعمكم نتواصل..................


الحياة حلوه فعشها بكل تفاصيلها(حب متمرد) للكاتبه
~ همس المشاعر~
جالسه في الصاله تتابع مسلسها المفضل شوي وطبت عليها امها
ام وليد : جوري وليد وينه جالسه ادور عليه وماني لقيته مادري وين طس هاالولد بيموتني ناقصه عمر
جوري : مادري عنه شفته الصبح سألته وين رايح قالي مع اخوياي عاد ولدك وعارفته ما يجلس في البيت والحين يمه ابي اتابع المسلسل بهداوه
ام وليد : اقول شكلك ناسيه انك ثالث ثانوي ولازم تذاكري زين عشان تجيبي نسبه حلوه
جوري :اوه يمه ترى طفشت كل شوي ثالث ونسبه ومادري وشو ابي اتابع المسلسل والمذاكره لاحقه على وجع الراس
ام وليد : اقول يله اقلبي وجهك وروحي ذاكري
الجوري :خلاص خلاص لاتعصبي بروح اذاكر يااحلى ام في العالم
ام وليد:الله يصبرني عليكم من عيال ويهديكم...
في غرفة الجوري كانت جالسه تذاكر والمسجل على اخر صوت وكانت الاغنيه لاليسا <بتمون> شوي ويرن جوال الجوري
الجوري:الو
ربى: سلام على الحلوين
جوري :وعليكم السلام
ربى : اف اف وشفيكي تردي كذا شكلك متهاوشه مع وليد
جوري :ايه اذا انا متنرفزه لازم يكون له دخل في الموضوع حتى ولو كان بصوره غير مباشره
ربى :كيف يعني مافهمت
جوري :ياستي امي معصبه من وليدوه الزفت لانه طالع من الصبح ولسى ما رد البيت وقامت وهاوشتني انا وماخلتني اتابع التلفزيون وقالت روحي ذاكري يعني تعكر مزاجي
ربى: ههههههه
جوري عصبة:وشو الي يضحك في الموضوع انتي وجهك
ربى : لا ولاشي بس شفتك متنرفزه بقوه قلت في شي كبير ويطلع في النهايه بس عشان خالتي قالتلك روحي ذاكري يا الكسوله
جوري :انتي اكثر وحده عارفتني اني اكره المذاكره قبل الاختبار اقول سيبكي من ذي السالفه وش رايك نروح عند اصيل نستانس ونسولف والله طفشانه حدي
ربى : والله حتى انا ودي اطلع بس امي ما اظن تخليني اطلع
جوري :انتي فالحه تعقدين الامور وبس روحي كلميها وحاولي تقنعيها
ربى: اوكيه بحاول يا الله باي
جوري : بايااات
الجوري تكلم نفسها:اقوم البس واكشخ وبعدين اقول لامي ان اصيل تعبانه بروح ازورها انا وربى كذبه بيضه ههههههه
قامت الجوري وفتحت دولابها عشان تلبس واخذت جينز وتيشرت لونه بينك مموج
'اوصاف الجوري '
(الجوري بنت مرحه ومغامره لون بشرتها بيضه وشعرها عسلي مقصوص دقرديه عيونها متوسطه وجذابه جسمها متوسط خشمها دقيق شفايفها الي فوق صغيره والي تحت مليانه شوي وطولها مناسب لجسمها يعني حلوه بس لاحد يعطيها عين قولو ماشاء الله انا عارفه انكم تغارو من جمالها هههههه)
ولفت خصل من شعرها لورى بشباصه صغير ونزلت خصل على وجهها وحطت ميك اب خفيف ولبست صندلها وعبايتها وطلعت .
{ام ربى تصير خالة الجوري
واسمها عائشه وام الوليد اسمها اصايل
واصايل وعائشه توأم واعمارهم ٣٥ امهم ماتت بعد ولادتهم بأسبوع فعاشو مع زوجة ابوهم الين كبرو صار عمرهم ١٧ وتزوجت اصايل ابو وليد وبعدها بشهر تزوجة عائشه
طبعا اصايل انجبت
(١)وليد عمره 23 سنه
(٢)الجوري ١٨ سنه
وبعد ست سنوات من زواج اصايل من ابو وليد توفى ابو وليد بحادث سياره وكان عمر وليد5سنوات والجوري سنتين وبعدها ربت اصايل عيالها في بيت ابوها ويوم صار عمر الوليد ١٦ سنه قررت اصايل ترجع بيت زوجها المرحوم وتربي عيالها فيه..
اماعائشه بعد زواجها انجبت
(١) تركي 23 سنه اهو والوليد مسوين ثنائي ما ينفصلون عن بعض اكثر اوقاتهم برى البيت
(٢) ربى ١٨ سنه اوصافها {لون بشرتها حنطيه جسمها نحيف وطولها مناسب عيونها صغيره بس فيها جاذبيه فضيعه وخاصه لما تضحك كانها لؤلؤه لامعه شفايفها مليانه بشكل حلو خشمها طويل ونحيف اما شعرها جنان لونه اسود سواد الليل وطويل وناعم نعومة الحرير بنت هاديه وحبوبه وكلها نعومه وضحكتها جنان بس مشكلتها خوافه وماتحب تغامر وشاطره في كل شي
(٣) رزان ٦ سنوات بنت حلوه ودلوعة البيت
(في بيت ام ربى)
ربى نازله من الدرج تدور على امها دخلت المطبخ واهي تنادي على امها
ربى : يمه يمه
ام تركي جالسه في المطبخ تشرف على الخدم : هلا حبيبتي وينك من الصباح ماشفتك
ربى : كنت نايمه وبعدين جلست اذاكر اشوي تعرفين يمه اخر سنه وابغى اجيب نسبه تأهلني ادخل التخصص الي ابيه
ام تركي : ايه شدي حيلك وجيبي هذيك النسبه الي ترفع الراس وان شاء الله ربي يوفقك
ربى :امين اقول يمه ابي منك طلب ومابيكي ترديني
ام تركي : والله على حسب الطلب بس انتي قولي وانا بشوف
ربى: قبل شوي دقت علي جوري وقالت تبي اروح معها عند اصايل نسولف شوي
ام تركي : انا اشوف ماله داعي بس انتي مصره تروحي
ربى :ايه يمه ابي اروح لاني طفشانه من جو الدراسه وابي اوسع صدري مع البنات
ام تركي : خلاص اذا انتي ملزمه روحي بس ها مو طولين مثل ذيك المره لاني عارفتكم ياالثلاثي المرح اذا تجمعتو تنسون انفسكم
ربى:هههههه عاد يمه مو لذي الدرجه بس خلاص ولايهمك ماراح اطول كثير
ام تركي : ها مااوصيك
ربى واهي طالعه :ان شاء الله باي
طلعت ربى غرفتها ولبست تنوره جينز وتيشرت ابيض وفيه ورده حمراء في الوسط ولبست صندل عالي شوي وحطت كحل اسود ومسكره وقلوس احمر ورفعت شعرها ذيل حصان وخصل خفيفه على جبينها وطلع شكلها جنان وجلست تنتظر الجوري ...
(في بيت الجوري )
الجوري نازله من الدرج بسرعه وقابلت على الدرج الوليد الي توه جاي
الوليد : اعصابك لاتطيحين من الدرج وتتكسرين وبعدين ننبلش فيك
الجوري : وليدوه اقصر الشر احسن لك ترى مزاجي متعكر خلقه
وليد : وانا مزاجي رايق وابي اتهاوش
الجوري : اقول اقلب وجهك ماني فاضيه لك
وليد : اشوفك متكشخه ولابسه عبايتك وين رايحه
الجوري واهي تنزل من الدرج : وانت وش لك مالك دخل فيني فاكر نفسك ابوي
وليد عصب : اقول وين رايحه احسن لك
الجوري : ماني قايله لك موت حرررره
وليد نزل للجوري ومسكها من كتفها وتوهم بيتضاربون او نقدر نقول الهواش اليومي الا ام وليد جات وكل واحد ساب الثاني وابتسمو لامهم
ام وليد : وش ذا الصراخ الي انا اسمعه
الوليد والجوري بخوف :كنا كنا.... بعدين سكتو
ام وليد : كنتو وشو اكيد تتهاوشون وانا كم مره قايله لكم سيبو الهواش
الجوري ابتسمت بخبث لوليد وقالت : يمه ماكنا نتهاوش بس انا كنت انصح وليد اقوله سيب عنك الشوارع والمقاهي والشباب والتفت لمستقبلك ودراستك بسك فشل ياخوي بس هو عصب علي وقام يصارخ
وليد يطالع الجوري بحقد ويتوعدها في نفسه
ام وليد عصبة على وليد : الا وينك من الصبح طالع من البيت وتوك جاي ولك عين تصارخ على اختك بعد
وليد :يمه كنت اذاكر عند واحد من اخوياي
ام وليد :والي يذاكر يخرج ويطلع بدون كتب وبعد تكذب وهذا وانا اقول وليد رجال البيت بيكبر ويعقل ويلتفت لمستقبله بس طلعت منت كفو احد يحملك مسؤليه
وليد قرب من امه وباس راسها وقال :يمه والله ما اعيدها بس لاتزعلين علي
ام وليد :خلاص الحين رح غرفتك وبعدين اتفاهم معك
راح وليد من عند امه ومر من عند الجوري وقال بهمس :هين ياالجور انا اوريك
الجوري :ههههههههههه
الوليد انقهر زياده وراح غرفته
التفت اصايل للجوري :وانتي وشو الي يضحكك شايفتنا نقول نكته
الجوري : هههه لابس تذكرت موقف مضحك حصل في المدرسه
اصايل :وما حلالك تذكري الموقف الا الحين الا تعالي ليه متكشخه ولابسه عباتك على وين ان شاء الله
الجوري :يمه اصيل تعبانه شوي فقترحت ربى نروح نزورها
اصايل: سلامتها اذا كذا خلاص روحي بس اني مستغربه امس الليل كلمت امها ما قالت لي
الجوري ارتبكت : اااا لان بس حرارتها مرتفعه شوي والحين خفت فعشان كذا امها شافت ماله داعي انها تقول
اصايل : اها خلاص روحي لاكن يا ويلك وياسواد ليلك اذا تأخرتي وخلي السايق يوصلكم ويرجع ابيه يشتري اغراض للمطبخ
الجوري واهي طالعه اوكيه باي مام
اصايل :في حفظ الله
الجوري ركبت السياره :يله حرك
راج السواق : فين روح
الجوري : روح بيت ابو تركي
مشى السواق ودقت الجوري
على اصيل رن مرتين بعدين جاء رد :هلا والله
الجوري : هلا سلام
اصيل :وعليكم السلام
الجوري :اخبارك وش مسويه
اصيل : الحمد لله كويسه انتي اخبارك
الجوري: الحمد الله اقول صوصو جهزي القعده جايينك انا وربى في الطريق
اصيل متفاجئه: قولي والله
الجوري : يعني بكذب عليكي انتي وجهك
اصيل :الله يقطع شرك وليه ما قلتي من اول عشان اتجهز كذا تطبو علي وحالتي حاله اقول لاتجون حتى تتعلمو ادب الزياره
الجوري :هذي الي تبيني اكفخها اقولك في الطريق تقولي لاتجون وبعدين ابغى اشوفك وانتي مبهذله يمكن تعجبيني ههههههههه
اصيل :وبعد تضحكين ها لاكن انا ما اشره عليك انتي عربجيه من وين بتجيبين السنع انا اعتب على ربى الي ماعلمتني
الجوري : اقول تلايطي يا ام السنع وجهزي الوليمه
و الاشرطه الزينه نبغى نفلها الليله
اصيل : اقول طابه علي فجأه وتتشرطي بعد
الجوري : اقول الحقي حالك وتجهزي ربع ساعه واحنا عندك باي
اصيل بقهر : باي
وقف السايق عند بيت ابو تركي ضرب بوري شوي الا ربى طالعه وتركب السياره
ربى : هاي
الجوري واهي تبتسم :هايات
ربى واهي تبتسم على ابتسامت جوري :وش الي مخليكي مبتسمه كذا معقوله عشان الطلعه مبسوطه مره
الجوري :هههه لا مو عشان الطلعه اضحك على اصيل
ربى : وش سوت
الجوري : احنا الي سوينا تصدقي ماقلت لها بنجيها الا الحين واهي عصبت وقامت تخاصم علي وعليك وتقول حالتها حاله هههههه
ربى : ههههههه حرام عليكي انا جاء على بالي انك عطيتيها خبر من اول وانتي اكثر وحده عارفه اصيل اذا احد بيجي عندها لازم تستعد قبلها بيوم هههههه الحين بتحط اللوم كله علي
الجوري : هههههه والله لوسمعتيها واهي تكلمني شوي بتنفجر من القهر
ربى:ههههههه
(في بيت اصيل )
{اصيل بنت حبوبه ودمها خفيف تحب تغامر مثل الجوري طيوبه مع كل الناس واهي وحيدة امها وابوها اوصافها نحيفه مره واطول من الجوري وربى يعني طويله عيونها واسعه وجذابه خشمها طويل ومناسب لعيونها شفايفها صغيره شعرها لونه اسود وقصيرمناسب لطول وجهها }
اصيل بعد ماسكرت من جوري راحت بسرعه وهي تتوعد في الجوري وربى اخذت شور سريع وطلعت تنشف شعرها ونادت على الشغاله عشان تستقبل البنات وتجهز الجلسه على بال ماتتجهز وبعدها لبست فستان ساده وناعم لونه فوشي ماسك على جسمها وشعرها استشورته على خفيف لانه قصير وحطت ميك اب خفيف ولبست صندل واطي وتعطرت وطلع شكلها روعه...
وقف السواق السياره عند بيت ابو اصيل ونزلو الجوري وربى ودقو الجرس فتحت الشغاله : اتفضلو الانسه اصيل حتيقي بعد شويه
دخلوالجوري وربى المجلس بعد ما اعطو الشغاله عباياتهم الجوري واهي مبتسمه : ربى شكل اصيل ماهي طالعه لنا
ربى واهي تلعب بشعرها :لا ما اظن لان اصيل ام السنع وما تسويها لو شو صار...
اصيل واهي داخله المجلس قررت انها ما تعاتبهم لانها اذا طنشت بينقهرون اما اذا بينت قهرها بيضحكون :هاي
الجوري واهي تسلم
على اصيل :هاياااات
اصيل تسلم على ربى : والله لكي وحشه
ربى : انتي اكثر والله
الجوري : اقول بلا مساخه انتي وياها الي يسمعكم يقول لهم شهور وسنين ماكنكم متقابلين يوم الثلاثاء في المدرسه واليوم الخميس السالفه يومين وكذا تسون اجل لوشهر وش بتسون
اصيل : وانتي وش حارق رزك ولا تغارين
الجوري : ههههههه انهبلت اغار انا من سخافتكم .
نكمل في الجزء الجاي بس لاتنسون الردود ياحلوين واكرر بدعمكم نتواصل

شمس الحب



تستطيع المشاركة هنا والرد على الموضوع ومشاركة رأيك عبر حسابك في الفيس بوك




v,hdm hgpdhi pg,i tuaih f;g jthwdgih(pf ljlv])gg;hjfi ils hglahuv hglahuv hgpdhi jthwdgih(pf pg,i v,lksdi ,v,ui v,hdm








آخــر مواضيعـى » رواية الحياه حلوه فعشها بكل تفاصيلها(حب متمرد)للكاتبه همس المشاعر
  رد مع اقتباس
 
 

مواقع النشر (المفضلة)

الكلمات الدلالية (Tags)
متمرد)للكاتبه, المشاعر, الحياه, تفاصيلها(حب, حلوه, رومنسيه وروعه, رواية, فعشها


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل رواية سعوديات في بريطانيا كاملة بضغطة زر واحدة,متكحلة بدم خاينها,رواية سعودية بقايا عشق قصص - روايات - حكايات 570 05-24-2012 07:45 PM
تحميل رواية ورود في مزبلة الواقع رواية رومانسية واقعية جريئة,لـ متكحلة بدم خاينها, لميسـ قصص - روايات - حكايات 1310 04-06-2012 09:52 AM
تحميل رواية عشاق من احفاد الشيطان كاملة على ملف مفكرة تكست,شمس السديري,رواية خيالية لميسـ قصص - روايات - حكايات 644 03-12-2012 03:46 AM
رواية بنات اون لاين كاملة,تحميل رواية بنات اون لاين,رواية سعودية جريئة,على ملف وورد لميسـ قصص - روايات - حكايات 1587 02-10-2012 06:38 PM

Facebook Comments by: ABDU_GO - شركة الإبداع الرقمية

الإعلانات النصية


الساعة الآن 11:22 PM بتوقيت مسقط


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO 3.6.0 Designed & TranZ By Almuhajir
Adsense Management by Losha
جميع الحقوق محفوظة لمنتديات شمس الحب
ما يُكتب على منتديات شمس الحب من قِبل الاعضاء لا يُمثل بالضرورة وجهة نظر الإدارة وانما تُمثل وجهة نظر صاحبها .إلاإذا صدر من ادراة الموقع .

Sitemap

PageRank Checking Icon
Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%B4%D9%85%D8%B3-%D8%A7%D9%84%D8%AD%D8%A8 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live
Add to Feedage RSS Alerts Add To Fwicki

 
Web Counters
Emergency Cash Loan Michigan
إنظم لمتابعينا بتويتر ...

أو إنظم لمعجبينا في الفيس بوك ...