البوك في الجيب الايسر وفيه فلوس وبطاقات عمل ورخصه وبنك
الجوال والمفتاح في الجيب الايمن
وصار معي مبلغ في حدود 1700 ريال في الجيب الامامي وخذيت اغراض من سوق عتيقه وكانت الساعه السابعه والنصف مساء
وقفت عند محلات المواد الغذائيه اللي جنب الغيث للبلاستيك وفتحت شنطة اليوكن وانتظر العامل يضع الاغراض وفجاه دخل دباب عليه اثنين من الدشير بيني وبين شنطة السياره
للوهله الاولى اعتقدت انهم اجبروا على هذا الطريق بسبب الناس والسيارات ولكن الامر كان مقصود للاقتراب مني باكبر قدر ممكن وفي غمضة عين مد يده الراكب وضرب بقوه على الجيب الامامي وشال المخباة باللي فيها وبكل احتراف مما يدل على تمرسه وخلال ثواني كان الدباب قد ابتعد بما يكفي للهرب
والله يااخوان ان اللي اثر فيني هو كيف ان الحرامي اصبح يمارس سرقاته وفي الشارع وامام الناس في وسط الرياض وكان البلد سايبه
سمعت من واحد كان في الموقع بان نفس الاشخاص عملوها معه قبل كم يوم
الله المستعان وصلنا للمواصيل هذي والشرطه نايمه وما حولك احد
احمد الله ان السرقه كانت في فلوس فقط ولم تكن في البوك اللي في الجيب الاخر اللي فيه فلوس وبطاقات واوراق
الجريمه تتصاعد لعدم قص اليد وتعليقها للعبره والردع
اللهم اني لااحللهم وبيني وبينهم رب لايظلم عنده احد
اما الشرطه فلم اذهب لهم ولن اذهب لان الضرب في الميت حرام