لميسـ

قمت الصبح واخذت كاس قهوة ورحت مرور الروضه في الرياض ابجدد رخصتي المنتهيه... وقلت الله يعينني على المرمطه لان في ذاكرتي مرمطه امانة مدينة الرياض عند استخراج رخصة مبنى فيلا وكانك ستشيد مبنى مفاعل نووي تحتوي الرخصه والمستندات المطلوبه حوالي مائة وثيقه وتعهدات بالعشرات واثباتات
ويقولون يوم واحد وتاخذ شهرين وانت تركض واذا مانت مصدق مر على بلدية الروضه جنب مرور الروضه وشف الفرق وكان يلوح في ذاكرتي ايضا مرمطة الجوزات ومكتب العمل وشركة الكهرباء وشركة المياه الوطنننننييييه والاحوال
قلت يامعين...
المعجزه....دفعت وانا بالسياره الرسوم لمده 10 سنوات من الجوال..ودخلت لمبنى مرور الروضه اول مره ادخله ..لقيت 3 او اربع اشخاص جالسين على الكراسي و3 موظفين على الكونترات 2 عسكر واحد مدني سالت عن تجديد الرخصه واشاروا الى المدني ورحت يمه وقال عطني الرخصه واعطيته الرخصه
وكاس القهوه بيدي قال لي استريح ...بغيت اساله هل يطول الامر بس قلت اخاف يزعل وسكت ورحت ابجلس على الكراسي حوالي 6 امتار من الموظف وقبل ان استوي جالسا نادني....استغربت قلت الله يعين لقى مشكله ولما وصلت اعطاني الرخصه انا حسبت انه مرجعها لاقي فيها مشكله قلت له ويش المشكله قال مافيه مشكله...هذه الرخصه مجدده لعشر سنوات ...قلت انت متاكد قال يابن الحلال خذ رخصتك واتكل على الله....والله ورب ا السماء لم استغرق دقيقه واحده من تسليمه الرخصه واستلامي لها ....عمل تشكر عليه ادارة مرور الروضه واتمنى ان تنتقل تلك العدوى لبلديه الروضه وامانة مدينة الرياض والجوازات والاحوال وبقية الادارات البيروقراطيه المتهالكه

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

lu[.i t,r hgvlhg>>lv,v hgv,qi fhgvdhq []] gd hgvowi 10 sk,hj oghg ]rdri ,hp]i