منتديات شمس الحب - (القافله ماشيه ماحسبت لنبيح )

خمسة عشر درة ٍ بين النبـط والفصيـح
غصت اببحور القصيـد وجيـت مشتالهـا
الصوت مبحوح 0 وان غنيت يمكن يبيـح
ولا فـــودي بشيلـتـهـا ومـوالـهـا
من شان اسلي بها ذاك الضمير الجريـح
اللـي لياناحـر الفِـجـه تـنـوى لـهـا
والشاهدالله علـي انـي لعـد الصحيـح
واجاهـد النفـس مهمـا الوقـت سوالهـا
عفوي0وضد التكلف في الحياه 0 وصريح
واصفـح 0ولاعامـل الجهـال بعمالـهـا
اسلا مع اعزاز الانفس وانبسط واستريح
ولاضعـاف الروابـع 0مـالـي ومالـهـا
بعض الاوادم على غاية بعضهـا تطيـح
ولاتطيـح الطيـور الا عـلـى اشكالـهـا
ومجالس عزاز الانفس قحويانـه وشيـح
رفيـعـة ٍ تـرفـع الـرجـال لاجالـهـا
ماياجد الا سعـة خاطـر وهبـات ريـح
ومواقـف تطـرب الطـيّـب ويسلالـهـا
ولا انت ياللي ورا المقفي تنط وتصيـح
خلك بحالـك وخـل النـاس فـي حالهـا
القافلـه ماشيـه ماحسـبـت للنبـيـح
داست اخشوم الكـلاب 0 ولا علـى بالهـا
ووشفيك تنبح وراهـا يالـردي القبيـح
يعنـي مثـل غِـرة الـفـارس وختالـهـا
قال ابن عباد كم صدر ٍ فضحه الكحيـح
واليوم انـا اقولهـا لـو كـان قـد قالهـا
ولاكثر الله خيـرك َ يايميـن الشحيـح
جـوك ِ النشامـا ولاكرمـتـي اسبالـهـا
خمسة عشر بيت تمت مادخلها فصيـح
ومادامـهـا كِمـلـت مـالـي بطوالـهـا

:hawamer5412:hawamer5412

فيديوهات هوامير البورصة السعودية

وه بــــــــــــــــــــــس ان شاءالله تطلع الشيله مو الرابط:hawamer3912

ولا انت ياللي ورا المقفي تنط وتصيـح
خلك بحالـك وخـل النـاس فـي حالهـا
القافلـه ماشيـه ماحسـبـت للنبـيـح
داست اخشوم الكـلاب 0 ولا علـى بالهـا
ووشفيك تنبح وراهـا يالـردي القبيـح
يعنـي مثـل غِـرة الـفـارس وختالـهـا
قال ابن عباد كم صدر ٍ فضحه الكحيـح

روعه هالابيات بزات

:hawamer3812:hawamer3812