علي حبك الشعر قبل اذيعه
وعلى جماهير الشعر توزيعه
تزعل علي الناس والا ترضى
محدً على العجمي مضيق ريعه
جميلهم ماهو بكاسي متني
ولا لكم في الشرع عندي بيعه
حتى ولو غضو نظرهم عني
قلوبهم واذانهم سميعه
والشاعر اللي ما يلمع روحه
لا يطلب من اهل الشعر تلميعه
وان عود الشارب يذم اللحيه
موس الحلاقه واجبه تقطيعه
لكن يا بو تسعه .. اعيال التسعه
ما كلهم في عرضتك نزيعه
هذا كلام اهل المكارم وانا
الناطق الرسمي لهم واذيعه
شقيت في وجه المكارم شقً
واضح ولا يحتاج له رميعه
رقعتها منا ومنا لكن
على العرب ما تمشي الترقيعه
نفسً مهو يهدا غضبها كنها
الهوشه اللي مالها فريعه
اول ضحايا جورها صاحبها
تسنعوا ما دام به تسنيعه
ولا يفرح الظالم فـ ظلمه والله
يمهل ولا يهمله في ترويعه
واللي مهو يركع لغير الخالق
لا عاد تطمع نفسك فـ تركيعه
ما حن سوى لو نستوي في عينك
مثل القمر والنجمه اللميعه
اعزهم قدر ووفا واكثرهم
وانا لساني ماني بـ ابييعه
ويلا بغيت افتح لبيعه معرض
يا كثركم كثرااه يا الدفيعه
الكلب يتبع صاحبه لا جوع
والذيب يِبْلِشْ صاحبه تجويعه
ما كل من يعطف علي احبه
وماكل من يامر علي اطيعه
ايلين اعرف اللي عليْ واللي لي
واذوق من رغوة حليب مطيعه
مالي بتصنيف الردي والطيب
لكل واحد ديرته وربيْعه
بين الاصاحيب انتجمل صاحب
لصحاب عند اصحابها نفيعه
وان خانو الاصحاب ما خناهم
انفوسنا على الوفا طبيعه
نجمل مع العالم وحنا ندري
جمالةً في غير اهلها ضيعه
لكن ندور ما يحبه ربي
لعل في ضيق القبر توسيعه
والصاحب اللي ماهو بتبعلّي
اليا بدا اللازم ماني تبيعه
في لازمه لكن حقه عندي
ما عذربه ولا ادعو لتشجيعه
" احط من بيني وبينه حاجز
وادور اقرب فرصه لتوديعه "👍
صداقته كنها زواج المتعه
اختلفوا اهل الدين في تشريعه
محرمه في مذهب اهل السنه
ومحلله حسب كلام الشيعه
المواضيع المتشابهه 
خربها ابن الذيب( (ولا لكم في الشرع عندي بيعه)) 
العرض الشجري
