بما اني ساكن في الشرقية ومتابع حركه البر في المنافذ
وصلني صور وفيديو واخبار ان هناك حاله استنفار في جسر الملك فهد بسبب الزحمه
والسيستم علق في منفذ الكويت والسيارات على بعد كيلوين واكثر
وفي قطر منذ سلوى زحمه ايضاً
وفي دبي كل المواطنين اللي فيها والاجانب قالوا ان البلد محتل كله من سعوديين يمينك وشمالك
حتى بعض السعوديين يقول اللي اشوفهم هنا بدبي اكثر من السعوديين في السعودية اللي اشوفهم يومياً !!
والله حسيت اننا في كوريا الشماليه كل الشعب يفكر يتنفس في الاجازة
حتى لو هي قصيرة
مادري ليش المسؤولين ما يفكرون يستغلون اسباب هذة الحركه
وتجذب المواطن داخلياً وتستفيد منه اقتصادياً بدل النفع لدول الجوار
خلونا نترك دبي لانه مدينه سياحيه وعالميه
لكن قطر والكويت والبحرين ما اشوف فيها هالزود اللي تخلي الشعب وخاصه العوائل
يروحلها وفي اوقات زحمه
انا اشوف في نظري هذة الاسباب والمفروض المسؤولين يركزون عليها
وهي عدم وجود مجمعات زي العالم مثل ما عندهم الافنيوز في الكويت والسيتي سنتر في البحرين وفلاجيو ومول قطر في قطر
وايضاً حريه للشباب بالتحديد لانه هنا نظرتهم للشباب انهم راعين غزل وتحرش ومنبوذين ويعممون على الجميع الشباب كذا
وايضاً عدم جود سينما اللي ما زلنا نطالب فيها مع وجود البعض ضدها وهم ما يدرون وش هي
يحسبونها نادي عراء ولا ديسكو ههههههههههههه
والسينما في البحرين وقطر والكويت ودبي اكبر نسبه مشاهدة هم السعوديين وخاصه البحرين
ولا انسى وجود مطاعم راقيه ومختلفه
وايضاً جود اماكن تاريخيه وتراثيه زي سوق واقف في قطر وسوق المباركيه في الكويت
ونقطة اخيرة وهي النظام والقانون في البلد في هذة البلدان لديهم قوانين صارمه
اما هنا لك عليه حب خشوم ويطلع المخطي
وهنا اغلب العوائل لاتفضل تتمشى في مدينته ومع الاسف يفضل يطلع للخارج في دول الجوار افضل من الداخل
بسبب الامان واقصد هنا ثقافة بعض الناس والشباب لدى الطرف الاخر
مثلاً في دبي لو يشوف السعودي وحدة مفصخه اتحدى يتحرش فيها
اما هنا لو يشوف بعض الشباب سعودية متلثمه ولا لابسه عباه مزخرفه او ضيقه تجمعوا عليها
لانه يعرف بالنهاية بيطلع منها
المواضيع المتشابهه 
اشك اننا في كوريا الشمالية وانا اشوف الحشود المغادرة خلال الاجازة .! 
العرض الشجري
