لمن يريد أن يفهم ما الذي يحدث بمصر بعد أربع أو خمس سنين هتكون كملت زراعة (ال 4 مليون) فدان في الصحراء وانتهيت من العاصمة الإدارية الجديدة وكملت
شبكة الطرق والكبارى ( اللى ماحصلتش من 50 سنة ) وقضيت تماماً على مشكلة العشوائيات المتراكمة من عشرات السنين (مش هيبقى عندك مناطق عشوائية ولا مناطق خطرة )
وأنت أصلاً انتهيت من حل مشكلة الكهرباء بشكل شبه نهائى ,
وبقى عندك أكبر محطات توليد كهربا فى العالم , ( الحكاية دى كلفتنا أكتر من 100 مليار جنيه ) و بعد أربع أو خمس سنين هتكون بدأت بالفعل الإنتاج من كل حقول الغاز الجديدة فى البحر المتوسط ( من أكبر حقول الغاز فى العالم ) وهتكون كملت منظومة إعادة تسليح الجيش المصرى اللي بدأتها من سنتين ,,
( المتوقع تقدم ترتيب الجيش المصرى عالمياً مركزين أو ثلاثة ليكون السابع ) , وهتكون قضيت بصورة شبه نهائية على فيروس سى اللى كان بينهش فى أكباد ملايين المصريين من نصف قرن ,,
( قريب جدا مصر هتعلن نفسها خالية من فيروس سى ) ,, والمتوقع خلال الأربع أو الخمس سنين القادمة نكون بدأنا بالفعل تطوير منظومة التعليم(بدأنا ب 100 مدرسة لتطبيق النظام اليابانى ) ,, وبعد أربع أو خمس سنين هيكون مشروع الضبعة النووى خرج للنور ,, الحكاية دى أو الحدوتة دى إحنا بنعملها وإحنا بنمر بأصعب ظروف فى تاريخ مصر الحديث, (حرب مكتملة الأركان وأعداء من الخارج وفى الداخل ) ,, إجمالاً,, فإن أى قائد هيبنى مصر ماينفعش يتقال عليه رئيس, لازم يكون بطل وفارس وكمان هقولك ليه, عشان ماتروحش تقرأ كتابين وتتحاكى عن التجربة البرازيلية أو التجربةالماليزية وتشكر فى مهاتير محمد ولولا دا سيلفا , مصر يا مولانا غير البرازيل و ماليزيا, خصوصا في آخر 100 سنة ,
وطول ما أنت جنبك كيان صهيونى مزروع عمداً وعنداً ,
وطول ما أنت عندك تنظيم إرهابى عايش معاك ,
وطول ما العالم بيسيطر عليه قوة عظمى واحدة ,
وطول ما أنت حواليك ومعاك عرب لا أنت عارف توحدهم ولا عارف تخلع منهم,, يبقى اللي هينجزه غيرك فى ساعة, هتنجزه أنت فى أسبوع,, حركتك أبطأ بفعل فاعل ,
بالتالى اللى يبنيها وهو رجليه مربوطة بسلاسل لازم يكون فارس مغوار, وفى التوقيت بتاع خراب الشرق الأوسط ده, لما ييجى حد يبنيها يبقى اسمه(( بطل )) وكل مالبطل هيبنى وينجز ويتحدى الزمن والظروف, كل ما التعالب والديابة هيتجننوا أكتر وأكتر , أقولهالك باختصار وعلى بلاطة, مطلوب إن مصر ماتوصلش لسنة 2020 افهمها براحتك بقى
المواضيع المتشابهه 
ماذا يحصل في هذه الدولة الإسلامية العربية 
العرض الشجري
