السلام عليكم ورحمة الله وبركاتة
.. أتت هذه القصيدة بسبب ملاحظة في بعض الردود البذيئه من بعض الاخوان
على بعض المواضيع المطروحه من الزملاء .. بالفاظ خارجه عن اساس الموضوع . وقد عانيت انا منها كثير ..
وزاد حماسي للقصيده عند قراءتي لموضوع
الزميل فايز . ع الرابط التالي
http://www.hawamer.com/vb/showthread...5#post36340805
---------
يالربع انا حالي من الوضع محتار
.. عجزت لا القى له حلول وتفاسير
فكرت ثم فكرت ثم دارت افكار
.. ويطري على بالي علوم وتفاكير
اليا نزل موضوع من بعض الانفار
.. في منتدانا اللي يسمى الهوامير
راعيه يبغى راي ويريد الاشوار
.. وماخاب من ينصى الرجال المناعير
ومن حيث لا يدري بلا سابق انذار
.. يلقى كلام و رد يحتاج تبرير
من واحدٍ قد صنفه ضمن الأشرار
.. رمى له التهمه وصوره تصوير
او واحدٍ هرجه مثل ضرب مسمار
.. ماعنده اسلوب وشين التعابير
على اللحون الخاويه يعزف اوتار
.. ويرقص على دق الطبول ومزامير
درب العرب يمين ودروبه يسار
.. يمشي وله نيه يثير التدابير
هذه خلاصه قلتها بكل مقدار
.. من واقعٍ ما سرني يالهوامير
عن حال بعض الناس سويت الاشعار
.. ومني لكم كل احترامي وتقدير