لحبي لماهو قديم اترككم مع بعضا من الشعر القديم
و
نمر بن صنــــــــــــــــــــــــــت
فبعيداً عن بحر الغزل الذي طالما استهوى الشاعر يقول في موضوع تكسب بعض الشعراء بقصائدهم:
الشاعر اللي راس ماله لسانه
نفسه يحده للشحاذه ضعفها
دايم تومّي به ليالي زمانه
يتعب على الكلمه يدوّر خلفها
يعطيه زيد وعمر يدقم سنانه
ويدلا عليه بكلمةٍ ما عرفها
يقطعك يا رجلٍ تحب الإهانه
من لا يعز النفس يهدم شرفها
ويخاطب الشاعر في قصيدة (مكحلات المدامع) الأمير محمد الأحمد السديري شاكياً من لوعة العشق:
من ذاق ود مكحلات المدامع
عليه من شرابة الخمر تقليد
بين الرجا والياس خايف وطامع
وأرجي ليا مني تذكرت أبو زيد
ياللي عطيت الخيل شهب المصامع
ليا راح مرسولك عرفنا المراديد
فكّاكة المشكل بضرب اللوامع
واحبالكم نرجي بهن المواريد
أرجي لعلك للمواليف جامع
عقب البطا والبعد ومطارد الكيد
أمّا في غرض الغزل ، يقول في قصيدة (علموها):
ليت رجلي على بيت الغضي ما تمشت
لين شافت عيون اللي على بالها
عين شيهانةٍ جاها المساء ما تعشت
وراغ شيءٍ مع الصفرة تغايالها
علموها تراها للمعاليق حشت
وأكبر الجرح لا مريت مدهالها
تستطيع المشاركة هنا والرد على الموضوع ومشاركة رأيك عبر حسابك في الفيس بوك