منتديات شمس الحب

أول مشاركه لي واتمنى تعجبكم

*************

ياللي دفنتو جثته ليه تبكون؟...
لولا الحيا لا أقول معكم خذوني...

منه إنحرمت وكنت أنا عنه مسجون...
ماأذكر لمحته غير مره بعيوني...

شفته وكانت فرحتي مالها لون...
عجزت لا أوصف من نظرته شجوني...

ياليتني كنت الكفن يوم تمشون...
أبقى معه بالقبر ثم تدفنوني...

أو ليتني من خلفكم كنت مجنون...
أتبع خطاكم والعذر هو جنوني...

أبكي وراكم وأدي أن كان تدعون...
ما يكفي أنه عاش عمره بدوني...

تكفون هاكم عمري اليوم تكفون...
برخص حياتي دام خابت ظنوني...

مافادني صبري ولا فادني عون...
ولا فادني دمع~ن~حرق لي جفوني...

ياما بكيت والبكا يحرق عيون...
ميت أو أنه حي دمعي بعيوني...

العام كان بفرحته يعزف لحون...
واليوم تحت الارض ماهو بكوني...

لكن أنا بفرحته كنت مدفون...
فوق الثرى واليوم موته سجوني...

سميت قلبي عقب فرقاه ملعون...
هز والليالي عن هناه أمنعوني..

ياليتني ماعشت لحظه بهالكون...
وياليت ربعي في سكات ذبحوني...

وياليتكم عن همي اليوم تدرون...
منه أنحرمت ومن عزاه حرموني...

حتى بوفاته يوم أنا صحت مطعون...
أخفيت طعناتي قبل لا يفضحوني...

بكيت لكن ما تظاهرت بالهون...
أبكي وأقول الموت هو سبه طعوني...

وأن كان في حبي أنا ما تحسون...
دلوني لقبره وهناك أتركوني...

ــــــــــــــــــــــــــــــ

للأمانه م ن ق ووووول