منتديات شمس الحب - رواية الحياه حلوه فعشها بكل تفاصيلها(حب متمرد)للكاتبه همس المشاعر

الجزى الثاني
خاطره(لماذا الزمن يحركنا كيف ما يشاء ونحنو نتبعه بكل وفاء لاماذا تهدم احلامنا بلحظه ونحنو نبنيها في سنوات)

ربى : ههههه لا عاد خلينا العقل والرزانه لك
اصيل : هههههه اقول انتي وياهها بتقلبوها هوشه
جوري : صوصو اشوفك مروقه على الأخر ماكأنك الي مكلمتني قبل شوي
اصيل : ولك عين تتكلمين بعد هين ياجور بأردها لك
ربى : اصيل والله انا مالي دخل ولا ادري انها ماكلمتك الا قبل شوي قالت لي وحنى في السياره
اصيل : والله داريه عنك ياقلبي ماتجي منك كل البلى من الي جنبك
ربى : يسلملي قلبلك وطيبته
جوري : اقول وش رايكم اروح لبيتي احسن لي مدام انكم حاذفيني من القاموس
ربى : ههههههه لا لا انتي الخير والبركه
اصيل : ههههه ولو اني مقهوره منك الا ان الجلسه ماتسوى بدون جوجو حبيبتنا وملح جلستنا
جوري : احم احم داريه عنكم ماتقدرون على فرقاي
ربى : ههههه صوصو ذي الي بيكبر راسها علينا الحين
اصيل: هههههه اذا كذا اجل بنسحب كلامنا
جوري :وانا أأدر يابت
اصيل :ههههه تأثرتي من ابله شاديه
جوري :يوه بنات تذكرت يوم هزئتني والله كان ودي اكفخها
ربى :ههههه كان شلك تحفه وهي تهزئك
جوري :ايه اضحكي مو انتي الي تهزئتي واااي اوريها ام البصل
اصيل : ههههه ماحد قالك تضحكين في حصتها
جوري : وش اسوي ماقدرت امسك نفسي شكلها مره يضحك وهي فاتحه شعرها الي يخرع مسويه عبد الفتاح قريني على غفله
اصيل وربى : هههههههههههاي
اصيل :واي بطني اه خلاص جوجو بموت من الضحك كل ماتذكرتها وهي تهزئك وتدلع بكشتها ههههههه
جوري وربى:ههههههههه
شوي ودخلت الخدامه وفي يدها وليمة سهرت البنات (عصيرات وشبسات ومكسرات وفشار وبوب كورن ومعجنات بأنواعها)
جوري :ياي اصيل حرام عليكي بتخربي الدايت تبعي بذي الوليمه
ربى :ايوه صح بعدين وزنك يزيد ياحرام حزنتيني بس انتي شوفينا وحنا نأكل
اصيل :لا مهبوله انتي خليها تأكل والله لوماتأكل وتجلس تناظرنا نروح فيها من عينها
ربى :ههههههههههههه لاخلاص انسي الدايت اليوم خليه يوم مفتوح
جوري :اقول انتي وياها ومن قال اني بستأذنكم بأكل ولاعلي من احد
اصيل :بلعافيه حبيبتي بنات ترى بنفلها اليوم جايبه لكم سيديات عشان نرقص عليها
جوري :ايو والله خلنا نوسع صدورنا من المدرسه والمذاكره
ربى :الي يسمعك يقول مسكينه من زود الدفاره الي فيك بس تذاكري
جوري :مو لازم اذاكر اهم شي اني اداوم كل يوم هذا بحد ذاته تعب
اصيل تنادي على الشغاله فتحيه
فتحيه :ايو ياانسه اصيل عاوزه حاقه
اصيل :ابغكي تروحي غرفتي وتجيبي الاشرطه موجوده على التسريحه
فتحيه :حاظر
ربى :صوصو عندك فلم هندي
جوري :ياربي منك ومن الهنود ذولا ماتملين منهم ومن رومنسيتهم الزايده
اصيل :ايوه حبيبتي عندي لك واحد يجنن شاريته مخصوص عشانك
ربى:مشكور ه والله انك ذووق مو ذي الي بس تحب الاكشن والمضاربات كأنها ولد
جوري اجل تبغيني اتابع رومنسيين مثلك لاو الفلم كله يروح وانتي بس تبكي
اصيل :عشانها حساسه
جوري :ياعيني على الحساسين
ربى :تتمهزئي فيني وش اسوي والله احاول اني امسك تفسي بس مااقدر يحزنوني
تدخل فتحيه وتعطي اصيل الاشرطه
اصيل :وش تببغون تسمعون
ربى:اممممممممممممم
جوري :ابغى اسمع اغنية طلال سلامه عاجبني والله انها ترقص بجد
تقوم اصيل وتدخل الشريط على الاغنيه ويقومو البنات يرقصو ويفلوهاااااااااااااااا
دخل مزاجي وعاجبني من يوم شفته تملكني حبيت روحه وحبيته الله منه لايحرمني .......(مساكين من ضغط الدراسه يطلعونه في الرقص )
في بيت عائشه (ام تركي)
تحديدا في الصاله كان جالس تركي يتابع التلفزيون (تركي يدرس في الجامعه اخر سنه قسم حاسب الي اوصافه لون بشرته حنطيه عليه عيون كبيره ووساع وتجنن وخشمه سلت سيف وشفايفه صغيره شعره طويل شوي واسود وناعم جسمه حلو رشيق على شوي عضلات طويل طول مناسب لجسمه وفيه هيبه غريبه مايدخل مكان الا الناس تطالع فيه وفي هيبته شخصيته مغرور شوي بس طيب وقوي شخصيه بس حنون مع اهله وياويل من يغلط عليه فيه رومنسيه بس مايظهرها )
جالس على الكنبه ويقلب من قناة الي قناه وفجائه يرن التلفون
تركي :يوه مافي احد يرد على ذا العله
ويقوم يرد على التلفون
تركي بتأفف :الو نعم
وليد :هههههههههه اعصابك يابن الناس وش فيك كذا قول هلا مرحبا ياخي تخيل اني بنت ورديت عليها كذا مسكينه بتروح فيها
تركي :ههههههه هلاوليد ويعني وذا كانت بنت مابقى الا انا تركي اعطي البنات وجهه وبعدين ليه ماتدق على جوالي
وليد :ومن قالك اني مادقيت بس حضرتك ماترد وبعدين الله يعين الي بتأخذك مافيك ذرة رومنسيه
تركي :لاخلينا الرومنسيه لك
وليد :طيب ياابو الشباب طفشان وددي نطلع بس الوالده مسوي لي حظر تجول
تركي :هههههه ليه وش فيها خالتي عليك
وليد : لاتذكرني بس والله اليوم حسيتها شوي وتضربني
تركي :هههههههههههه
وليد : ليه تضحك قايل نكته انا
تركي : لا والله جالس اتخيلك وخالتي تضربك وانت اطول منها
وليد :ياخي والي زاد الطين بله اني هاوشة الجور وهي طبت علينا وعصبة والشيطانه جوري قامت تذكر امي وتسوي نفسها تنصحني اترك الطلوع من البيت وتذكرها بفشلي في الدراسه والوالد عصبت علي وسمعتني كلام وليما الحين زعلانه علي
تركي :ههههههههههههههههه والله اختك بجد شيطانه مافي احد يعرف لك مثلها
وليد :ايوه اضحك وش عليك خالتي ماتعاملك مثل ماتعاملني امي اما الجور وربي لاعلمها الادب بطريقتي
تركي :الله يعينك بس اجل اليوم منت بطالع مكان
وليد :والله ودي اطلع و حسام دق علي ويقول الشباب متجمعين في القهوه
تركي :غريبه مادق علي
وليد :الا قالي بس يقول انت مارديت عليه مدري وين حاط جوالك
تركي :ايه تذكرت راميه في الغرفه طيب اسمع وش رايك نروح شوي عند الشباب
وليد : والله ودي بس الوالده تبيني الساعه اثنين اجيب البنات من عند صاحبتهم بس خلاص بكلمها واحاول فيها
تركي : اوكيه انتظرك لا تصيف علي
وليد :ان شاء الله مع السلامه
تركي :سلام
ويقوم تركي ويروح غرفته ويبدل ملابسه ويلبس بنطلون جينز وتيشرت لونه اسود يبرز عضلات صدره وبطنه وشعره طبعا ناعم مايحتاج وهو قاصه قصه حلوه وسكسوكه معطيته رجوله اكثر اخذ جواله ورجع الصاله ينتظر وليد
بيت اصايل(ام وليد)
وليد نازل من الدرج وينادي امه
اصايل:تعال انا في المطبخ
وليد يدخل على امه ويسلم على راسها
اصايل: خلاص كل ماتشوفني جيت تبوس راسي الي يشوفك يقول مطيع ويسمع الكلام ودايم ترضيني
وليد :افا امي حبيبتي وعمري وكل هلي هذي نظرتها فيني
اصايل : اخلاص وش تبغى اعرفك اذا بغيت شي جيت تتمسكن
وليد :لا الوالده زعلانه علي مره خلاص ماابغى شي الا رضاكي
اصايل :لا ماني زعلانه عليك زعلانه عشانك ابيك تهتم في دراستك ومستقبلك وابيك تكون تتحمل مسؤوليه
وليد :والله يمه مالك الا يرضيك وراح اجيب لك ذاك المعدل الي يرفع راسك بس اهم شي رضاكي علي بدنيا
اصايل :الله يحفظك ويرضى عليك طيب وش كنت تبغى مني
وليد :لاابد سلامتك بس بغيت اروح انا وتركي عند الشباب نسولف شوي
اصايل :خلاص روح بس لاتنسى تجيب اختك وبنت خالتك من عند صديقتهم ولاتتأخر
وليد :ان شاء الله مشكوره يااغلى ناسي
وحب امه على راسها وراح غرفته يبدل(وليد يدرس في الجامعه ثالث سنه قسم ادارة اعمال اوصافه بشرته حنطيه فاتحه مايله للبياض عيونه متوسطه خشمه سلة سيف وشفايفه متوسطه جسمه متوسط بس مشدود وطويل اطول من تركي شعر ناعم بس على ملفوف مو طويل شخصيته طيوب وحنون ومتواضع مع الكل وراعي حركات وهبال وفي المواقف الصعبه رجولته مالها حدود )
نرجع للبنات في بيت اصيل رقصو ليماتعبو من الرقص وبعدها جلسو يتابعو الفلم الهندي
جوري :بنات احس اني مكسره والله
اصيل :ايوه حتى انا كمان تعبت مره
ربى :بنات اسكتو ابغى اتابع الفلم
جوري وهي تاكل بيتزا: ايه انتي لازم تندمجي معهم بعدين تتبكبكي واحنى ننبلش فيكي
اصيل :لا وكمان الفلم يحزن النهايه مررره تحزن
جوري :لا اجل قومي سكريه عليها لايصير فيها شي البنت
ربى :انتي مالك شغل خليكي في بطنك وكلي احسن لك
جوري:والله انتي حره انا ابي مصلحتك
ربى :داريه عن حنيتك اسكتي بس
اصيل تكلم الجوري :تصدقي جوجو مين امس داقه على جوالي
جوري :مين؟
اصيل :هنادي
جوري :هنادي الي في المدرسه
اصيل :ايوه هي ماغيرها احد غاثني
جوري :ياذي النشبه ماتفهم والله انها ماعندها كرامه
اصيل : ولا داقه واول ماكلمتها تخيلي تقولي احبك واحبك حتى لو انتي ماتحبيني
جوري :هههههههههههههههههههههه والله وانتي وش قلتي لها ليكون انكسفتي يابت
اصيل :اقول ماعاد الى هي بس قلت لها انتي ماتستحين وش ذا التخلف الي عايشه فيه
جوري :ههههههههههههه وش تبغينها تسوي تحبك البنت وذايبه في حلاك ياحلو
اصيل ترمي الوساده على الجوري :والله لو ماتسكتي لاقولها ترى الجوري تحبني عاد شوفي وش بتسوي فيك
جوري :لا والله توبه بس لاتقولي لها والله تسوي فيني مثل ماسوت في دلال يوم تقولك بلمزح انها تحبك وذي صدقت وكبت عليها المويه قدام المدرسه كلها
اصيل:هههههههههههههههه والله شكل دلال ذاك اليوم يحزن
جوري :ههههههه طيب لسى تتصل
اصيل :ايوه كل شوي الجوال يرن ورسايل وصلت فوق الميه
جوري :الله يعينك ذي شكلها عندها فراغ عاطفي قوي
اصيل :ومالقتني الا انا من بين بنات المدرسه
جوري :لان لسانك الحلو هو السبب وحنانك الزايد
اصيل:جور والله اني مااذكر اني قلت لها شي يخليها تتعلق فيني كذا واع اذكر شكلها وهي تقول ودي يدي ماتفارق يدك
جوري :والله بصراحه بتصيرو جوزه ولوزه ههههههههههههه
اصيل :اقول يارب يبلاك بوحد عندها فراغ عاطفي اقوى من هنادي
جوري :عادي بخليها تهرب من اول يوم مو مثلك مااعرف اتصرف
اصيل :اعرفك كلامك يجرح بقوه بس انا مااقدر اجرحها احسه حرام
جوري :اجل تحملي الي يجيك
لااااااااااااااااااااااااااااااااااااااااااااااااا
ويلتفتون جوري واصيل لربى الي تصيح
جوري :وش فيك خوفتينا كنك شايفه جني
اصيل :ايو الله قلبي وقف
ربى ودموعها على خدها :ماااااااااااات مااااااااااااات حرام ليه يموت والحين البطله وش بتسوي من دونه
جوري :ههههههههههههههههه خرعتينا عشان البطل مات
اصيل :ربى من جدك تبكي عشانهم تراه تمثيل وعاد الهنود في الكذب مااحد قدهم
جوري :قلتلك شوفي اكشن احسن من الي تطالعيه كله حزن
ربى وهي تشرب العصير وهي لسى حزينه :وماتوقعت انه بيموت اه ياقلبي على البطله هي كمان ماتحملت موته وماتت بعده
جوري :لا لا انتي حالتك ميؤوس منها خلاص ماعاد بخليك تشوفي افلام بغيتي تموتينا من الخرعه
شوي ويرن جوال الجوري وشافت الشاشه الا مكتوب الشرير
جوري :يوه العله ذا وش يبغى داق
اصيل :مين ؟
جوري : من غيره عله وليدوه
اصيل :طيب ردي يمكن يبغى شي ضروري
جوري : لا مالي خلقه اصلا سكت الجوال
شوي وجات رساله من وليد كاتب فيها ردي احسن لك ابيك ضروري
جوري:يوه ماادري ايش عنده ذا
يرجع الجوال يرن وترد الجوري في اخر لحظه عشان تحرق دمه
الجوري بدلع :مرحبا
وليد معصب:جور وعمى ليه ماتردي
جوري :والله مزاجي جوالي ومالي مزاج ارد
وليد :جور والله لوماتتأدبي لاكسر راسك
جوري :اوكيه اخي العزيز وش بغيت
وليد:يله اطلعو انا وتركي نستناكم برى
جوري :نعم نعم ومن قالك انت وياه رزو وجيهكم وتعالو لنا الحين
وليد:اقول يله بلا كثرت كلام تبغين تجلسين عند الناس حتى الصباح لكي خمس دقايق (سكر في وجهها)
جوري معصبه:كريه واي قاهرني قفل بوجهي جعله العمى
اصيل :لاجد والله تو الناس بدري بجد يقهر
ربى :لا خلاص طولنا استحي انتي تبغينا ننام هنا
اصيل :عادي حياكم والله اذا مشالكم البيت تشيلكم عيوني ودي تنامو عندي وبعدين البيت مافي احد تعرفون وحيده ماعندي لا اخوان ولاخوات
جوري:ياحياتي والله ودنا والله بس هذولا ء العلل الي برى وشوفي ذي صارت لابسه العبايه انا بتأخر خليهم يخيسون برى
ربى : انا مالي دخل فيك ماابغى اتأخرعلى اخوي حبيبي وولد خالتي
اصيل:ياهو على الحنون وبعدين حلوه ولد خالتي وانتي خجلانه هههههههههههههه
جوري :هههههههههههه والله انه مايستهال الا الحقران الا ذا في احد يحبه
ربى : عمى انتي وهي ومن قال لكم اني احبه انا اعتبره اخوي
اصيل وهي تغمز لجوري:ايوه دارين عنك مايحتاج تفسرين
ربى وهي طالعه: بكيفكم قولو الي تقولونه مايهمني
جوري بعد ماطلعت ربى:تصدقين كان ودي اخليهم ينتظرون وبذات المغرور تركي هو وخشته واي اكرهه
اصيل : وانتي اصلا تحبين احد من الرجال
جوري :يوه مااتخيل اني احب رجال يخسون احب احد فيهم انا كل الرجال ماادانيهم
اصيل :الله يعين الي بيأخذك بتسوي فيه بلاوي
جوري :ومين قالك اني ابي اتزوج وه اسم الله علي
اصيل :بصراحه انتي حاله نادره بين البنات
جوري :ههههه حلوه منك حاله نادره يله انا بروح قبل لايولعون فيني الي في السياره وخصوصا ان الاخت ربى مسويه فيها موؤدبه
برى في السياره جات ربى وركبت ورى بهدوء
ربى :السلام عليكم
وليدوتركي :وعليكم السلام
تركي :هلا بأختي حبيبتي انتي
ربى انحرجت من كلام تركي لان وليد موجود وسكتت
وليد :اسكت احرجت البنت كيف حالك يابنت خالتي
ربى ويادوب صوتها يطلع من الحياء :الحمد لله
وليد :وين الجوري ليه ماطلعت
ربى وهي متفشله من تأخير الجوري :الحين بتجي وراي
وليد :اعرفها اختي ماتخلص على خير ولو نخليها انا وامي على كيفها تسوي مصايب
تركي:ايوا الله يعينكم عليها
وليد :اسكت لو تسمعنا فجرت فينا
تركي :طيب والنهايه انا مااحب انتظر احد
وليد :ياخي والله اني صابر عليها عشان امي ياليتها تتعلم الادب من اختك
تركي :اسم الله على اختي من اختك
وليد : شفها جات ست الحسن
الجوري تركب ورى جنب ربى :اف غثى
وليد : متاخره ولكي عين تتأففي
تركي :سلمي السلام لله
جوري :يوه مالي خلقكم يله حرك وش تتنتظر
وليد :جوري مو يعني اني سكت لك سرت سواق تعدلي ازين لك
جوري :وش سويت لك انا عشان تصرخ علي كذا
تركي :وليد خلصنا اذا روحتو البيت تهاوشو على كيفكم
وليد يحرك السياره :وش تبي تسمع يابو الشباب ولا اقولك انا اختار
جوري بصوت واطي لربى :اخوكي ذا نفسي اعرف على ايش شايف نفسه مالت
ربى بنفس الصوت :اقول اتركي اخوي في حاله
جوري :مالت عليك معه بس
اختار وليد شريط راشد الماجد من لقى احبابه نسى اصحابه
ربى :الله تجنن هذي الاغنيه
جوري :والله حتى لو ماهي حلوه راح تعجبك لانهااااااااااااا
ربى :اسكتي بس انتي واصيل مدري كيف تفكرو
جوري:وليد حبيبي مدام ماعندنا شي ودينا االبحر
وليد:والله لو غيرك قال من عيوني بس انتي لالا يادفشه
تركي :ياخي حرام عليك بتخليها تبكي علينا الحين
جوري :ليه شايفني طفله اتبكبك عندكم مو الجوري الي تنزل دموعها عشان احد
تركي في خاطره (مدري مين تحسب نفسها الله يعين اهلها عليها ماتنبلع)
تركي :ربروبه حبيتي لو ودك نروح ولو اني تعبان بس عشانك نروح المريخ
جوري :واي مالت عليه مسوي فيها حنون
تركي :كأني سمعت احد يسبني
ربى بخجل :لا يخوي بس انا ماودي نروح حتى انا تعبانه ماودي بعد نتعبكم زياده خلوها مره ثانيه
وليد بخاطره (ياحبي لها هي وخجلها )
جوري :لا بس انا ودي نروح ماني تعبانه
تركي :خلاص وليد وصلنا انا واختي بيتنا وروحو مكان ماتبون
وليد :لا مدام انتو ماودكم نروح بلها الروحه من اصلها تبوني اروح انا والبسه لحالنا
ربى وتركي :ههههههههههههههههههه
جوري تكلم ربى:هين خربتي الطلعه وبعد تضحكي انتي واخوكي ذا الكريه هو وشعره الي تقول شعر بنقالي
ربى :اول شي ماتشوفين اشكالهم باين عليهم تعبانين وفيهم النوم وثاني شي اخوي شعره يجنن بس انتي مقهوره لانه انعم من شعرك
جوري :اقول ربى اسكتي لانها وصلت معي ومااظمن نفسي وش اسوي فيكي
سكتت ربى وهي فيها الضحكه على عصبية الجوري وخوفها من جد لاتنفجر عليها الحين وكملو طريقهم الين وصلو بيت ابو تركي ونزلو تركي وربى التفت تركي على وليد
تركي :وليد لاتتأخر زي ماتسوي كل جمعه وتجيك تهزيئه من جدي
وليد :يوه لاتذكرني الله يهديه جدي لازم يعني كل جمعه نتغدى عنده الله يعين بس
تركي :يله مع السلامه
وليد :مع السلامه
ويحرك وليد سيارته بعدها يلتفت تركي على ربى وهم في حوش القصر الكبير
تركي :وش فيك تضحكي ضحكيني معك
ربى :لا ولاشي بس اضحك على الجوري من قهرها يوم ضحكنا عليها بغت تفجر فينا
تركي :ههههههههههههههههه
ربى :والله لو تسمعك كان تروح فيها
تركي :خليها تولي ماعندها سالفه ماتحترم احد ولاتقدر تصدقين ساعات انسى انها بنت من عربجيتها
ربى :لاحرام عليك والله انها حبوبه وطيبوبه بس مشكلتها عصبية شوي وماتداني جنس الرجال
تركي :لاتكفين احنى الي ميتين عليها حتى انا اكره الحريم بس مااعملهم مثلها
ربى بدلع :تروكي الحين انا ماتحبني
تركي :وه فديتك انتي ليت كل الحريم مثلك بس انا اقصد بعض البنات الي تصرفاتهم تجيب الهم
ربى :اكيد الجوري منهم والله الجوري مافي احد مثلها بين البنات
تركي :ايه هي اول القائمه وبعدين فكينا من سالفتها تجيب الهم الله يعينك ياوليد عليها
ربى :والله انتو وهي مدري اشفيكم على بعض
وبعدها دخلو كل واحد لغرفته وراحو في سابع نومه اما عند وليد وجوري في السياره
وليد :جور اقل شي احترميني قدام الناس
جوري :اول شي انا وش سويت لك وثاني شي مين هذولا الناس الي تتكلم عنهم اذ تقصد الكريه فهو عارفنا من زمان واما اذا تقصد حبيبة القلب فخلها تعرفك على حقيقتك انك شرير ومو رومنسي مثل ماتحاول تبين قدامها
وليد :خلاص كليتينا ماصارت كلمه قلناها هبيتي فيني
جوري :انا ماقلت الا الحق
وليد : لا انتي ماتغلطي على احد والله يلجور لو اني مو خايف من امي تزعل علي كان اوريكي شغلك لاتحسبين نسيت الحركة الي سويتيها قدام امي
جوري سكتت ماتبي تناقشه زياده ووصلو البيت وسلمت على امها وراحت غرفتها وبدلت ملابسها ولبست بجامه فوشيه وعليه من عند الصدر رسمة مكي ماوس ورمت نفسها على السرير وراحت في سابع نومه.................

اشوفكم البارت الجاي ياحلوين ولاتنسون الردود الحلوه وبدعمكم نتواصل