قصيده للامير الشاعر سليمان التركي السديري
--------------------------------------------------------------------------------
ليت من حول مطر لندن وغيمه ************ يم صحراء نجد وبلاد الشمالي
للديار اللي بها سمتٍ وشيمه *********** مايحكمن النسا فيها الرجالي
للرجال بدارهم قدرٍ وقيمه *********** يكرمون الضيف في عسر الليالي
شبتي للنار في حد القصيمه ********** والنشاما حلقةٍ عند الدلالي
حلقةٍ مارددوا فيها النميمه ********* كود ذكر أمجاد مكرمت السبالي
والسوالف بالتواريخ القديمه *********** عن كبار الناس ماضين الفعالي
خير عندي من مبانيها العضيمه ********* لو زهت بالعين وأحلام الخيالي
حب نفسي للرجال المستقيمه ********* يرفعون نفوسهم لأعلا العوالي
مانحب اللي طبايعهم ذميمه ********* الردى لأهل الردى سقط الرذالي
رفعتي للنفس عن طرق الهضيمة ******* خير عندي من ملايين الريالي
ياعسفت النفس بعنان وشكيمه ****** طاوعت لك بالمكارم والمعالي
وأن تركت عسافها طرقه وخيمه ***** سودت تاريخ مرخين الحبالي
نبذل المجهود مع قو العزيمه ***** وماجرى يذكر ليا حل المجالي
الرجال أفعال مافيهم وسيمه ******** أنشد اللي جربوا مرٌٌ وحالي
الأمير الشاعر سليمان التركي السديري
انا ولد رجال من نسل رجال
***********كــانــك تــعـرفـي عـمنـا سالم الـزير
حنانسل وايل عريبين الاسبال
*************نـاسٍ بـقـص الـراس دايــم هــوامـيــر
ناسٍ لهم بالعز يابنت منزال
************تــاريــخــهــم بــالــعــز مـافـيه تزوير
اهل الكرم والطيب فال علىٍ فال
*************زبــانــت الــجــالـي سيـوفٍ مشاهير
حنا عنزه مجلاسنا بن ودلال
************* لامـــن زعـــلــنا نـــدمــر القوم تدمير
تاريخنا بالعز مافيه من قال
*************الاونــعـم ونـعـم مـافـيـه تــقــصـيـر
تسجلت بافعال عناز الاقوال
************ وتـدونـت فـيـنا الكـتب للــتــذاكـيتر
تاريخ كله مفخره فعل الابطال
*************نــفــخـر لــيــا قلنا نسل سالم الزير
الرجل منا لاحكا قول وافعال
*************لـــودارت الايــام حـــنا الــمشاهير
لواننا يابنت في وقت غربال
************* نـصـبر ونـحـمي عزنا ويش مايصير
الموت اهون لو علينا الزمن مال
**************دون الشــرف والـعـز مـانـقبل الغير
نسل ابن وايل عز صباب فنجال
*************شـجـاعـه وجــود ونــسل طيب وايجير
هذا انا يابنت من نسل رجال
************ فــيـه الافـعـال الـي بـها حكينا يحير
وراحت وهي تسحب مع الصوت موال
*************عـــز الــقــبـايــل عــز ياســالم الزير
والعز في جميع القبايل..... ولايهون الجميع...
المواضيع المتشابهه 
العرض المتطور
