الهبوب البارده
 

الهبوب البارده
-------------------

الا يالهبوب البارده عجلي هبي .. على جاش من قامت هواجيسه تلوبه

انا مرةٍ اصحى ومره يغيبي .. واسرح مع كثر الطواري بغيبوبه

الا يادهر ماهو بحقٍ تلاعبي .. وخليتني لمقرد الخلق لعبوبه

عبادٍ مغفلها الزمان وتعجبي .. يحسبون قل المال في الرجل عذروبه

وانا قانعٍ باللي علي كاتبه ربي .. ومؤمن بمقدوره وقانع بمكتوبه

ولا ابغى عمى الاريا برايه يجربي .. وهو ماعرف ماجوب ربي وماجوبه

هذور المجالس راعي المدح والسبي .. وهو بالخلا لو جاه بنتٍ خذت ثوبه

يقولون لي جز من تصرفك وتحبي .. وهي توبتي من مجتمعهم هي التوبه

ديار الوبا من طبها راح متوبي .. وقرابة الجربا على الحول مجروبه

انا عارف منصاي ليا من بدا نبي .. وعارف طريقي والذي باتجه صوبه

وانا اعرف من اعادي وانا اعرف من احبي .. وبه ناس لا تعرف ولا هي بمحبوبه