منتديات شمس الحب - يا حظ من عنده عجوزٍ وشايب / والاّ حدى الاثنين يا سعد عينه

السلام عليكم ورحمة الله وبركاته..
اسعد الله اوقاتكم بكل خير جميعا الرعيل الاول وهالجيل:hawamer5512

مدخل

قالـت امي كيف حالك يا ضناي ؟
قلت: حـالي نفس حالك يـا رضايّ

ان تبسمــتي غدى الكون بيدي
وان تـكدرتي .. يضايقني فضـــاي

http://www.rafha.com/vb/image.php?u=...ine=1330231702

يا حظ من عنده عجوزٍوشايب
والاّ حدى الاثنين يا سعد عينه

وجودهم يجلى النكد و الصعايب
و يا حظ من يدرك حدى والدينه

ابوٍ كبير و له علومِ طرايب
و كل المراجل حازها في يمينه

و أمٍ إلى شافه تهون المصاعب
تسعد ببرّه لو يقبّل جبينه

ترفع يدينه للولي بالمطالب
وترجي ولي العرش يسعد سنينه

أقدامها تحته جنانٍ رطايب
و أبوك عزه في توالي سنينه

و بيتٍ بدون كبار مثل الخرايب
و اللي فقدهم قولوا الله يعينه

نورالبيوت ويجمعون الحبايب
وكل السلوم الطيبة جامعينه

فيهم لقسوات الليالي غلايب
مروضين الوقت ومطوعينه

اخضع لهم وانذلّ إن كنت راغب
في جنةٍ يا علنّا ساكنينه

و ازرع و تجني لكل شيٍ عقايب
وكلٍ يبي ياخذ على قد دينه

و احذر تقول اجيب واحد يراقب
ويخدم ابوي وراتبه دافعينه

http://www.youtube.com/watch?v=ouZuoy9AShg

طلبتككم ياكرام دعواتكم لوالدتي شفاها الله ,
حصل لها انزلاق على السيراميك وهي تتوضأ لصلاة المغرب البارحة والحمد لله دفع ماكان اعظم .
ياليت الوجع فيني ولافيك يا ميمتي الغالية .
يارب شدها بالصحة والعافية. تكسر خاطري ويتقطع قلبي وانا ارى ضعفها ووهن عظمها.

وسلامتكم جميعا ..جمعكم ربي بوالديكم ومن تحبون ومن لهم حق عليكم في جنة عالية