للنقاش وابداء الرأي عن حاله اجتماعيه
 

اتمنى من الجميع ابداء حكمه هل هذا صحيح اولا

اذا هو صحيح يقولنا الحل من وجهة نظره
تسوي عزيمه بمناسبة زواج او تخرج من جامعه او عودة قريب من سفر او اي اي مناسبه كل هالمناسبات روتين ممل مافيها تغيير مناسبه عن مناسبه

عزيمة اليوم مثل عزيمة امس تجديد تغيير مافيه وطريقة العزيمه ما تفرق بتغير المناسبه كلها اكل وخلاص

الضيووف بس ينتظرون العشاء يتعشون ويروحون بيوتهم

وكانهم جايين عشان يتعشون بس

حتى وهم ينتظرون الاكل ما تدري المناسبه فرح ولا عزاء ساكتين بس يبون يتعشون ويروحون

هالكلام في المجتمع قريب مني مناطق ثانيه ما ادري يسوون اشياء غير الاكل

وش الطرق لتغيير هالعاده حتى نسوي من الفرح فرح حقيقي نفرق بينه وبين العزاء ونغير من مناسبه لمناسبه