منتديات شمس الحب - ودي أموت اليوم وأعيش باكر

عندما يكون الغدر حدث من أحداث حياتك اليوميه والحزن كالعباده واجب عليك عندها ودك تموت اليوم وتعيش باكر ....
ودي اموت اليوم وارجع واعيش باكر من جديد لجل اعرف من هو على الود صادق ومن هو.بعد موتي بطعنات الغدر بيزيد ومن هو تمنى ان عمري باقي مديد.....
ودي أموت اليوم وأعيش باكر
وأشوف من هي بعد موتي فقدني
ومن هو حملني لين ذيك المقابر
واشكر انا كل من كرمني ودفني
وبشوف يرثيني أنا كم شاعر
ومن هو تركني وماكتب شي عني
شخص تعنا لي مع انه مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومن هو من أهلي فالعزاء كان حاضر
ومن هو دعالي في صلاته ورحمني
ومن هو بنا باسمي سبيل ومنابر
ومن هو يفز قلبه الا من لمحني
ومن هو عشاني طول الأيام ساهر
ومن هو ثلاث أيام راح وتركني
ومن هو يرتب غرفتي والدفاتر
وان شاف صوره لي مات وحضني
يالله عسى ماتخفى كل المشاعر
ويالله عسى ماينصدم يوم ظني
خايف يروح العمر وأكون خاسر
وأن طار طيري مايفيد التمني
وخايف يجيني وقت اكسر خواطر
وأن جارت الدنيا وزهاني كسرني
ومدام هاذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل مابغيت أضحك يهددني حزني
الضيق وافي والحزن حيل وافر
والجرح أكثر شي شفته يجيني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني آمر
مسكين فرحي تصدق انه وحشني
شاعر ولكني ماني بشاعر
ودي أموت اليول وارتاح مني
.
..........
ودي اموت اليوم ..
وارتاح من همي..
وارتاح من حزني من حزني ..
وارتاح من كل جرح ..
باسمى عروقي سكني...
تعبت من الحزن ..
تعبت من الوهن ..
تعبت وأنا طول ايامي اون .....