منتديات شمس الحب - المصائب.......

ياخوك ياكثر البلا والمـصايــــــب = سود الليالي بالغـثا مستتمـــــــــه

ان عشت ورتك العجب والعـجايب = عزي لمن سود الليالي تخمـــــــه

إلى اقبلت ترقـيك متن السحايـــب = وإلى ادبرت ترديك في غب جمـه

باقبالها تفـك عسر النشايــــــــــب = وبادبارها ترمي عليك المطـمــــه

لعاندت . تصبح تـقـل وجـه شايب = ولطاوعت . طفلٍ يغاغي على امه

عيت تطاوعني عساها الذهايـــب = قـلبتها في كل صـوبٍ ويـمـــــــــه

لابـد ما يـومٍ تـهـب الـهـبـايــــــب = وتجلي همومٍ بالحـشا مدلهـمـــــه

احمد بن عبدالرحمن العريفي
(نديم المجره)