منتديات شمس الحب - لو خسرتك ماخسرت العمر .. والدنيا متاع .. تنطبق على حالنا مع سوقنا ... !!

اعجبتني وتخيلت من خلالها وضعنا مع سوقنا وما نعانيه من مشاكل

بجميع الألوان والاشكال ... !!

لـو خـسـرتـك مـا خـسـرت الـعـمــر.. والـدنـيــا مـتــاع
وادري انــي لــو خـسـرتــك مــا خـســرت .. الا قـلـيــل

بـس فـكّـر زيـن.. تـعـرف مــن خـســر فـيـنــا.. وضــاع
وتـعــرف انّــك لــو تــلــفّ الأرض .. وتـــدوّر بــديــل

والله ان تـبـطــي .. ولــو لـفّـيــت فــي كــل الـبــقــاع
ولـو تـسـوّي وش تـسـوّي مــا انــت لاقــي لــي مـثـيــل

ويـن تـلـقـى مـثـل شـخـصـي شـخـص.. وطـبـاعـي طـبـاع
وويـن تـلـقـى مـثـل قـلـبـي قـلـب.. أو مـثـلــي خـلـيــل

الـبـشــر واجــد .. نـعــم .. لـكــنّ فــرق الإنـطــبــاع
يـجـعـلـك يـمّـي تـمـيـل .. ويــمّ غـيــري مــا تـمـيــل

يــا رفـيـقــي .. إنـتـبــه.. واحـســن إلــيّ الإسـتـمــاع
لـلـمـواقــف دور فــي كـشــف الـمـزيّــف.. والأصــيــل

وانـت مـاقـصّــرت فـيـنــي مـوقـفــك .. جــدا شـجــاع
طـعـنـتـك فـي الـظـهـر فـعـلا كـانــت اثـبــات ودلـيــل

بـيّــض الله وجـهــك الـلــي سـاتــره تـحــت الـقــنــاع
ورايـتـك بـيـضــا مـعــاي ويـاعـســى عـمــرك طـويــل

يـعـنـي اعـطـيـك الـثـقــه وتـردّهــا ب(لــوي) الــذراع؟؟

يـاخـي مـا شـا الله عـلـيــك ابـدعــت فــي رد الـجـمـيــل
مـدري كـيـف اشـكـرْك مــدري كـيــف ارد الـصــاع صــاع

كـنـت احـسْـب انّـك عـزيـز الـنـفـس .. تـطـلـع لـي ذلـيـل
كــم وانــا عـيّـيــت اصــدّق فـيــك قـدرالـمـسـتـطــاع

مـن غـبـائـي كـنـت أسـكـت واعـذرك.. واثْــر الـحـصـيــل
جــرح قـلــبٍ .. مـيـزتــه فــي كــل يـــوم الإتــســاع

ودمـع عـيـنٍ يـنـهـمـر مـن ضـيـقـتـي.. فــي كــل لـيــل
والله انــي كـنــت احـبــك حــب .. واتْـبــعْــك اتّــبــاع

كـنـت لـجـل ارضـي غـرورك بـس اســوّي الـمـسـتـحـيــل
كـنـت اعـمـى فـيــك .. لالا .. كـنــت مـيّــت لـلـنـخــاع

كـنـت مـدري كـيـف؟؟ لـكـن كـنـت صـادق مـعــك حـيــل
كـنـت امـارس فـي غـرامــي لــك سـيـاســة الانـصـيــاع

وكـنــت لاغــي مـعــك فـكــرة أعـتــزل أو أسـتـقـيــل
إنـدفـعــت بــكــل مـافـيــنــي .. وســـوء الإنــدفــاع

يـجـبــر الإنـســان أحـيـانــاً .. يـفـكّــر بـالـرحــيــل
صـدمـتـي فـيـك انــت.. خـلـتـنــي أفـكّــر بـاقـتـنــاع

إن قـتــل الـنـفــس راحــه لــو أنــا كـنــت الـقـتـيــل
إنـفـجـر راســي مــن الـتـفـكـيــر.. واشـتــدّ الـصــداع

كـيـف اجـل بـافـتـكّ مـن جـرحــك ودوشــة "قــال قـيــل"

صـرت سـيـره فـي حـلـوق الـنـاس.. وتـالــي هـالـضـيــاع
"أنـتـحـر؟؟ مـعـقـول!!" يــا ألـلــه وش هــذا الـغـلـيــل؟؟

رحـمـتــك يــارب لامــن ضـاقــت امـنـحـنــي وســـاع
أنـت حـسْـبـي فـي الـزمـان الـجـايــر ونـعــم الـوكـيــل

لا غــدى "مـسـتـقـبـلــي والـمـاضــي" اطــراف الـنــزاع
وصـفـحـة الـمـاضـي سـواد وشـيء مــن هــذا الـقـبـيــل

ْفـلازم انـسـى لـجــل أنـهــي بـداخـلــي هــذا الـصــراع
ولازم اتـقــوّى .. عـشــان احـقّــق الـنـصــر الـجـلـيــل

وطـالـمــا إن الـهـجــوم افـضــل وسـيــلــه لـلــدفــاع
مـسـتـحـيـل ارضـخ لـو ان الـحـمــل يـاربـعــي ثـقـيــل

والـبـخـيـل الـلـي نـسـانـي واشـتــري فـيـنــي .. وبــاع
يــذلــف الله لا يــــردّه .. والله بــجــرحــي كــفــيــل

وان ســأل عـنّــي وجـاكــم بــعــد فــتــرة إنـقــطــاع
عـلـمــوه انّــي نـسـيـتــه بــس انــا مـانــي بـخـيــل

طـالـمـا كــان الـسـبــب فــي قـوّتــي .. قـبــل الــوداع
بـلـغــوه ْبــلا سـلامــي خـالــص الـشـكــر الـجـزيــل