عندي صديق لي من ايام الدراسة توفت امه قبل كم شهر الله يرحمها ويرحم موتى المسلمين
وابوه ميت من كم سنة الله يرحمه

يوم مات ابوه خلف لهم 6 عماير تقريبا ويجيه بالشهر 10000 الاف ريال

كلمني اخوه قبل كم يوم قال ياليت تنصحه قلت له ليه
قال اخوي تزوج لبنانيه ويبي يهاجر الفلبين لانه شراله بيت هناك؟؟:hawamer3612

وبحكم حبي له وصداقتي معه كلمته وقلت بزورك واشرب عندك فنجال قهوه ورحب فيني وفعلا زرته
ويوم قلت له عن كلام اخوه قالي: يافلان مالي مكان هنا خلاص الوالده الله يرحمها ماتت وقبلها ابوي الله يرحمه وانا ودي اعيش بجو زين
قلت له: يعني مانت جاي مره
قال: افا شلون اترك ديرتي واهلي الا اجي بس كل فتره واسلم على اخواني الثنين وخواتي الثنتين وازور مكه والمدينه
قلت له: يا خي خلك هنا بين اهلك وربعك
قال: يابن الحلال انا مقرر من زمان وبيني وبينك يمكن اطق الثانيه وتكون فلبينيه:hawamer1312
قلت طيب زوجتك الاولى(اللبنانيه) هي الي طلبت والا انت من نفسك وبدون زعل
قال اقسم بالله انها حاولت معي نجلس هنا عشان حبت خواتي لكن انا رفضت
في الاخير قالي ارجوك
جيتك على عيني وراسي بس لاتجادلني بموضوع منتهي؟؟

بصراحة تفاجئت منه ومن عناده:hawamer3612:hawamer3612
انتم وش رايكم
ياخوفي يشوف المنتدى ويسويها سالفه:hawamer0012:hawamer0012