|
**.. للأسف أنهم من السعودية ..** بسم الله الرحمن الرحيم... أولا :: انا اعتذر عن موضوعي لانه جريء شوي بس ضروري نحكي فيه .. ثانيا :: حابه انكم تشاركوني فيه .. ثالثا :: هاذي أول مشاركة ليا واتمنى تعجبكم .. الموضوع جاني ع الايميل وحبيت اني انقله لكم لانه مررره عجبني واتمنى انه يعجبكم متلي .. ما بدي اطول عليكم اترككم مع الموضوع .. لا اله الا الله عدد ماكان وعدد مايكون وعدد الحركات والسكون الهم اصلح بناتنا واصلح العاصيين الهم امين الى الشعب الســـعودي المحترم مع التحيه...امـــــــــــــا بعد كان يا ما كان قبل 10 سنوات او حولها كنا لما نمشي في ديرتنا ونشوف اجنبيه كاشفه تطير عيوننا .. نقول وش هذي .. يا ساتر .. كان يا ما كان قبل ثلاثة ايام افتح ايميلي واشوف رساله من قروب مشهور... صور لبنات ويتفاخرون انهم سعودياااات.. السعوديـــه فخر بس للأسف ما يستاهلون يرفعون هذا المسمى على الصور الي كانوا طالعين فيها مثال .. صورتين لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ومنزلين البنطلون..ونص البتاع طالعه قله الحيا هذي مهيب مقبوله!! __________10 سنوات فتره موب قليله كيف وصلنا لهذي الدرجه من فراغ الاخلاق . ؟؟ الصيف اللي راح.. للأسف غلطنا ورحنا مصر .. وما ادراك ما مصر .. مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!! ويلومننا ليه نكره الدول العربيه! رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه)) وتصفيييييييييق..!! لحقونا بعد شوي الشعب الاماراتي والكويتي.. بس السعوديه عادها يمكن 6 مرات.. جلست افكر.. ليه يعني حنا اكثر؟؟ فكرو فيها شوي.. لين يخلص الموضوع بعدين جاوبو.. ...... ارجع الحين لصلب الموضوع ليش صرنا نشوف صور كثيره.. وعناوين الصور((سعوديات..سعوديات .. سعو-ديات)) لو نتفرج عالصور.. نلقى رجول .. نلقى جزم نلقى اساور خضرا<<يعني ترا حنا سعوديات. والفيس بوك عاد..والهاي فايف.. انواع الصور اللي مدري وش اقول عنها شفايف.. * * * عيون ونادر ما تلقى وحده حاطه وجهها.. على فكره.. اللي تحط صوره وجهها,, محترمه اكثر من اللي ترزز اشياء ثانيه!! يعني عشانكم تتغطون..تروحون تصورون ذا الصور ..! تمنيت اني اطيح على بروفايل احد..والقاه حاط اسم كتاب حلو نقراه ..خاطره حلوه من كتابته.. موقف مضحك مر فيه..موقف مؤثر.. او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟ ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!.. ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا.. وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه <_<.. يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو.. بس ان الوحده تجي تصور مقفاها.. هي وخوياتها.. وكاشخه بالجي سترينق!! والمنتديات والقروبات السعوديه تتسابق لنشرها .. الدال عالخير كفاعله.. والشر بعد.. بعدين انتي ياللي مصوره انتي وخوياتك يعني انتي همك الوحيد ما يشوفون وجهك عشان محد يعرفك.. بس مقفاك.. شفايفك.. و* * * *.. عادي يشوفونه!! لأن المهم عندك الناس.. موب الله؟؟ طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟ اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟ عيب يعني..يعني عشانكم بنات مع بعض عادي تورون بعض يعني؟؟ ولا اقولكم..انا نسيت انكم ناشرين الصور للشباب..فما يهمكم البنات.. يعني صدق شي يضيق الصدر .. بنات سعوديات مسلمات في مجتمع مثل مجتمعنا يسوون زي كذا.. ودي اعرف امك..وابوك..وش بينظرون لك بعد ذا الصور؟؟ يعني حرام..اهلكم ربوكم احسن تربيه.. بس انتم للأسف ما ربيتو انفسكم.. فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!! ولا قروب ثاني سعودي برضو..والصور اللي ناشرينها.. ذوليك عاد.. متبرقعات..وبعابياتهم..متكحل- ات..ومسوين حركات غبيه ومصورين..! طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!! طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه .. اللي همهم نوم واكل.. وفلوس ياخذها من ابوه ولا امه! تطورو شوي.. ارتقو شوي..اطلعو بصوره احلى من كذا.. انتم عارفين ان النت اكبر وسيله انتشار.. قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. ! بس شوفو الصور انتم! شفايف و * * * * ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه.. ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟ انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه.. ليه بس تنشرون الشي الشين؟ ؟؟ انواع المقاطع الشينه تنتشر.. انواع الصور الشينه.. ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين! اقولكم شي؟ شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعن لفئه معينه من الناس.. بس تدرون ان الكتب تترجم لاكثر من 22 لغه؟؟ تدرون انهم برا يدرسون الكتاب فيه دوله من الدول يدرسونه؟؟ تخيلو؟؟ رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء.. يا حلّو الثقافه اللي يتثقفونها بس! يعني الحين اللي برا..يدرسون الكتاب كنص سعودي ادبي يمثل حياة السعوديين .. كله سلبيات في سلبيات, ,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره.. هم يدرسون (بنات الرياض) لتمثيل المجتمع السعودي! انا ما الوم رجاء الصانع على اللي كتبته.. بالعكس انا عاجبني الكتاب من إلى. . وكل اللي كتبته اشوفه بعيني عندنا.. وكل اللي سوو عليه ضجه.. هذولي يبون يعترضون لمجرد الاعتراض.. ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!! ليه تنكرون كل اللي بالقصه وانه موب موجود! الا موجود ونص والدليل هاللي نشوفه بالنت والسوق والجامعه وكل مكان! رجاء الصانع تبي تصلحكم وتفتح عيونكم على اخطائكم.. لكن موب الغلط في اللي كتبته رجاء.. لكن الغلط في مخ كل من يقرا الروايه!! شلون الواحديصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس! بس عادي يدشرون ويخربون وكل شي.. بس ما ينتشر عنهم شي! ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين! غلط ! كل دوله بالعالم فيها الصالح والطالح.. البيت الواحد فيه الصالح والطالح.. ما تحبون احد يحكي فيكم ابد.. بالرغم من كل الاغلاط بحياتكم.. قبل فتره سمعت انهم رحلو هشوم الرياض.. الى ديرته الحقيقه(سوريا) وانه لا يمت للشعب السعودي بصله! كأن ما عندنا سعوديين من هالجنس!! ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟ بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!! شله شباب..اعرفهم بعد.. ..طالعين لجده..في رحله بحريه..وصادو كميه لا بأس بها من السمك.. تدرون لو بيبيعون هالسمك.. كم يبيجب لهم؟ تقريبا 4 الاف.. بس هم كانت نواياهم اهم من الفلوس.. اخذو هالسمك وودوه لمنطقه فيها ناس فقرا.. وتصدقو.. برضو حمله تبرعات الراجحي.. ترا اكثر من تبرع فيها شباب.. ((المواقف مذكوره عشان ابين انو فيه ناس كويسه,,يعني ابين الجانب الايجابيه)) يعني فيه ناس تشتغل.. فيه ناس عندها اهداف.. موب بس بالنت.. حتى برا النت,, سواء بنات او شباب.. نبغى جيلنا السعودي الجديد ينتشر عنه كل شي حلو.. انا ما اقول انكم ما تنبسطون.. ما تسوون هبال. . بس برضو بحدود.. موب عشانكم ورا الشاشات يعني عادي؟؟ (هياط ورا الشاشه = مرض) الصور اللي من النوعيه اللي ذكرتها في البدايه.. بطلو تصورونها .. اوحتى تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك.. اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى ... وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.... اولا: نشرت شي حرام. ثاني شي ما سترت على بنت او ولد الناس.. ما تخاف ربي يفضحك بشي بعد سنه او 2 او 100!! قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره) اتمنى ان موضوعي هذا ينتشر بنفس الطريقه اللي انتشرت فيها هالصور.. يهمني الموضوع ينتشر في المنتديات السعوديه.. اكثر من المنتديات العربيه.. لأننا نحاول نناقش قضيه سعوديه داخليه..ومافيه مجتمع ما يخلو من الاخطاء.. ابغى اذا احد قال((احلى تحيه لشعب السعوديه)) وعادها 6 او 10 مرات.. اعرف ليه قالها.. واقول معه حق.. . . وع فكره مو بس في السعوديه في الخليج كله تـــ ح ـــــــــــــــــــياتي إلكم |
مشاءالله مشاءالله ابدعتي يا لحن الوفا ابدعتي وكلامك سليم ميه في الميه في كي مكان وفي كل زمان ولكل له طرق على حسب الزمان وموضوعج يستاهل ال خمس نجوم يعطيج العافيه يا لحن وربي يحفظج ملف مرفق 244 |
[مشكوره لحونه يعطيك ربي العافيه [والله يصلح الأحوال/ |
الله يعافيكي حبيبتي خرافــــة ونورتي موضوعي ... وتسلميلي ع ردك يالغاليه .. الله يحفظك ويحرسك .. تــــ ح ـــــــــــــياتي إلك |
العفو حبيبتي الفجر الغائب ... ونورتي موضوعي يا عسل ... وبتشكرك ع ردك ... تـــ ح ـــــــــــــــياتي إلك |
Lahn_alwafa ما شاء الله على ابداعك وعلى جرائتك وشجاعتك شكرا ً لك على هذا الكلام الذي في مكانه تميزك رائع تقبلي مرووري المتواضع |
بدوووووووون تعلييييييق مااقوول الا الله يهديييهم ويصلح حاالهم ياااااارب طرح مفييييد وجميييييل اختي مشكوووورة على هالغييرة لديينج |
تسلم يالغالي أسير الغرام ... ونورت موضوعي... لا عدمنا مرورك الغالي .. تـــ ح ــــــــــــــــــــياتي إلك |
أمــــــــــــــــيـــــــــــــن يارب ... نورتي موضوعي بمرورك حبيبتي بنت بو ظبي .... لا عدمنا مرورك الجميل .. تــــــ ح ـــــــــــــــــــياتي إلك |
في الحقيقة انا ايضا وصلني هذا الايميل وبصراحة قلبي اعتصر حزنا والما لما ال اليه مجتمعنا عامة وبناتنا خاصة لماذا نتبع الشيطان ونطيعه ونغضب الله من اجل ملاذات زائلة كل ذلك من قلة الايمان بالله وعدم الخوف منه وعدم التفكير في العقاب المنتظر في الاخرة لا اقول غير لاحول ولا قوة الا بالله واللهم استر علينا وعلى بناتنا وعلى جميع المؤمنين والمؤمنات كل الشكر لك اختي |
:: كلام جميل ولكنا نريد خطوات فعاله من الجميع للقضاء على هذه الظاهره الدخيله التي لم تكن اصلا بشعبنا المحافظ ولعل من اهم الحلول ضبط النفس وعدم الانجراف وراء كل ما هو محظور ، مع التاكيد على وضع ضوابط في جميع الامور بان يكون لكل شيء حدا ما لا يتجاوزه ، خصوصا امام الاجهزة ذات النطاق المفتوحه كالنت والجوال وغيرها من الاجهزة الحديثة التي استخدمت دون اي راقبه ذاتيه واسريه ( فاذا لم تستحي فاصنع ما شئت ) ‘لحن الوفـآ‘ نقل مميز, ومجهود منك آكثر من رآئع , وبدآيه جــدآ قويـه, آبقى كمآ أنتي مميزه في طرحـك. لك مني كل التقدير, |
أنا فوجعت كتبت كتير وفجأ انمسح كل شي ((صاعقه)) ولكن اختر الان هل يعقل ان نربي أطفالنا على ذلك |
lahn-alwafa ** ..للأسف أنهم من السعودية ...** بجد أبدعتي أخيتي في طرح المووووضوووع والنصح الذي أتمنى ان يلاقي تجواب من الجميع ... جزاك الله عنا كل خير ... والله يصلح الجميع لما يحبه ويرضاه ... دمتي بخير أخيتي دائماً... وننتظر جديدك ....... |
مبدعه واكثر من مبدعه من جد رائعه جدا والله ماادري ايش اقول لكن كل كلمه قلتيها معك حق فيها ويسلموووووو على الموضوع الرائع جداا جداا |
نورتي موضوعي حبيبتي القب الكليم ... تـــ ح ــــــــــياتي إلك |
نورت موضوعي مجرد فكره .... ويسلمووو ع الإطراء الرائع ... تواجدك بموضوعي زاده روعه .... تـــ ح ــــــــــــــــياتي إلك |
نورت موضوعي عاشق دمع العيون .... ومعك حق المفروض ننتبه لكل شي نعمله لانه فيه اطفال يشوفونا قدوه لهم .. وحرام نضيع جيل جديد بسبب تفاهات .. تـــ ح ــــــــــــــياتي إلك |
نورتي موضوعي حبيبتي الاخت n .... وعنجد تسلميلي ع الإطراء الرائع ... تـــ ح ـــــــــــــــياتي إلك أخيتي العزيزه |
نورتي موضوعي حبيبتي هديل الرياض ... وإطرائك الرائع شهاده اعتز فيها ... تـــ ح ــــــــــــياتي إلك |
ابداااااااااااااااع ابداااااااااااااااع ابداااااااااااااااااع وشي يقهر ومادري ليه كذا يسوون ؟؟؟ موضوع مميز جدا واعطيك التميز عليه حبيبتي تسلمي ع الاجتهاد الرائع ويعطيك العافية ولاهنتي وبنتظار جديدك |
لآحول ولآ قوة إلا بالله ..~ ظــآآآهرهـ تنزف لهــآآ القلوووب ..~ نسـآل الله السلآآمهـ والعـآآفيهـ ..~ ربـــــي يهدينــآآ ويهديهـــمـ ..~ عفـــــــآآك خيتوو ..~ من تميز لإبدآآع يــآآآرب ..~ |
أختي الفاضلة ... موضوعك رائع ولامس شئ في المجتمع ...وإن كنت أظن أن هذه الفئة قليلة جدا بالنسبة للخير الكثير الموجود فينا أيضا ...أخيتي أحببت أن أهمس لكِ بوضعكِ هذه الصور أنتِ أيضا تساعدين على نشرها فرجااااااااااااء قومي بحذف هذه الصور من موضوعك ومن صورتك الشخصية شاكرة لكِ |
نورتي موضوعي حبيبتي الاميرة الهلالية ... وبتشكرك ع إطرائك الرائع وهاي شهادة بعتز فيها ... مرورك ع موضوعي زاده إبداع وروعه .... لا حرمنا من مرورك .... تــــــ ح ــــــــــــــــياتي إلك |
نورتي موضوعي حبيبتي عاشقه حبها ... الله لا يحرمنا من طلتك ... تـــ ح ــــــــــــــياتي إلك |
نورتي موضوعي حبيبتي sweet engineer ... انا معك مو الكل هيك اكيد الخير موجود كتير عندنا بس انا سلطت الضوء ع هيك فئة من الناس .... وبالنسبة للصوره اللي انا حاطتها ... أولا : انا بتشكرك ع نصيحتك ليا وان شاء الله تكون في ميزان حسناتك ... ثانيا : هاي صوره فنانه اجنبيه وهاي من مسلسل ليها ... ثالثا : لعيونك رح اغيرها ... وبتشكرك مرة تانيه .... تــــ ح ـــــــــــــياتي إلك |
شكراااااااا..ياقلبي على الموضوع وهذا يدل على اصلك ورقي فكرك وخوفك على بلدناااااااا تسلمين حبيبتي.. وان شاء الله راح انشره وباسمك طبعا |
مشكوووووور والله يعطيك الف عافيه |
مشكووووووووووره حبيبتي يعطيك الف عافيه فعلا الموضوع يستحق النشر الله يصلح احوال المسلمين |
موضوعتس وكلامعس في محلهـ هم يسوون كذا من بااب لوناسه والفله واهم شي الذكرى والافضل انه حتى لو سوو كذا ع الاقل ماينشرونها يحتفضوون فيها لانفسهم وبس ،، ع العموم الله يصلح الجميع ويهديهم ،، تقبلي مروري يـ ٌـآوحـشٍهـ الـفرقـُےِ |
تسلمولي حبيبات قلبي ع ردودكم ... وحبيبتي جووود أنا بيشرفني أنك تنقلي موضوعي ... أسعدني وشرفني مروركم ... مـــــودتــــي وإحـــــتـــــرامـــــــي إلكم |
الله يعطيك العافية يارب ومشكووورة اختي على طرحك الجميل.. فعلا نحن في اخر الزمان..والناس بعيدين عن الله سبحانة وتعالى.. """ لاحول ولا قوة إلا بالله""" تقبلي مروري.. إلك مودتي واحترامي.. |
| الساعة الآن 03:14 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir