المساعدة ، جتني مخالفه قطع اشاره قبل 5شهور
 

السلام عليكم

قبل خمس شهور كنت طالع حوالي الساعه 12 الليل ، وانا واقف عند الاشاره ، وفتحت الاشاره ومشيت الا دوريه سريه وراي ووقفني

طلب الرخصه والاستماره وعطيته ، وقالي ليش واقف على خط المشاه ما تدري انه مخالفه

قلتله ارجع معي للاشاره واذا لقيت خط مشاه اكتبلي مخالفه ( الاشاره ما فيها خط مشاه )

وقام كتبلي مخالفه وعطاني اياها ، دعيت عليه ومشيت

وبعد عشر دقايق انتبهت للمخالفه الاقي كاتب قطع اشاره !!!!!!:hawamer1912

وقفلت معي ورحت للمرور على طول الساعه 1 الليل ودخلت عالضابط المناوب

قلتله والله اني واقف ومحترم النظام ولا قطعت الاشاره وتري الشارع فاضي والدوريه سريه ما كنت ادري انها دوريه ولو ابي اقطع ابقطع
وخط مشاه ما فيه وتعال معي

وجلس يكلم العسكر واحد واحد يبي يعرف منهو الي عطاني المخالفه ، واخر شي طلع ان الرجال انتهى دوامه ومشى واستلم زام ثاني محله

قالي الضابط ابشر ابحذف المخالفه ، قلتله الله يجزاك خير ومشيت

الكلام قبل خمس شهور

وقبل امس جتني رساله عليك مخالفه قطع اشاره ضوئيه بقيمه 500 ريال

وتاريخها 12 - 4 - 1435

وبكره ناوي اروح للمرور اشتكي عليهم ، وش تنصحون اكتب بالاعتراض ، وهل الروحه تجدي نفع ام لا

هل من حق المرور يسجل مخالفه قبل 5 شهور؟
المخالفه اذكر انها فاضيه ، ما فيها لا لوحه ولا بيانات المركبه
بس رقم الهويه ونوع المخالفه ( قطع اشاره ) ، هل اقدر اعترض عليها؟