وين كبار المستثمرين بهالمنتدى ؟؟ وش رأيكم بهالطريقة
 

س من الناس عنده نصف مليون او اكثر . مهوب بحاجتها على الاقل سنتين

يوزع هالمبلغ على 20-30 شركة من شركات الاسهم بحيث تكون الشركات

1- غير محرمه 2- حبذا توزع على الاقل مره بالسنه ارباح نقديه وكلما زاد عدد

التوزيعات فهو افضل ..ضع بكل شركه من الشركات ال 30 مبلغ 20 الف تقريبا ..

مثال الانماء طيبه الغاز الاتصالات المتقدمه الاسمنتات ...........................الخ

محاسن الفكره هاذي كمايلي

1- شهريا على الاقل يبي يدخل بحسابك ارباح شركتين على الاقل توزيعات نقدية

2- تقدر تجمع جميع الارباح الموزعه بحساب واحد ومن ثم يعاد شراء وزيادة

عدد الاسهم بنفس الشركات او شركات اخرى ..

3- فلوس ماتحتاجها وجالس البنك يستفيد منها تحرك سيولتك وتزيد راس مالك

4 - تصور انك تستثمر ب 30 شركه بالسوق وهذا عدد كبير وفرصتك بالربح

والارتفاعات ستكون اكبر بالتااكيد من اللي يستثمر بشركتين او ثلاث فقط .

5- علمتني التجارب بسوق الاسهم انه من الصعوبة التنبؤ بالسهم اللي يبي يرتفع

ويتزايد سعره ومافيه حل معهم الا تزززززززززززيد عدد الشركات وتصبررررر ..

6- زيادة عدد الشركات تقليل للمخاطر المحتمله في حالة انخفاض ارباح شركة ما.

وين الاخوان اللي لهم سنوات يستثمرون بالاسهم انتظر رأيهم ومشورتهم

والله لايحرم الجميع الاجر .مع التحية والتقدير للجميع

اللهم صلي على حبيبنا محمد واله وصحبه اجمعين