منتديات شمس الحب - الموت لصار لك عند النذل حاجه = والموت لصار ماغيره يسويها.......

الموت لصار لك عند النذل حـاجــــه = والموت لصار ماغيره يسويـهـــا

يلعبك النذل لعب الطـفل بالـعــاجــه* = تموت عشرين مره قبل يقضيهــا

ويكفيك من جيتك له عقدة حجاجـــه = لصار نفسك على العزه مضريهـا

وان كان نفسك على الحاجات لجاجه = ارثم هوى النفس لين الله يعطيها

والنفس ترضى بكي الـنار لعـلاجـــه = لـصار ما بالدكـاتر من يداويـهـــا

يالله طلبتـك دموع العين ثجـاجــــــه = يارب نفسي عن الانذال تغـنـيهــا

احمد بن عبدالرحمن العريفي
(نديم المجره)

*العاجه: لعبه على شكل دميه مصنوعه من القماش