منتديات شمس الحب - .. آخـــر عـبــاراتــي وداع

آخر عباراتي وداع وآخر مشاويري رحيل
جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه

وأنتي بمتناول يدي تبدين مثل المستحيل
في عشرتك صوت العقل يقتل طموح العاطفه

الحب ماهو كل شي إليا وقف حـظ بـخـيـل
قلوبنا مثل العسل بس الظروف مخالفه

لا للندم لا للعتب أوشيء من هذا القـبـيـل
وانتي ماجا منك خطا حتى تقـولــي اسـفـه

من غير ليه استسلمي و استلهمي صبر جميل
ولا تسأليني وش جرى مالك بطول السـالـفـه

قولي لهم يا عزوتي ما عابنا موت الـنـخـيــل
اللي يوافيها الأجـل وتموت لـكـن واقـفــه

آخر عباراتي وداع آخر مشاويري رحـيـل
جيتك وكبدي ناشفه واقفيت كبدي نـاشـفـه

مـســاعـد الرشـيـدي