منتديات شمس الحب - مايستـقـيـم العـود في راس قـمه = لابـد ما صـلـفـات الارياح تـثـنـيه.......

عندما يخاف الانسان يلجأ الى المكان الذي يجد فيه الامان .
ولكن الصدمه الكبرى عندما يصبح هذا المكان هو مصدر الخوف .
فأين يكون الملجأ عند ذلك بعد الله ؟

الطـفـل لامـن خـــاف امــه تـخـمــــه = تحـمـيـه من شــر الزمـان وبلاويـــه

بـس البـلا لصـار خـوفـه مـن امــــه = وين المكان اللي على الارض ياويـه

لي صاحـبٍ جـيــت اتـذرى بـكـمــــه = من بين خـلق الله جيت التجي فــيــه

لـكـن لـقـيـت الداهـيـه والمـطــمـــــه = إن البـلا اللي صـابني مـن ايـاديـــــه

يضحـك بنابـه كـل ماجـيـت يـمــــــه = وسم الافاعي من ورى الناب مخفيه

نسل الردا يجـري الردا وسـط دمــه = لو رام فـعـل الطيب عـيت مـبـاديـــه

والـحـر يزكي لـو ربى في مـقـمــــه = لو رام غـدرٍ يمـنـعـه طـيب اهـالـيـه

مايستـقـيـم العـود في راس قــمــــه = لابـد ما صـلـفـات الاريـاح تـثـنـيـــه

احمد عبدالرحمن العريفي
(نديم المجره)