منتديات شمس الحب - وقف ترى ياصاحبي مابنا حيل = في وقفتك ياصاحبي لي مبره.......

وقـف قـبـل لاينجـلي اسـود اللـيــل = ودي امــتـع ناظـــري بالمجـــــــــره

وانص الرفاع وخلنا ندور اسهيل = دام الجدي واضح ولا عنه غـَره

وكان الثريا حدرت غرب بالحيـــل = نجـم الصبح يم المشارق تحــره

يازينها نجـوم الـغـداري قـنـاديـــــــل = كن الكواكب في دجى الليـل دره

شَوْف النجوم يعـلل القلب تعـليـل = يبعد عن القلب الحزين المضـره

وقـف ترى ياصاحبي مابنا حــيـل = في وقـفـتـك ياصاحـبي لي مـبــره

دام الليـالي مـقــفـيـات ومـقــابـيـــل = الجـمـر كل(ن) يم قـرصـه يـجــره

لاتبحث الخافي وخل الـتـفـاصيـل = ترى بعـضـهـا يلهـد الـكــبد حـــــره

اقـولـهـا وانا اتـقـطـع مـن الــــويــل = واحـس كـن بداخـل الحـلـق مـــره

جـرتني الدنـيا مثل جارف السيـل = لغـصـون سـدرٍ جـرهـا في مـمــره

ماهـمـني كـثـر الغـــثـا والــغــرابـيــل = دام الستر والـعـافــيـه مـسـتــمـــره

وان شفت رجالٍ يسب الرجـاجـيـل = تلقى ضميره تـقـل صـوان حَــــــره

اترك كـلام الناس والـقـال والقـيــل = واغنم صلاة الفجر فيها المسره

واشيب عيني كان بَيٌنْ بنا الميل = نـصـيـر لعـيون الشماميت قــــــره

شعر(نديم المجره)