منتديات شمس الحب - حتى انت ماتدري بحبي إلى اليوم = اموت واحيا بالغلا وانت نايم.......

جيتك هدف..ماجيت ضايع ومـنجــــوم = قلبي دليلـي والـجـدي والـنـعـايـــم

جيت ولمحت بداخل اعيونك اهـمــــوم = والحزن شفته فوق الاهـداب عايـم

لا تخـفي احزانك ترى الحزن مفـهــوم = الحـزن ما تخـفيه سود اللــمايــــم

الحـزن ما تخـفـيه ضحـكـات وهـــدوم = يظهر كما شمسٍ كستها الغـمايــم

له مسحةٍ بالـوجـه تـبـقى لها رســـوم = يشـوفه اللي في محـبتك هـــايــــم

لك حب في خافي حشى الروح مكتـوم = مخفيه عن اهل الحسد والنـمايـــم

حـتى انت ماتـدري بحـبـي إلى اليــوم = امـوت واحـيا بالـغـلا وانت نايــــم

احمد بن عبدالرحمن العريفي
(نديم المجره)