السيارة يشملها الضمان ولا اوصلها التجارة يا اهل الخبرة
 

مساء الخير
شريت للولد قبل سنة تقريبا كورلا وكالة
ماشية الان 50 الف كيلو
وقت المطر قبل اسبوعين طفت ولا عاد اشتغلت
وديتها الوكالة والمفروض يسلموني سيارة بديلة حتى يتم التصليح
ورفضوا بحجة اني مافتحت لها ملف عندهم
مع ان الولد جاهم كذا مرة على الالف والخمسة الاف والعشرة الاف للتشييك وقالوا زحمة
ولذلك اضطريت اخليه يشيك عليها ويغير الزيت برى طول هذه المدة
الان تفاجأت باتصال منهم وقالوا الضمان مايشملها ..!
بمعنى التصليح راح اتحمله
علما باني مدري كم راح تكلف
على كلامهم راح تتضح المشكلة بعد فك المكينة
طبعا الضمان 3 سنوات او 100 الف كيلو
فهل معهم حق او اتقدم بشكوى للتجارة ..؟
اسعفونا يا اهل الخبرة بالرأي والمشورة لاهنتم
للمعلومية السيارة مشتراها كاش وليس تقسيط او تأجير منتهي بالتمليك