شي موب طبيعي في محل تجاري للطبقة الثرية من سيدة حسبي الله عليها
 

السلام عليكم يا الربع
واحد من خويياي شغال في محل ملابس اطفال سعره نار الطقم مثال ب 400 ريال والجينز 250 ونت ماشي
يقولي جات حرمه حسبي الله عليها بس ومعاها بنتها 6 او 7 سنوات بهالعمر ومافي غير تشتري ملابس بعمر سنتين ويقولي والله مافي طقم ماطقته واشترته واللي يختار بنتها و وقت جات تدفع يقولي عطيتها الفاتورة وقلت لها ضروري الفاتورة تكون معك اذا حبيتي تستبدلي وجاتني صاعقة من كلام الحرمة ذي

تقول : ما راح ارجع شيء ان شاء الله لانه الملابس ل هالدميةا للي بيد بنتي وتضحك بوجهه وتقول له ايش اعمل لبنتي ماتحب تشتري لها الا الملابس الفخمة مثل ملابسها

يقول لي خويي قسم قربت انجلط مشترية بنص راتبي اللي استلمه للعروسة اللعبة اللي بيد بنتها

هالحين يا الربع هذول وش ملتهم ولا وش ديانتهم قسم ماتنزل علينا العقوبات الا بسخط ذول واستهتارهم بالفلوس انا لله وانا اليه راجعون بس