صباح الخير
بعد سنوات طويلة بالاسهم
لازلت اشاهد بعض الاخوان يستغربون من الهوامير كيف يبيعون بأسعار متدنية
متوقعين ان الهوامير يبيعون بخسارة ..!
كنت اتوقع ان الطيبين صحصحوا وتعلموا من تجاربهم والفلوع بروسهم
يا اخوان
انا يامحاكيكم مكسبي بالاحمر اكثر وافضل من الاخضر
هذا وانا صفر مكعب على الشمال فكيف بمن يمتلك الملايين وفوقها المعلومة اول بأول
سجل عندك
على سبيل المثال عند الهامور 10 مليون سهم
تكلفتها ريال ولا 100 ماتفرق
يعرض مليون سهم قدام عينك بسعر 5 ريال
ويطلب مليون سهم مخفي بسعر 4.95
مليونه اللي باعه شراه
حلوين ..؟
اللي شراها بـ 4.95 عرضها بنفس السعرقدامك
ثم طلب مليون مخفي بسعر 4.90
فهمت ولا باقي ..؟
طبعا انت تتوقع انه غبي يشتري بغالي ويبيع برخيص ياحبة عيني
لا يامسكين
باع الاوله مليون بخمسه مليون
ورجع شراها ياباشا باربعة مليون وتسع ميه وخمسين الف
يعني حط بجيبه 50 الف
وباعها مرة ثانية وشراها باقل وحط بجيبه 50 الف
وهكذا وانت قلبك يفرك من الخسارة وتحسبه غبي يبيع بخساره
بعدها يهدي اللعب ويخلي السهم يرتفع شوي
ثم يجلدك وياخذ 50
وممكن ينتظر اكثر مو لسواد عيونك لا
ان ارتفع كسبان وان نزل كسبان منشار بعيد عنك
وانت ماغير تبحلق عيونك
ملاحظة
ترى موضروري ياخذ 50 الف بكل مرة
ممكن يصير ماله نفس بالفلوس ..! يتارع يعني
بالحالة هذي يستبدلها بأسهم
وبدل ماباع مليون اخذ مليون و10 الاف سهم
شوي مرقوق وشوي مراصيع علشان مايطفش كل مرة فلوس فلوس :hawamer1712
فكر بالموضوع وحاول تفهم اللعبة
فوتكوا بعافية ياباشا
:hawamer1612
المواضيع المتشابهه 
يعني معقول للحين ماتدري من يبيع بخساره قدام عيونك وهو كسبان ..! 
العرض الشجري
