منتديات شمس الحب - وش الحل مع الحرامية

كل يوم او يومين سارقين سيارة او بيت او عامل هندي بالشارع مسكين .. شغالين في الشرقية ولاحسيب ولارقيب .. ماتجلس مع واحد الا يقول لك قصته مع السرقة .. اما بيته او سيارته او قطع خارجية منها او مكسور قزازها ومفتشين داخلها .. البارح وقفت سيارتي بعد المغرب ونزلت البيت .. جلست نص ساعة وطلعت اجيب لبنتي علاج من الصيدلية .. ركبت سيارتي وجيت اريوس اطلع من الموقف واتفاجأ مافيه مرايه جانبية .. اعوذ بالله ..

رحت اليوم وركبت وحدة جديدة .. وقبل شوي قابلت العامل اللي يغسل السيارة يقول كل شوي سارقين قطع من السيارات .. ومسكني بيدي ويمشيني على سيارات الجيران .. ويقول لي حكاية كل سيارة وش صار فيها ووش انسرق منها ..

حتى بيتي العام الماضي انسرق ليلة 27 في رمضان .. وبيت جاري وجار جاري .. اعوذ بالله من هالعصابات المنتشرة بشكل كبير في الشرقية ..

حتى العسكري اللي جاء يعاين البيت بعد السرقة في العام الماضي يشتكي من كثرتهم وانتشارهم وجميع الاحياء تعاني من هالعصابات ..