منتديات شمس الحب - بعض الناس مطفره وساكنين في ايجار وسياراتهم فوق 300 الف الى نص مليون !!!

السلام عليكم ورحمه الله وبركاته

انا ملاحظ ان بعض الناس يحبون للفشخرة
تحصله ساكن في ايجار في حي عادي جداً واغلبه اجانب هالحي
وتحصله سيارته تحت تاجير بالتمليك مرسيدس ولا بي ام دبيلو ولا اودي او لكزس
يعني الزبدة سيارة فوق 300 الف الى نص مليون ويمكن اكثر
ونهاية الشهر تحصله صاف سرا عند الصراف كل شوي يشيك نزل الراتب او لا
مادري وش يحسون فيه هالبشر
لا هو جمع لبيت مستقبل ولا هو فكر يستثمر ماله
لكن يروح يدفع سيارة ايجار ويجلس يسدد 5 سنين عادي عنده
وكل شهر 3 الف ريال من غير قسط اذا عليه قرض ومادري ايش
ويجلس يقول الراتب ما يكفي !!!
صحيح الراتب ما يكفي للرواتب الدنيا لكن انت تحصله الله منعم عليك براتب ممتاز ماشاء الله
نقول حول 8 وفوق وتجلس تاخذ سيارة اقساط اخر موديل وغاليه !!!
ترا موب لازم الفشخرة يا عالم
والله ماحد درى عنك وهو انت اللي بتتعب بالاخير
ديون 5 سنين قدام ويمكن اكثر وتعرف ان راتبك نصه رايح للسيارة وغيرة
ترا موب عيب تاخذ سيارة حول 150 الف وتحت
حتى لو تأجير بالتمليك لكن تاخذها اقساط وطول عمرك تسدد صعبة كذا
انا كلامي لفئه اللي ساكنين في ايجار وعليه قروض ومصاريف ومطلع سيارة غالية
موب كلامي موجه لعيال النعمة اللي عادي عندهم 300 الف سيارة وفوقها وساكن في بيت ملك