منتديات شمس الحب - والله موقف اثر فيني وهو وفاة والدة بنت يوم حفل تخرجها واصابه بنتها .!

السلام عليكم ورحمه الله وبركاته

يمكن سمعتوا الخبر قبل ايام حول وفاة امراة واصابة بنتها يوم حفل تخرجها في جامعة الدمام

تفاصيل القصه واللي سمعتها من اهلي كانوا حاضرين الحفل لانه اختي كانت من الخريجات
زبدة القصه بعد نهاية الحفل وبسبب زحمه السيارات داخل حرم الجامعة الولد كلم امه وقالها تعالوا مشي
لخارج الجامعة بمسافة ليست بالقصيرة وانا انتظر برا الجامعة ومن الشارع الثاني
الام طلعت وهي بنتها المتخرجه ورغم منع رجال الامن من خروجها مشياً
الا اصرت تطلع لانه ولدها من الجهه الثانيه من الشارع ينتظرها
الا سبحان الله هذا يومها الام
قطعت الشارع واللي هو فيه نفق الغير مخصص للمشاة الا صادفوا سيارة مسرعه
وصدمت الام وبنتها
الام توفت فور وصولها للمستشفى
والبنت مثل ما وصلني ان اصابتها كسر بالحوض

لاحول ولاقوة الا بالله
من فرحه الى فاجعه

البنت قبل الحفل تقول للبنات اللي معها بالفصل انها مستانسه انها امها بتحضر الحفل
وانها اول بنت اتخرج من خواتي وتنتظر اليوم تشوف امها حاضرة يوم حفلها
فرحتها بـ امه بحضورها اكثر من فرحتها بتخرجها

لكن القدر اخذها امها بعد ما حضرت الحفل