.
.
على الساعه 4 العصر بغرفة فرح . .
أمها طفت المكيف : فرح يمي قمي الصلاه قضت
فرح تسحب الشرشف وتحطه على عيونها
: ياليل يمه بس دقـآيق
امها علت صوتها شوي: يافرح قمي احرقتي قلبي
فرح : لحوول يمه قولك دقيقه بس شوي
أمها : يابنت ابوتس برى يقول ان ماجت مشيت
فتحت عيونها وكانها تتذكر: أبوي يقوله ؟
امها : ايه يالله قمي
تمغطت فرح وتحس عظامها بتتكسر : اووه
راحت توضت وصلت و غيرت لبسها وافتحت علبتها
وطلعت كحلها وتكحلت وقفت بسرعه واهي تاخذ بشتها وتطلع من الغرفه . .
أمها بيدها سله : يالله يافرح طولتي تراتس
فرح اخذت السله: خلصت
طلعت امها ولحقتها فرح وهي تقفل الباب بقوه عششان يتسكر. .
ركبو سيـآرة ابوهـم امها قدام وفرح ورى . .
فرح: الله سيارتك كشخه وانت حيل مزيون
ابوها : هههه الله ياعليتس يانوره ما اقدر على لسانتس
فرح : تبيني اششعر عليك لين نوصل . .
ابوها :قلي اللي عندتس
بدت فرح تقول ل ابوها كل القصـايد اللي حفضهـآ إياها زمـآن
وأبوها مبسوط عليها كل اربعاء نفسيتها
تحلو اكثر واكثر
.
.
رفع شعره عن وجهه بعصبيه:أوف أوووف
: شفيك انت من اليوم تافف؟
يحط يده على ركبته ويسند ظهره:شايف يعني الجو حلو؟وتبيني ابتسم؟
:لا طبعا بس اصبر دقايق يعني بتطير الدنيا
: شوف انا زهقت دقيقتين بس ماجات بنمشي
: طيب طيب لاتعصب علي تراي ولد عمك مانيب وحده من خوياتك
ناظره بطرف عينه ومارد عليه اليوم المود مو تمام
.
.
رجعوا البيت عقب ماغيرت جو على قولها بالبر
الساعة 6 المغرب . . .
نزلت فرح لسبها اللي عليها و طلعت من غرفتها واتجهت للمطبخ بداء شغلها من جديد اللحين . .
رتبت المطبخ وجهزت أكل ل سهرتها
ثم ركبت ل أمها وابوها اكل لأنهم يتعشون بدري . .
أبوها جالس بالصاله : ساره يابنتي تعالي شفي لي محطه شعر كود أني تلها فيها
طلعت من المطبخ وحطت على قناة شعريه ورفعت في الصوت واهي تشوف امسيه شعريه ل شاعر محبب لها
فرح بنفسها [الله الله اما جيت في وقتك إلا شوي دقايق بس اطفي القدر واجيك لاتروح ] ضحكت من نفسها واهي رايحه للمطبخ . .
طفت عن القدر ورجعت تتأبع الأمسيه ولشاعرها المفضل. .
أمها : يمي فرح العشى طفيتي عنه ؟
فرح تاشر برأسها وعيونها على التلفزيون : أيه ايه
.
.
بصوت عالي: واللي يعافيك هد السرعه مانبي قسايم وشكأوي
ويرص على اسنانه: أوص لاتخليني اتهور واسوي اعظظم
رن جواله وطلعه من جيبه ومن قو العصبيه طاح تحت عند رجلينه : اوف انا رايق لك بس تستخف
نزل يبي يجيب الجوال ولفت يده اللي على الدركسون
وانحرفت السياره
اللي جنبه مد يده للدركسون
شمس الحب
hgfgh d]h,d [vp; Jvp;
المواضيع المتشابهه 
العرض المتطور
