( البارت الرابــــــــــــــــــــــــ 24 ــــــــــع والعشــــــــــــــــــرون )





مسح دمعته ..حاس يإنكسار.. محتاج حد جنبه .. حد يواسيه

في همه .. بس اظاهر انه بيبقى وحيد .. وهو يصارع اللي

يصارعه .. انحطت يد على كتفه .. رفع راسه بخوف وهو

يناظر بالإنجليزي – نعم

الممرضه – الدكتور يريدك حالا في المكتب

هز راسه ووقف .. مسح على وجهه بتعب .. اتجهه على المكتب

ونبضاته تزداد خوف ورهبه من القادم








حس إن ريقه نشف .. وهو يشوف اللي قدامه .. منظر مريع

وصراخ مخيف من حوله .. ألتفت يمين ويسار .. سمع صوته

وهو يصرخ عليه – خــــــــــــــــايف يالرخمــــــــــــــه

حس إن عرق رقبته ينبض بقوه ,, قهر .. وضيم .. كيف طلع

ووشلون طلع .. ماكانوا مفتكين من شره

سمع صوت فارس معصب – بتذبح ولــــــــــــد أختك يالرخمــــــــــه

صرخ خالد ودموعه تنزل – بابا ,, عمي فااااااارس بيذبحني ماابي اموت

صرخ عليهم بقهر – انتم ماذبحتوني وبس يآل قاســـــــــــــي انتم

حتى الرحمه نزعتوها مني

صرخ الجد فيه – نزل الورع يالرخمــــــــــــــــــــه !!

تكلم بعد جهد جهيد وهو ينازع رغبه تحثه على قتله بدم بارد – ان كان

فيك خير وصاحي نزل الورع من يدك وتعال واجهني وجهه بوجهه رجال

لرجال مرجله بمرجله ,, اما تسانك تبي تخبى بهالورع اللي في يدك

وهالمسدس اللي حاطه في راسه يحرم علي قدام هالأشناب إن عديتك

رجال وفيك مرجله ياولد امك

بسرعه نزل خالد من يده اللي ركض لعمه فارس وهو يبكي بقوه – عمو

فارس يبي يذبحني انا خايف

ناظروا بعض ,, وقهر السنين يحكي بينهم .. قهر الرجال موجع موجع

ولا مثل أي قهر .. حط المسدس بصدره .. وهو صامت ولا كلمه .. ينتظر

بس يتجرأ ويسوي شي .. لانه عارفه رخمه مابيده شي

حط المسدس وهو يحس بوجع قاتل ,, قضية إختلاس ورشوه متلبس فيها

زوجه ومطلقه غصب من ورى خشمه .. وعيال مشتتين عن حضنه

رغبة انه يبي يبني ويكون اسره مع زوجه ظل سنين وسنين وهي مافارقت

طيف أحلامه .. زوجه يوم اجتمع فيها تنزع منه بالقوه .. ومن اللي نزعها

نزعها الجبروت اللي واقف قدامه

النظرات صارت تحكي .. والعيون صارت تهدد وتتوعد .. والقلوب من

حولهم صارت ترجف .. وتوقف الزمن فيهم يوم أطلقت رصاصه صرخت

فيهم موضي وهي تقول - لااااااااااااااااااااااااااااااا












ضرب باب السياره بقهر ونزل منها .. ناظر يمين ويسار وهو مبهذل

وثوبه مشقوق من عند صدره .. حاس بالظلم والقهر برك في الأرض بقهر

وهو يخبط بكف يده التراب اللي تناثر حوله .. واللي شهد على

ضيم إنسان مغبون والدنيا مارحمته

حس بدمعته اللي نزلت على الرمل وكونت نقطه .. نقطه .. لما حس

إن المطر شتت مكان دموعه .. رفع عينه للسماء .. ونزلت قطرات

تبكي معه على حاله .. ضيم , غبن , قهر ,, والأهم ظلـــــــــــــــــم










سمع همسات ابوه .. اللي يتصبب عرق – وين اخوك !!

حس بالقهر وأبوه يسأل عنه ,, بيظل طول عمره صقر هو المحبوب

هو الرجال ,, هو اللي أقرب لقلب ابوه الهايم في حبه .. ألتزم السكوت

سمع صوت طلق رصاص وصرخة موضي .. وقف بسرعه وركض

بس ابوه مسكه مع ثوبه – نايف وش العلم

اجحظت عيونه وهو يسمع الصرخات تتكرر .. حد من اخوانه صابه شي

صراخ مستمر وصياح وعويل


ترك ابوه وركض برى .. وانصدم صدمة عمره وهو يشوف أعز أخوانه

لقلبه طايح ودمه يصب .. والجميع ملتم حوله











كرر كلام الدكتور – تأهيل نفسي

الدكتور – نعم المريضه تحتاج إلى تأهيل نفسي للقادم

ضاحي بصدمه – بس هي فاقده الذاكره

الدكتور يشرح له – هناك بعض فاقدين الذاكره لاينسون الموقف اللي

سبب لهم فقدان الذاكره .. بس مع ذلك يفقدون الذاكره

بلع ريقه بخوف – وكم مدة العلاج

الدكتور – على حسب إستجابة المريضه

ضاحي – هل تتقبلني

الدكتور – عاده هولاء المرضى انهم يحبون العنايه بهم والإهتمام يجب

إن تكون بقربها وان تعطيها كلمات مشجعه تستحثها على العلاج

ضاحي سكت وهو مهموم .. كيف بيسوي كل هاذا وهو مو زوجها صح

انه يفكر يتزوجها .. بس مهموم ويتمنى تتشافى وهو اللي يزوجها بس

بعد هالحاله والصياح من بيتقبلها .. هو المسؤول الأول والأخير عنها

وغصب في هالحاله يتزوجون .. لازم يسأل شيخ عن حالتها ويبدأ

يتقرب منها بس هو جاهل في الحكم حاليا .. والمشكله انه مايبي يتقرب

منها الا وهو متزوجها .. لازم يتزوجها ثم يبدأ في علاجها .. بس كيف

وهي فاقده الذاكره وتصيح كل ماشافته وشافة حد .. زفر بضيق ووقف

من عند الدكتور وهو قاصد السفاره السعوديه ليسأل احدعن حكم حالتها والإرتباط فيها بهالحاله