( الجــــــــــ2ــــــــــزء )
بالقطار ..
جالسة وحيدة الأفكار تجيبها وتوديها الحين هي تعدت الخطوة الأولى .. وهذاهي في الخطوة الثانية وراكبة القطار رايحة لمدينة بورنموث تبي تشتغل هناك عشان محد يعرف مكانها ,, اختارت هالولاية لأن كثير من المسلمين عايشين فيها وناسها تقريبا مثل اللي هي عايشة بينهم عشان كذا بتحس بالأمان فيها ,, ومعها مبلغ بيساعدها في إجار غرفة الين تلقى لها شغل توفر منه دخل لها
وهي تدور بأفكارها سمعت صوت يناديها
: يالحبيب على وين رايح ؟
انتفضت وهي تطالع للست عيون اللي تطالعها وتنتظر الرد
ابتسمت بتوتر وجت بتتكلم وتذكرت انها لازم تفخم صوتها .. تنحنحت وقالت بصوت مغلظ : بورنموث
: دراسة ولا أهلك هناك؟
غلا : نترزق الله
مشعل : شغلك صغير ع الشغل
غلا ودها ترفسه : الشغل ماله عمر محدد
سلطان : ماتعرفنا ع الاسم
غلا طارت بوهتها ياربيييي مافكرت وش أسمي نفسي نسييييييييت
تتنحنح وهي تعصر راسها تبي اسم : احم اسمي فيصل
جاسم : سعودي الأخ
غلا : ايه .. وانتم
جاسم : أنا كويتي وسلطان ومشعل من السعودية
غلا : تشرفنا
تصد عنهم وكأنها تبي تنهي الكلام خايفة تخرب على نفسها :
مشعل يلتفت على خوياه : وراه هذا مكبر راسه علينا يكلمنا من طرف خشمه
سلطان : هههههه يمكن ماله خلق للكلام
جاسم : شفت نظراته يوم قلتله توك صغير بغى ياكلك هههههه
سلطان : هههههههه من جد شكله ماتعدى السطعش
مشعل : لا وانت الصادق شكله بنيه لو مالبسه وصوته وجلافته كان قلت بنيه
جاسم : ايه مشعلوه لو بغيت تغازل بنيه مايحتاي تدور هاك اياها
مشعل : وش قالو لكم خربان .. أنا قلتلكم تبت من المغازل والمخاواه وتبوني أخاوي ولد خسكم الله من عيال
سلطان : والله مايندرى عنك كل يوم لك كلام
مشعل : جب انت
سلطان : هههههههههه درسك جاسم اللهجة
جاسم : اكيد شنو تبى منه اذا هو اربع وعشرين ملصق فيني
سلطان : موب حب فيك يالخبل يخطط على اختك مابعد فهمته
جاسم ويأشر بيده على راسه : شيلها من راسك يايبه اختي مايوزها واحد كل يوم مخاوي له بنيه .. اليوم اللي بتكون فيه ريال عدل ماشي ع الصراط المستقيم بفكر وقتها
مشعل يسوي نفسه مصدوم : جرحتني من دون احساس .. ترى قلبي مايتحمل شوي شوي علي ... كذا تقولها بوجهي آآآخ بس الله يسامحك ياجسوم هذي نهاية الصداقة ماتدري اني احب اختك من كنا في المهاد
آآخ عليك يامشعل ضعت واللي ضيعك جسوم
سلطان وجاسم يضحكون على خبال مشعل
غلا كانت تسمع حديثهم بانزعاج ودها تنام بس ماخلوها طول الليل مانامت الا غفوات متقطعه وركبت القطار تمني نفسها بنومة هنيئة لكن نقزو لها هذولي وازعجوها
صبرت نفسها وصبرت وصبرت لكن الحين معاد تحملت الضغغط النفسي اللي تعانيه .. وفوق كذا تعبها وارهاقها اللي بسبب قلة النوم فجرها وخلاها تلتفت عليهم وعيونها تطالعهم بغضب وشراسه وبصوت حاد خشن : الحين انتم أول مره تشوفون بعض ماسكتو ولا دقيقة فقعتو راسي ابي انام ممكن تسكتون؟!
والله لو انكم بالعين مسجل
طالعوها بصدمة هذا وش قاعد يقول قطار ابوه هو عشان يسكتنا!!
مشعل بنفس العصبية : موب مجبر تقعد جنبنا دور لك مكان ثاني هادي اما حنا ماراح نسكت وحسن اسلوبك اذا جيت تتكلم
سلطان طالع فيه بمعنى اسكت والتفت على غلا
وبابتسامة باردة : معليش اخوي كان ازعجناك غير مكانك القطار فاضي تقدر تبدل
غلا بنرفزة : ماراح اقوم من مكاني لأني ماتسببت في أي ازعاج ,, لكن اللي تسبب بالازعاج من العدل انه هو اللي يقوم
جاسم : السموحة منك بس ماله داعي هالانفعال شوي شوي على عمرك لا تتفجر
غلا تصد عنهم وتحط راسها ع الشباك ,, ياربي انا وش سويت خبببله تخيلو قامو وكفخوني شلون بدافع عن نفسي علطول بنكشف ياربييي عصبيتي هذي بتوديني في داهية ...
غلا يالخبلة خلك عاقلة وهادية ماله داعي هالانفعالات اللي ماراح تخلف لك الا المشاكل والنكبات بليييز ريلاااااكس
اما الثلاثة يطالعون بعض والاستفهامات مالية راسهم زيادة ع القهر اللي بادي عليهم ويكتمونه من اسلوب غلا
بعد الهوشه اللي صارت نامت بهدوء بعدما خفضو أصواتهم احتراما لها وللجالسين ,,
مرت ساعة وهم بالقطار ,, فجاة شافو دخان اسود كثيف يغطيهم يطلع من مقدمة القطار اختلطت الأصوات فيه مابين صراخ وصياح..
في هالاثناء قامت غلا من نومها مفزوعة ووقفت وهي تتلفت بتخبط تطالع الناس اللي قامو من اماكنهم وهم يضجون يالصياح والرعب بادي على وجيههم ,, التفتت تناظر من الشباك ارعبها منظر الدخان الاسود ,,, صرخت من الروعة خذت شنطتها في يدها وصارت تمشي لبوابة القطار تدف كل من صادفها تبي تنقذ نفسها ,,
لكن القطار توقف في هاللحظة تدريجيا وفتح الابواب وصارو الناس يتسابقون ع الخروج طلب للنجاة وخوف من الموت ,,
صارت غلا تركض وتركض وهي تلهث انفاسها وتصرخ بداخلها ياااارب ارحمني مابي اموت بهالمكان أبي اموت بين ناس يعرفوني ما اكون مجهولة الهوية احترق واموت ويمكن اندفن ولاأحد يدري وين انا ومن أنا ؟؟ !!
ابتعدت من القطار مسافة بعيدة شوي .. يوم حست انها في أمان طاحت ع الارض بتعب وهي تسترجع أنفاسها المقطوعة
صارت تناظر الناس اللي يركضون مبتعدين عن القطار في كل الجهات والكل يبي ينقذ نفسه ويخاف الموت ,,
تفكرت في نفسها الحين وش بيكون الوضع .. ؟ وشلون أوصل لبورنموث ؟؟ متى بيجيبون فرق انقاذ وكم يبي لي انتظر يا الله انا تعبااانة وأخاف أحد يكشفني ويلحقون علي مااما عبير والمربيات ..وش أسوي وكيف اصرف عمري ...
عبير منهاره ع الفراش: يمكن انخطفت بنتي يمكن احد خذاها
خاله كوثر بقهر : بلغت كل الجهات المسؤوله لكن قالوا مانعلن البلاغ الا بعد 24 ساعة يمكن البنت طالعة ويمكن مايفيدونا بشي لأنها فوق سن 18 بيقولون طالعة بإرادتها
عبير تصيح : ياربييي يابنتي وين بتكون فقدت وحده والحين الثانيه يا الله ارحمني
الكل مجتمع حولها يحاولون يهدونها ويطمونونها لكن محاولتهم كلها كانت فاشله .. حالتها بدت تسوء وانقلوها للمستشفى
الدار في حالة فوضى ... الكل خايف .. يحاتي .. الي يبكي والي مرعوب والي مستغرب وموب مصدق
ماما عبير بعد مااعطوها المهدي كانت تنام شوي وترجع تقوم
مسكت يد ساره وهي تبكي : ساره يابنتي قولي لي لا تخبين عني انتي تعرفين كل شي عن غلا وين راحت علميني وينها فيه تدرين عن شي لاتخبين عنا ساره لا تخبين علميني قبل يوقف قلبي
ساره تصيح : والله ياماما ماعرف شي ولا أدري وين راحت غير الي قلتلك حطت لي هالورقة وبس جوالها مقفل وحتى المسجات ماتوصلها ..
خالة سناء : مستحيل تكون بوعيها هالبنيه أنا ملاحظة عليها من أيام مو طبيعية ..ليش هالتصرفات الطايشة وش متوقعة تسوي بلحالها وهي بهالسن وهالمكان ..
سارة : صدقوني غلا مو مستوعبة الي قاعدة تسويه غلا مابعد طلعت من الصدمة .. تصرفاتها مو محسوبه عليها .. ولا غلا عمرها ع الرغم من طيشها وعنادها إلا إنها ماتفكر بهالطريقة أبدا
خالة كوثر بعصبية :حتى لو كانت إلى الآن ماطلعت من صدمتها هذا مو مبرر لها ولا لتصرفها الأعمى الي سوته راح ينتشر بين الناس وراح يفقدون الثقة فينا وتكون سمعتنا سيئة والي بنيناه بهالسنين ممكن ينهدم والسبب هي
ساره تسكر أذانها بيدينها وتبكي بحرارة : بس بس الله يخليكم يكفي لاتزيدون علينا بهالكلام .. يمكن تتراجع عن قرارها وترجع
خالة كوثر بحزم : حتى لو رجعت راح تعاقب عقاب شديد يكون رادع لها ولغيرها
قامت سارة وطلعت من الغرفة مو متحمله تسمع كلام زيادة .. حالتها سيئة من غير هالكلام وهم قاعدين يزيدونها سوء ...
على طريق بورنموث...
راميه نفسها ع الأرض بتعب ... طولو واقفين .. أهلكها الجوع والتعب ..
شافت ثلاثة يأشرون عليها ويتكلمون وهم يمشون جهتها تأملت فيهم وعرفتهم
هم اللي كانو بجنبها في القطار ... ..شهقت ياربييي وش يبون هذولي وراهم ناشبين لي ,,
بعد ماوصلو لها
جاسم : لنا فترة ندور عليك ياخي فقدناك
غلا تضبط الصوت : بعدت عن القطار قبل لا ينفجر ويفلقني نصين
جاسم : هههههههه بعيد الشر الحمد لله يت سلييمة المحرك احترق ووقفوه مباشرة
غلا تتنهد براحة : الحمد لله على سلامتنا
مشعل يرمي ثقله ع الارض : اقعدو احس اني بموت من التعب
سلطان : الروعة هدت حيلك هههههه
مشعل : الله أكبر ياللي ماخفت
جاسم : كلنا تروعنا والله بس الحمد لله
مشعل بحسرة : من بدايتها الرحلة ماتبشر بخير
سلطان : استغفر الله ياخي لا تصير متشائم عاد
غلا يمتلكها الفضول : رايحن شغل ولا وش ؟
سلطان : نزهة نبي نغير جو
غلا : اهاا
جاسم يناظر القطار : شكلهم مطولين
غلا بقهر : الحين هذولي ورى ما ضبطو القطار قبل لا يمشي مايدرون انهم عطلو علينا اشياء كثيرة
مشعل : حلوة ضبطو اكيد انهم تأكدو من ان القطار مافيه أي عطل بس احيانا المحركات تخرب فجأة والقطار يمشي بدون مقدمات مايعرفون الغيب هم
جاسم : وش رايكم شباب بما انا بنيلس وننتظر ع الفاضي بدال هاليلسة المتعبة نسوي رحلة استكشافية بهالمنطقة وان لقينا سيارة ركبنا فيها توصلنا يعني هي نزهة سوءا هني أو ببورنموث وهني المكان روعة بيكون فيها مغامرة خطيرة
سلطان : أي والله فكرة حلوة وش رايك يامشعل
مشعل : قداام ماعندي أي مانع
هنا التفت سلطان على غلا اللي تطالعهم بتناحة وابتسم في وجهه : وش رايك تخاوينا يافيصل ؟ تستمتع وتاخذ لك نقاهه قبل لا تبدا في العمل وطبعا انت بتكون ضيفنا ماعليك الا تستمتع بهالمغامرة
غلا بققت عيونها متفاجأة من هالعرض اللي ماتوقعته وتأتأت وهي تقول : لا يالخوي مشكور ماتقصر بس ماعندي فرصة ان شاالله مره ثانية اخاويكم .. انتم روحو بطريقكم وانا بنتظر الين يصلحون القطار
جاسم : جرب وانا أخوك صدقني بيعيبك الجو وبتتونس المكان هني كله غابات بيكون فله وناسة خاصة ومعانا مشعل بتستمتع وانت تشوف شكله خايف ومرعوب
في هالمكان
مشعل يعصب : الحين عشاني مره خفت مسكتوها علي .. هي غلطتي اللي طلعت وياكم
سلطان : هههههههههه ياخي وراك نمزح معك خل روحك رياضية
مشعل يصارخ : وين رياضية معه وهو مستلمني من اول ماركبنا لاهو اللي زوجني اخته ولا هو اللي سلمني من لسانه
انفجرو ضحك على استهبال مشعل حتى غلا ضحكت على ملامحة اللي حاول يبين لهم فيها انه مظلوم ومقهور حده
جاسم يحب راس مشعل : حقك علي خلاص من الحين وانا بمسك لساني لاكن اختي بعيده عن بوزك واتمنى ماتطري اسمها على لسانك عشان ماينقطع
سلطان : هههههههههههههههههههههه بالله الحين يقالك تراضيه خوش مراضاه
رجعو يضحكون مره ثانية وهالمرة معهم مشعل يشاركهم بالضحك...
بعد ماسكتو من الضحك والتعليقات التفت مشعل لغلا ..: هاه عاد بعد كل هاللي صار فيني من طنازة وتعليقات وكان بحجة انهم يرغبونك في الجيه معنا عيب تردنا
غلا كانت مرتبكة ومضطربة شلون توافق هي مجنونة لو وافقت كيف تروح مع شباب ماتعرفهم وأكبر منها سنا وتخاويهم برحلة ...
يا الله ياغلا نكبتي نفسك بتهورك وجنونك .. الحين وش الحجة اللي اطلعها لهم ياربييييي ساعدني وش اقول .. ولو رحت شلون بتعامل معهم وكيف بتصرف معهم ... أخاف يكشفوني وانفضح كيف اسوي ...؟؟!
سلطان خبط غلا على ظهرها بلطف : شكلك منحرج ياخي قلتلك انت ضيفنا واعتبر نفسك أخونا
مشعل يضحك : هههه أخونا الصغير
غلا تخزه بعينهها : شكلك حاقرني عشان عمري ..
مشعل انحرج : محشوم والله بس اقولك كذا عشان اعلمك انك بتلقى دلع بما انك اصغرنا بنعاملك على انك الاخ الصغير اللي بيكون مدلع .. ما اقصد شي ثاني والله السموحة منك
غلا ابتسمت يوم شافت احراجه : بالحل ... ماصار شي .._ وبتردد_ معليش اعذروني والله ما اقدر
جاسم : شكلك ودك بالروحة لكن منحرج من وضعك بما انك توك تعرفت علينا يا ابن الحلال اكسر هالاحراج مابتلقى الا سعة الصدر ان شا الله ,, قوم ويانا ,, _ وقف جاسم وهو يمد يده لغلا _ قوم مشينا ما فيه نقاش بتخاوينا يعني بتخاوينا
وقفت غلا من دون ماتمد يدها ليد جاسم الممدوده ووقفو سلطان ومشعل ,,
وما اعطوها فرصة تتكلم بأي حرف وهي خافت تنفعل وتنكشف فسكتت وهي تدعي الله ان يخلصها من هالورطة ,,
جاسم : ليش ساكت يا فيصل ولا تضايجت عشانا خذناك ويانا
غلا : لا والله ابرك الساعات بس تعرفون ما خليتوني أنام وراسي مصدع
ضحكوا الشباب
مشعل : تدري اني بغيت أفلق راسك يوم صارخت فينا لو ماسلطان هداني
سلطان: ههههه شكلك حبيب بس تنفعل بسرعة
غلا تبتسم مجاملة وماعلقت ..
مشو بين الاشجار وهم يكتشوفون المنطقة
كانت غلا تمشي وراهم بمسافه ,, شوي ويسمعون صرخة مكتومه وكانت غلا التفتوا كلهم عليها مستغربين هي ارتبكت وقالت
: وش فيكم سمعتوا اللي سمعته
كلهم هزوا روسهم بمعنى ايه
سلطان : مب كنه صوت بنت ؟
غلا تبلع ريقها من الروعة
جاسم : صج والله الصوت قريب تتوقعون حد بهالمنطقة
سلطان : الصوت قريب مره
غلا تحاول تطلع نفسها من هالمصيبة : مافيه شر خل نمشي ونكمل طريقنا
مشعل: صادق خلونا نكمل من بدايتها خوف الله يستر
غلا تكلم نفسها الحمد لله اللي طلعني من هالورطه بس من جد عورتني رجوليييييييييييييييييييي وش هالنكبة اللي أنا فيها
كملو طريقهم تخللته بعض السواليف المضحكة والمواقف ,,,
بعد نص ساعة تقريبا طلعو على مكان ريفي يطل على النهر كان المكان قمة في الروعة
مشعل : ياااااه ما أحلااا هالمكان سبحان الله
جاسم : ماشاء الله أول مره اشوفه
سلطان : بصراحة ياشباب حسافته نمر عليه مرور الكرام وش رايكم لو نقعد هنا يومين أو ثلاثة عقبها نكمل طريقنا لبورنموث
جاسم : ماعندي مانع المكان مايفوت
سلطان: وش رايك يامشعل .؟؟
مشعل بحماس: لحد يسألني عن رايي في الرحلات لأني ما اعارض على أي شي ,, اسألوني عن رايي في حالة وحدة بس
جاسم : اللي هي ؟!
مشعل : اذا جينا بنرجع خذو رايي
سلطان : هههههههههه ياحبك للدجة
غلا كانت ساكته وخايفة من العرض ..الله يعيني ويستر علي شكلي بنكشف:.(
كانت سرحانه وسابحه بافكارها ومتعمقه حست بوجه قريب من وجهها
بغى يغمى عليها ورجعت لورا بسرعه ووجهها اختفى لونه
سلطان باضطراب :بسم الله عليك
غلا وهي معصبه:وش فيه؟؟؟؟وش عندك؟؟؟
سلطان وهو يبتسم : ابد بس شفتك سرحان وبرجعك لعالمنا
غلا تتمالك نفسها:معاكم
سلطان : وش كنا نقول
غلا انحرجت وسكتت
مشعل:سلطان بلاك عالرجال
سلطان ببرود يحرك كتوفه ويقول : ولا شي
انقهرت غلا منه وتكلمت بهدوء : ياشباب أنا ماقدر اقعد معكم ,, اليوم بالليل باخذ لي سيارة وامشي لبورنموث
جاسم : ياشيخ خلك مرن لا تصير كذا ان كانك خايف ماتلقى الوظيفة ولا يهمك انا أدور لك على شغله تناسبك وترتاح فيها وبتكون جاهزة أول ماتوصل بس وسع صدرك وروحة قبلنا مافيه ترانا بننشبلك
غلا سكتت مو عارفة كيف تتصرف ,,
كان مشعل يطالعها ووده لو يصفقه كل ماقلنا له شي اعترض هذا يحمد ربي انا عازمينه غيره يتمنى هالطلعة ,,
وسلطان نفس الحالة يطالع غلا لكن مستغرب من تصرفاته
كملو طريقهم وهم يستكشفون هالمكان ويدورولهم من بين هالاكواخ شي مناسب يستأجرونه قررو يستأجرون ثلاثة لان الاكواخ صغيرة مافيها الا غرفة وحمام وغير كذا عشان الكل يكون مرتاح وهالشي ناسب غلا
ولقولهم ثلاثه جنب بعض واستأجروها
كانو الشباب حدهم ميتين من الجوع طبعا غلا مب احسن منهم
لاح لهم طيف مطعم صغير
نقزت غلا مطــــــــــــــــــــــــــــــــــــعم
لفو عليها مستغربين
غلا تطالع فيهم ببرائه :والله مطعم
مشعل:هههههههههههههههههههههههههه جوعان
غلا مبرطمة :ليه انتو موب جوعانين كني سمعتكم تقولون قبل شوي جوعانين
جاسم وهو يضرب كتف غلا بخفه : يتهيا لك بس صج احنا ميتين يوووووع يلا تحركو شباب
ضحكت غلا على نفسها
مشعل : نتسابق
سلطان وجاسم : نتسابق ليش لا ..فكره
غلا تطالع فيهم مستغربه ماشاء الله عليهم فيهم حيل
مشعل وهو يسحب يد غلا يلا صف معانا
غلا بتعب : ماااااااااااافيني حيل الله
مشعل : يلااااااااا بس .. احسن لك عشان نوصل المطعم بسرعه
غلا تحمست :هههههههههههه يلا
صفت معاهم ورفعت يدها بتحمس ون توووووووو اكشن
وانطلقو الشباااب
بحماس غريييييب
اول من وقف غلا : خلاص شباب ستووووووووووووب
وقفوا وهم يضحكون
سلطان : ليه وقفت ؟
غلا تلتقط انفاسها : ما فيني حيل حرام عليكم
اللي فاز كان جاسم
مشعل :اول مره اكتشف انك سريع
جاسم :جب عيل شنو فايدة الرياضه اللي مهلك عمري فيها
سلطان: يلا ندخل المطعم
دخلو وكان المطعم شعبي وهادي قعدوا عالطاوله
سلطان:كح كح كح ابغى مويه
جتهم حرمة كبيرة بالسن :هلوووووووووووو
غلا :هلوووو بليز 4 وواترز كويكلي
الحرمه:اوكي
رراحت بسرعه وجابت لهم المويه
كل واحد أخذ له مويه بسرعه وقعدوا يشربون من العطش
شوي ويجيهم الجيرسون وكل واحد طلب له طلبية وقعدو ياكلون
خلصت غلا أول وحدة وقامت : أكرمكم الله
الشباب : بالعافية
غلا : أنا بطلع برى الين تخلصون
مشعل : شكل ودك تنحاش
غلا: ههههه لو أدل الطريق انحشت بس ما أدل
سلطان يغمز لها : ان بغيت بس قل لي وانا أدلك
جاسم : بعد تشجعه أنت
سلطان يهز اكتافه ببرود : ما اشجعه بس أعرض خدماتي
قامت غلا وهم يستهبلون على بعض
طلعت برى كان الوقت قرب العشاء ...
قعدت على كرسي تطالع النهر وهي تفكر ,, سرحت عند سارة .. الحين وش تسوي ؟؟ أكيد منهارة .. اكيد الكل قلب الدنيا علي ماراح يتوقعون ولا واحد في المية اني بروح لهالمكان اااه ياسارة سامحيني ,,, تذكرت جوالها هي كسرت الشريحة وشرت وحده جديدة بس مابعد فتحت الجوال ,, طلعته من جيبها وفتحته قعدت تلعب شوي بالجهاز
فتحت الارقام شافت أول رقم مكتوب my life ودها لو تضغط اتصال تبي تسمع صوتها تحس انها من زماااااان عنها بس ماا تبي .... تعرف لو سمعت صوتها بتضعف وترجع عشان كذا ماراح تكلمها ,, غمضت وهي تضغط على ديليت
وعقبها مسحت كل الاسماء المخزنة بجهازها ,, كذا بتكون مرتاحة انها ماراح تضعف لو شافت ارقامهم قدامها ...
سمعت صوت احد يجلس جنبها وهو يقول : وراك سرحان
التفتت وكان سلطان قالت وهي تبتسم بهدوء: تبيني اشوف هالمنظر ولا أسرح
سلطان : بس لاحظت انك طول الوقت تسرح
غلا : يتهيأ لك
سلطان وده لو يسحب منه حكي : لك أهل ببورنموث
غلا : لا
سلطان : طيب ورا ما اشتغلت بلندن
غلا : مافيه شغل ناسبني وارتحت فيه
سلطان : انت المسؤول عن أهلك
غلا تقول بنفسها أي أهل الله يرحم والديك .. تنهدت : ايه انا المسؤول عنهم \
سلطان : اهااا الله يعينك شكلك الكبير
سكتت غلا وهو سكت يوم سكتت ,, شوي تكلمت
: انت ماتشتغل
سلطان : حاليا أدرس ماستر
غلا منبهرة : تدرس
سلطان يبتسم :ايه ليش مو بين علي
غلا : لا مو القصد كذا بس حسبتك تشتغل
سلطان : أدرس وأشتغل برى عندي مؤسسة حقت الوالد وكوفي ببورنموث قاعد أديره
وجاسم ومشعل يدرسون معاي
غلا : ماشا الله بس مو باين انكم نفس العمر
سلطان : حنا مو نفس العمر ,, جاسم أكبرنا عمره 29 وأنا عمري 28 ومشعل 25
غلا تبتسم : أجل دلوعكم مشعل
سلطان :هههه أكيد ماتشوفه عال قلوبنا
غلا : ههههههههههههههه
شوي وجوهم مشعل وجاسم
سلطان : كان طولتو شوي زين ماكليتو القدور
جاسم : والله هذا الدب طلب له طبق ثاني عاد ليته يبان فيه مدري وين يروح هالأكل
سلطان : ههههههه الله لا يبلانا
مشعل : وش دخلكم دخل فبطني ولا بطونكم
جاسم : بس تراها قروشي
مشعل : لا يكثر هذا من المهر اللي اعطيتك اياه تعطيه اختك
جاسم ظربه ع راسه : انا شنو قلت اختي انساها
مشعل : ههههههههه زين لا تعور
سلطان : الله يعينا عليكم قطو وفار المهم ماودكم نصلي العشا ونرتاح عقبها عشان نقوم الفجر بنشاط
غلا : أنا ميييت تعب وفيني النوم
مشعل يتثاوب : وأنا بعد والله
جاسم : يلا اجل خل نصلي ونريح عقبها
قامو الشباب للأكواخ وصلو بعد مادخل وقت الصلاة وعقبها كل دخل كوخه وهم في قمة الارهاق
المواضيع المتشابهه 
روايات 2012 " بكت شمس الزمان الي طواها الياس باسبابك " 
العرض المتطور
