لو باريس تدري بغلاتك
 

.
لـو بـآ آ آريـــس تدري بغلآتـك .. http://fazza.ae/vb/images/smilies/ff.gif
مــآتـآخذڪ منــ‘ـي
.
.
يآ فرنسـآ بقلبيۓ شۈق لۈ حسيتيۓ بـہۧ ~> يقلب [ مـ ۈ آ ز يـ ن ڪ ]
.
.
للڪاتبــہُ : ‏ۼ‘ـزآلَ ڍبـٌے ﹁»








روايتي طبعًا من كتاباتي ..
[ 6 ] روايه لــي ..
اممم اتمنى اشوف تفاعل كبير ..
ولو سسمحتوا ممكن تقولون لي رايكم بكل صراحه ..
بسس بطريقه حلوه واسلوب راقي
اتمنى تعيبكم ..
واللي حاب ينقلها لوسمحتوا يكتب اسم الكاتبه ..
وماحب المتابعين بـ صمت ..


حبيت انقلها لكم . << لاني صج حبيتها ..
وانا ماخذه اذن من الكاتبة .

[ قصتي اليديده .. تتڪلـــم عن
الحب
التضحية
الألم
الأمومة
الصداقة
الخيانة
..... الخ

وجريئه ..


وتدور احداثها في مدينه دبي ..
.
.
[ لآتلهيڪم قصتي عن الصلآه وذكر الله ..

[ مقاطع من القصه ..




روضه : الحب في نظري ششي حلو .. احيانًا عذاب .. واحيانًا لحظات سعاده .. أحلى مافي الحياه اني اكون قربيه من اللي احبه .. وان كان في يوم يحب غيري .. عشان سعاده بـ عذب عمري .. بسهر لـيالي عشان يعيش ليله حلوه .. وبصيح سنين عشان يبتسسم العمر كله ..
.
هزاع : الحب كلنا نعيش مافي انسان مايحب .. بسس اهم ششي اني اعيش ويا اللي احبه .. اتحدا العالم عشان حبه .. ابيع الكل عششاه اششتري حبيب قلبي .. تهمني سسعادته ..
.
وديمه : مستحيل اتخلى عن حبي .. ومسستحيل اخليه لـ غيري .. كل الطرق اللي بتخليني بقربه بستخدمهـآ .. اعيش وياه او اموت بلاه ..
.


.
.
.

[ اعرفكم على الأبطـال ..
.
.
[ عايلة أبو حمد ..



أبو حمد ( زايد ) عمره 57 ..
يحب عياله وايد ويدلعهم وما يرضى عليهم ويحاول يعوضهم عن مكان امهم ..
.
أم حمد ( طيبه ) متوفيه من 12 سنــه ..
وهيه كانت مريضه من صدرها وايد وتعبت وودوها المستشفى وعقب توفت ..
.
حمد ولدهم الكبير عمره 25 ..
معرس بنت عمه ريم ويحبها وايد وعنده بنت وحده واسمها طيبه على امه وعمرها 2 سنتين وشوي .. رماسسسه وتسسولف ( دورهـآ شوي فيه رمسـآت مب تقولون ياهل ودورهـآ كبير عليها) .. وحلو وكشيخ ويشتغل في شركه من الشركات .. وما يخصه في حد يعني ما يسوي مشاكل .. ولا يعصب هادي .. ويحب يغايض روضه يعني يتمصخرون .. بسس تييه حالات جيي يعني يرتفع عنده القيج ..
.
محمد عمره 21 ..
مب معرس يدرس بالجامعه .. وجميييل واااااايد .. وعيونه ناعسات وشوي كبار .. ورموشه طوال وكثيفه .. وشعره ناعم وشوي طويل لين نهايه اذنه وسايح .. ووايد قريب من اخته روضـه .. ومال سوالف ومصصصخره .. وجيي ربششه هالأنسسان ..
.
روضـه عمرها 18 ..
ثانويه عامه .. شاطره وحبوبه .. وتحب اخوانها كلهم ووايد قريبه من اخوها محمد .. حلوه ودلوعه ابوها لأأنها البنت الوحيده .. وما يرفض لها طلب .. وجميله واااااايد .. بياضها عجيب .. وشعرها صابغتنه اشقر غامج وقصتها طويله لونها شقرها غامجه ومن تحت شوي افتح .. وعيونها كبار وسود .. وشفايفها شيوخيه ( تقول شيخه تشبه الشيوخ ) ويوم ترص عليها تطلع احلى وهاي حركتها ..
.
.



[ عايلة أبو مطـر ..




أبو مطر ( راشد ) عمره 59 ..
مريض بالقلب .. ومتفهم .. ويحب عياله .. ويفهم من نظره عيونهم ..
.
أم مطـر ( فاطمه ) عمرها 45 ..
هاديه بطريقه مب طبيعيه .. وابو مطر عنده كل شي عادي .. و تحب عايلها وتموت فيهم وكل شي عندها تعطيهم اياه
.
مطـر عمره 25 كبر حمد ..
وياه دوم ويشتغلون في نفس الشركه .. وعرسه مب بنت خاله مهره عقب شهر .. وهوه مغصوب عليها .. لأنه امه خطبتها له واجبرته .. وهوه يالله يالله متحمل الفكره .. لأنه يحب بنت ثانيه اسمها شهد
.
ريم عمرها 23 ..
حلوه واحلى شي فيها الشامه اللي تحت عينها اليمين .. وطيوبه ومعرسه ولد عمها حمد قبل كانت ما تحبه بجنون .. ووعندهم بنوته .. (ذكرت هالاشياء عند حمد )
.

أحمد عمره 21 ..
من خلص الثنويه حصل بعثه وسافر لندن يدرس.. ( بعدين بتعرفون عنه )
.
وديمه عمرها 18 ..
ويا روضه .. وهم ربع واخوات وكل شي ( بس مب اختها ابدًا يعتبرون عمارهم جي ) من صفاتها غيوره وعنيده .. وحب التملك .. هيه حلوه بس شوي سمره .. وعيونها صغار شوي ( الباقين شوي كبار ) وخشمها صغير مب أما الباقين حلو وشوي طويل .. والكل يسميها روضه .. لأن اليده احتشرت انهم سموها وديمه على ام امها .. وهيه ما تبا .. لازم يسمونها روضه على اسمها .. وكلهم يقولولها روضيين .. واحيانًا روضه .. أمـا روضه زايد .. يقولولها رويض .. وهيه اصلن ما تحب اسم وديمه اونه جديم ويفشل ..
.
.




[ عايلة أبو هزاع ..

( ما يقربون شي لـ العايلات السابقه )





أبو هزاع ( حمد ) عمره 50 ..
طيوب وريال من رياييل اول محافظ على عاداته رغم الخير اللي عنده .. وعنده شركات وخير وايد ..
.
أم هزاع (ميره) عمرها 44 ..
حلوه وايد ومحافظه على جمالها وتحب تتعدل وكله ماركات وشياكه .. وتحب عيالها وتستهم عليهم دوم ولازم كل يوم ترمسهم مره ولا مرتين على الأُقل .. ومب خقاقه ..
.
هزاع عمره 23 ..
أحلى رياييل العايله .. ابيض وعيونه عسليه شعره شوي طويل لين نص اذنه .. وكشيخ وفيه خقه شوي جدام البنات .. واكيد شوي مغازلجي .. يلفت البنات بجماله حياته المقارين محلتنه .. ضحكته تخبل .. يعني جي المهم حلووووو ..
.
العنود عمرها 18 ..
حلوه وتشبه هزاع وايد .. وشفايفها دوم ورديه .. ( طبيعي ) واذا عضت شفايفها تخبل الرياييل .. بكلمكم عن حياتها العاطفيه بعدين ..
.
.




[ عايلة أبوحمدان ..
(ابو هزاع وابو حمدان اخوان)




أبو حمدان ( أحمد ) عمره 49 ..
يشتغل ويا اخوه في شركاتهم .. وطيب ويحب عياله ..
.
أم حمدان ( موزه ) عمرها 43 ..
طيوبه .. وحلوه وبعد شوي كشيخه شرات ام هزاع .. وتحب عيالها وايد ..
.
حمدان عمره 23 ..
ويا هزاع دووووم .. وهم ربع .. واخوان وكل شي .. يسافرون ويا بعض ويسون كل شي ويا بعض وقريبًا راح يستلمون الشغل بدال ابو هزاع وابو حمدان ..
.
منيره عمرها 20 ..
حلوه وطيوبه وتدرس في جامعه زايد .. جميله على امها .. بس خشمها على اهل ابوها شرات السيف ..
.
نوره عمرها 18 ..
حلوه وعيونها شوي على الخضرا والعسليه لونها غريب عن الباقين .. وخقاقه .. ومال دلع وجي يعني ..
.
مـايد عمره 17 ..
ولد شوي فري .. وبعد شوي صايع .. في الدراسه يمشي حاله .. بسس يعني اذا اجتهد اييب زين ..
.
.

بــــآ آ آ ريــس [ 1 ]
\
/
\
الصيف قرّب وأشوفك تطري السفره
حسبي على الصيف كانه يبعدك عنّي
ليتك ولد كادحين وحدّهم .. عـمـره
ماكان أوروبـا خذتك بيـدّها . منّـي
/
\
/
دخل محمد حجره روضـه وكانت تحط بلشر ..
محمد : يا المادموزيل خلصينا .. شوو الخطيب يتريااج في باريس
رويض : فديته وانته شدرااك يمكن صدق يترياني ..
محمد : انزيين خلصينا ما استوا علينا انج بتسافرين .. ولا باريس بعد ..
رويض تحط من القلوس الأحمـر الشفاف : باباتي فديته واعدني اذا يبت في التسعين يسفرني وين ابا ..
محمد : عااااااد إلا هيه 93 يبتيها ..
رويض : 93.8
محمد : انزيييين بسسسسج شو هاااا مزرتي ويهج ..
رويض : باسم الله .. شوي الا هاا .. الينر من فوق عيوني ازرق وبلشر وشويه قلوس قلت مزرتي ويهج
محمد : خففي انزين ..
رويض تلبس عباتها اللي فيها قصه حلوه ومن اللونين الازرق والأحمـر ( لولنين علم فرنسا وبعد وياه ابيض بس هيه ما لبست كل الالوان .. )
رويض : حمووود لا تستوييي سخييف الحيين .. ( يلست على الشبريه عشان تلبس نعالها الكعب الأبيض والازرق والأحمـر ) نزليي شنطتي فديتك ..
محمد يحط يده على خصره : بشكارج انا
رويض : لاا اخويا .. ههههه .. يلا لا تسخف ..
محمد : نزليها روحج ومب تتأخرين .. (طلع )
رويض : جييييين جيييييييييين جيييييييين وصمخ ..
جين يايه : yes madam
رويض : مدام في عينج .. حرمه وعندي ريل وعيال تشوفيني مدام اونه شلي شنطتي ونزلي ..
جين استغرب بلاها تتحرطم .. بس اللي فهمت انها تشل الشنطه .. وشلتها ونزلت ..
رويض عقب ما لبست الكعب .. لفت شيلتها زين .. وشافت بودره زايده على خشمها مشتها وعقب تتعطرت بـ عطر كوكو شانيل وشلت الأيفون مالها اللي حاطه له كفر برج ايفل وتحت مكتوب Paris ولفت الجرج وحطته في الشنطه مالها البيضا وفيها خط أحمـر ووياه خطين ازرق .. ( مطقمه الأخت ) وتأكدت انها ما نست شي ونزلت عندهم تحت ..
\
/

/
[ في بيت أبو مطـر ]
أبو مطـر : روضين ان احتيتي شييي اتصليلنا ..
وديمه : انشاءالله ..
أم مطـر تحضنها : فديتج بنتي ..
مطـر :تقول سايره المريخ تراها سايره ويلا عمها واختها وعيال عمها ..
أبو مطـر : انا قلت لك سير وياهم ..
مطـر : الأم الحنونه خلتني .. طفرتني عرسك عرسك ..
أم مطـر: انته اسكت ..
وديمه : عااد ما توصون بـ شي ..
مطـر : ها اللي حافظتنه بس ..
وديمه : جب انته ..
مطـر يمسكها من اذنها ..
وديمه : آآي آآي .. خلاص اسحب كلمتي ..
وعقب ودعوا بعض وساروا بيت أبو حمد عشان بيسيرون صوب المطـار ..
\
وديمه كانت لابسه عباه تشبه عباه روضه بـس الألوان وردي وأخضر .. ( روضه سوت عقب وديمه يبوم وغيرت الالوان ووديمه انقهرت من هالشي ) وكانت متعدله على الخفيف باللون الأخضر وحاطه قلوس وردي لماعي ..
\
/
\
[ في المطـار ]
{ لـؤ كآن عنٍدي شور بحط ممنوع
محظور ما تطلع حدود الامارات
احس من فرقاك في خافقي روع
يا سيدي من عقبكم كيف ببات }


\
/
[ في قاعه الانتظار ]
هزاع يايب 2 كوفي لاتيه يعرف ان العنود تحبه ..
هزاع مد لها الكوب ..
العنود اللي كانت تطالع من الزجاج الطياره .. والطيارات اللي عدالها ..
خذت الكوب وهيه ساكته ..
هزاع كان لابس قميص لاكوست ابيض وبنطلون أسود .. ومنزله شعرها ومرتبنه ,, ومعلق النظاره على قميصه .. ويشرب ..
العنود لفت تطالعه : هزاع لو طاحت الطياره ومتنا
هزاع نزل الكوب لأنه كان يشرب وطالعها باستغراب ..
العنود وهيه تلف تطالع الزجاج مره ثانيه : لو متنا كلنا وانته بقيت عايش شو بيكون احساسك
هزاع : عنوودييي شو هالكلام
العنود : .....
هزاع : شو بلاج انتي هالفتره مب على بعضج عنوودييي ردي علي ..
العنود : .....
هزاع : حتى كنتي كل ما نسافر باريس تفرحين .. وتعدلين .. شو اللي فيج
العنود نزلت دمعتها ..
هزاع لفها : عنوودييي بلااج
العنود : .......
هزاع مسح دمعتها ونزلت الكوبين وحطهم على طرف ..
العنود بتعب وحزن : هزااااااع ..
هزاع يحب اخته وايد وحضنها يخفف عنها ..
\
/
حمدان : عمي طالع عيالك مسوين فيها جو رومانسي ..
أبو هزاع وأم هزاع : ههههههههههه
حمدان : هااي اخته جي الله يعين حرمته اخاف مره كل شي جدام الناس .. معروف ولدك ما يروم يمسك عمره ..
أبو هزاع : حممممداااااااان ..
حمدان : هههههههههههه ..
أم هزاع : فديتهم عيالي يحبون بعضهم ..
حمدان : هيييه والله ( يقلدها ) فديتهم عيالي يحبون بعضهم .. طفاسه هااي طفاسه .. والله انهم ما يستحون ..
أم هزاع تضربه على جتفه بالخفيف : انته الطفس ..
حمدان : افــــااا .. انا طفس .. هااه يا ميرووه خانم .. ليكون ما تبيني تتمدحين عيالج
أم هزاع تمسكه من اذنه : هب تقول هالرمسه مره ثانيه ..
حمدان : آآآآآآآييييييي .. ( عقب ما بطلت يدها ) ماحبج ما حبج خلاص انا ماحبج
أبو هزاع وأم هزاع : ههههههههههههههههههه
\
/
\

روضـه اللي ماسكه يده ابوها بايدينها الثنتين ..
ويشمون .. مروا من جدام ستار بوكس ..
روضـه : أبــــااا ..
أبو حمد : خذولها ..
حمد : طعععععع .. ابويا بلاك انته مدلعنها ..
وديمه : انا بعد ..
محمد : غارت بعد هاي ..
روضـه تحط يدها على خصرها : ولييش انشاءالله ما يدلعني .. يلا خذولييي .. ابا فرابتشينو بارد ..
ريم : حبيبي انا بعد ابا كبتشينو ..
وديمه : انا ابا فرابتشينو حار ..
أبو حمد يلس على الكرسي : يلا خذولكم بعدها الطياره ..
حمد : أبويا بلاك انته لازم يعني تمشينا على شور رويييضووه ..
روضـه : اقوول لا تنسون ترا باباتي حبيبي قايل ترا السفره عشاني ..
محمد : خقت ..
حمد : قاصصص عليج ووحليلج انتي مصدقه .. من زينج يعني
روضـه : يلا يلا سير خذلي ..
طيبه : باباه ..
حمد : عنووونيييي ..
طيبه : مناك حلاوه ابا حلاوه ..
حمد يشلها : انذييين تعالي ويايا ..
محمد ييلس : اوووووف انا كيف الحين ارتاح يوم هالزفته ويانا ..
أبو حمد : محمدووووووووووه ..
محمد : شو يايبنها
روضـه : انا قلت لعمي ..
محمد : مالت علييج ..
ريم : عااد كله ولا اختي ..
وديمه : خلاص ييت يعني انته شو بتسوي
محمد يرفسها بريله من تحت الطاوله : ويهالكعب .. مب راكب والله ..
وديمه : آآآآآآآآآآآآييييي ..
أبو حمد : محمد ..
محمد : خلاص خلاص ..
شوي إلا وحمد ياي ويايب الفرابتشينو مال روضـه ..
حمد : قلت له يمزره الزفت الكريما ..
روضـه وهيه وشوي وبتصارخ : جلب .. تعرف اني مادانييه ممزور كريما ..
حمد سار وهوه يضحك ..
يت طيوب تربع وهيه ماسكه حلاوه ستار بوكس مال باتشي ..
طيبه تمدلها لأمها : ماماه بتليلي ..
ريم وهيه تبطل لها : ما تعرفين تقولييين ماماه حقج .. طالع على عمتج ..
روضـه : بلاها عمتها بلاها بلاها
ريم : هههههههههه .. ماشيي غزيل ..
روضـه : هييه تحريت بعد ..
طيبه تمص الحلاوه ما تاكلها ..
تموا شوي يشربون وعقب قاموا .. عشان يسيرون صوب قاعه الانتظار ..
\
/
\
هزاع : عنوودييي الحين تسيرين صوب الحمام(عزكم الله ) تعدلي شيفتج الحلوه .. ولا ترا بنيلسج في دبي ماشيي سيره ..
العنود تعرف انه يبا يغير لها جوها : هزاع ..
هزاع لفها : يلا يلا بسرعه 20 دقيقه باقيه عن الطياره ..
العنود : اوكييه اوكييه .. لا تسوي جيي تعور جتوفي ..
هزاع يسوي اكثر : هههههههههههه
العنود : هههههههههزززززززززاااااااااااااااااااعععععععععع ..
هزاع خلاها تسير وتم يضحك وعقب سار عند الباقين ..
أم هزاع : وين العنود
هزاع : سارت الحمام(كرمكم الله )
حمدان : هاااه خلصت اللقطه الرومانسيه ..
هزاع : ههههه .. انته مخك دووووووووم يسيييير لبعيييييد ..
حمدان : ههههههههههه
أبو هزاع : ايلس ..
هزاع يلس بين امه وابوه ..
حمدان : الله وانا وين اسيير ..
هزاع : بيت ابوووووك .. شو يايبنك ويانا ..
حمدان : طططططععععع .. مادري منو اللي يترجاني ..
أم هزاع : ايلس انته هنيه ( تأشر على عدالها )
حمدان : والله ماشيي شرااات ميروووه ..
أم هزاع تمسكه من اذنه : منوووووو شرات
حمدان : ههههههه .. ميرووه ميرووه آآييي بسس يعور بعدييين تأثرين على اذني .. وما بسمع ..
أم هزاع بعدته وهيه تبعد راسه لبعيد ..
هزاع : ادبووووك ..
حمدان : جب انته .. ياهل بين الماما والبابا ..
هزاع : ههههههه اوااا اوواااا ..
أبو هزاع : فضحتونا ..
هزاع : ههههههههه .. هوه الحشره .. انا ساكت حليلي ..
حمدان : مادري منو يواوي من شوي ..
هزاع : هههههه ولدي ..
أم هزاع : يعلني اسمع صوته قريييب ..
هزاع : وااااااااو .. حلوه هااي .. مااامييييي طيري هالأفكار من بالج ..
أم هزاع يلست تعطيه محاضره طويله وهوه يعلق عليها ..
\
/
\

[ من صوب ثاني ]
وهوه يالس ويا ربيعه وربيع حمد ووايد وياه ويعرف كل شيي اسمه حارب
مطـر : رمستني امس .. ياخي مارووووم والله ما رووم .. كيييف اخذ وحده انا ماحبها .. ماصدق اني مجبور على مهره ..
حارب : وانته ترمسها ما تحس هذا غلط ..
مطـر : ماقدر يمر يوم ومارمسها ..
حارب : بس كيف بتكمل حياتك جي .. لازم تقطع هالأتصالات ..
مطـر : انا تواعدت وياها اشوفها ورا باجر في قصر الهند ..
حارب : اييه انته شو تخرف
مطـر : حروووووووب ليييش انته ما تبا تفهمني
حارب : لأنك انته اصلن ما تبا تفهم ..
مطـر :صح انا ملجت من 5 ايام .. بس كانت عاديه ملجه زفت بعد ..
حارب : انته مقتنع باللي تسويه
مطـر : هييييه متقنع ..
/
\
/
كانوا وافقين بالدور عشان يركبون الطياره ..
روضـه مستعيله وتجدم لا مست يدها يد هزاع ..
محمد شاف الموقف : حوووووه انتي ..
روضـه اصلن من بعد ما لا مسته ردت شوي ورا ومن صوب محمد ردت بعد شوي ..
هزاع ارتبك شوي وروضه بعد ..
هزاع : عنوووووديييييييي ..
العنود يت صوبه يعني تخطت اللي جدامها
هزاع : أووووووف شو هالحلاا ..
العنود تعرف اخوها وتمت ترمش بعينها : ادري بعمري قمـر ..
هزاع : خخخخخخ .. زين يوم تدرين ..
العنود تمت تطالع جدام وهزاع حد يده على جتفها ..
هزاع بهمس : ارتحتي ..
العنود : لا بعدني شي ..
هزاع قربها من صدره .. وتموا يتريون اللي جدامهم ..
العنود تعدلت ورمست عينها بالخفيف .. كثرت البلشر .. وحطت قلوس وردي فاتح ..
روضـه يوم شافت يت صوبه حست بقهر بسيط .. وتمت ساكته ويوم قربها منه تمت تعلق عليهم فخاطرها ..
\
/
ركبوا الطياره ..
كانوا كلهم بزنس .. عايله أبو هزاع ما لقوا في الفيرست غير كرسي واحد .. عشان جي ردوا للبزنس عشان يكونون ويا بعض ..
ترتيب الكراسي .. اول شي في الطرف اليمين ريم وحمد وفي النص روضه وأبوها .. وعلى الطرف اليسار محمد وطيبه .. ووديمه ما قلت غير وراهم .. وعدالها ريال ( هزاع ) .. وهيه تبا عدال الدريشه ..
ريم : روضيييين ..
وديمه عايبتنها اليلسه عدال هزاع : والله ما تحركت من مكاني ..
هزاع اصلن ما كان عاطي الموضوع اهتمام .. ويطالع البي بي ماله ..
حمد : يلسي خليها .. بخبر مطور عنها ..
روضـه : باباه شوفها يالسه عدال الريال ..
أبو حمد : روضـه روضـه ..
وديمه ما ترد عليهم وتطالع الجامه الصغيرونه ..
كانت محمد بيبدل بينه وبين وديمه .. بـس قالولهم يلسوا بتطير الطياره ..
\
/
لا أوصيّـجْ ( يالإمـَارات )
بسِـافـر .. وبتـرك الغالي بأراضيـج ..
راعيـه ، حنـّي عليه / دخيلج ترابْ أرضـجْ
لا تحسسيـنهْ بـ غيَـآبـي ..
.
.
يوم طارت الطياره .. وديمه تخاف جان تمسك يد هزاع ..
هزاع استغرب ولف صوبها .. وهيه كانت مغمضه عينها .. تم يطالعها ..
هزاع / وااااااو شو هالجمال اللي عدالي اناااا خطيييره .. اخخ واليدين ناعمه .. يا ويل حالك يا هزاعووه ..
استقرت الطياره في السما .. وفتحت عينها وديمه وبسرعه شلت يدها لحد يشوفها .. وتموا يطالعون بعض لدقايق ..
محمد : طيوبيي حبيبي شو رايج تي روضه هنييه
طيبه : لا انا ابا اتالع الثمـا ..
محمد : انزين ( عض شفايفه يفكر ) اوكييه انتي يلسي ورا عند الدريشه وروضه بتيلس هنيه ..
طيبه تلف لورا : كلاص اوكيييي ..
محمد : رويضييين تعاليييي هنيييه عدالي خليي طيوب تيلس ورا ..
وديمه : من حلاه اليلسه عدالك يعني ..
محمد : لج الشرف تتمنيين يلا تعالييييي ..
وديمه استحت يوم شافت هزاع مبتسم وكأنه يبا يضحك .. ووقفت ..
وديمه : اوووووووف .. ( يلست مكان طيبه وطيبه يلست مكانها )
محمد : انتي ما تستحين
وديمه : أووووف بلاك انته .. شو سويت .. مكتوب في بطاقتي هذا كرسيه شو استوى ..
محمد : يبالج كف يعدل ويهج ..
\
/

هزاع يرمس طيبه : انتي شو اسمج
طيبه : انا طيبوبه ..
هزاع : الله اسمج حلو ..
طيبه : انته ثو اثمك
هزاع : اسمي شرير ..
طيبه : انته هراميييي .. باباه بااباه ..
هزاع : ههههههههه .. لالا اتمصخر وياج اسمي هزاع ..
طيبه : جذاااااب ..
هزاع يلشها وييلسها على ريله : لا انا اسمي هزاع .. وبعد انا مب حرامي ..
طيبه : انته بتثير باريث بعد ..
هزاع : ههههه .. هييه وياج ..
طيبه : الله حلو .. انته باريث كبل
هزاع : هييه سرت انتي سرتي
طيبه : لااا ما ثرنا بنثير الحين ..
حمدان لف ويهه صوب هزاع : خيييييبه .. انته من وين يبت هالبنت .. بلاها عيوني اليوم مره يبت حرمه والحين بنت ..
هزاع : هههههههههههههه ..
حمدان : بنت منو هاااااااي
هزاع : حبيبي انتي وين باباتج وماماتج ..
طيبه تأشر عليهم من بعيد : مناااااااك ..
هزاع : هييييه ..
حمدان : عمي شو ولدك لاقط بنت الناس ويايبنها عنده ..
أبو هزاع : يا هلااا .. منو هالحلوه ..
هزاع : قوليلهم شو اسمج ..
طيبه تعلي صوتها شوي : انا طيوبه ..
أبو هزاع : عاشت الاسامي طيوبه ..
هزاع : سيري عنده .. داخل مخباته شي حلاوه ..
طيبه سارت تربع عنده ..
أبو هزاع : ما عليه يا مسود تقص على البنت الحين من وين اييب لها حلاوه ..
العنود تطلع من شنطتها كندر مدسوسه : هااي حق طيوبه ..
طيبه : ثكرًا ..
العنود : عفوًا ..
هزاع : طيوبه سحيها وياج وتعالن ..
العنود وقفت وهيه ماسكه يد طيبه وساروا عند هزاع يلست العنود ماكان طيبه وطيبه على ريول هزاع ..
\
/
ريم : حبيبي وين طيوب
حمد : مـادري .. رويض وين طيوب
روضـه : ترا بدلو روضين وطيوب عشان ما تيلس عدال الريال .. ( لفت ورا تطالعهم )
حمد : فشله يالسه عنده ..
ريم : سير هاتها ..
حمد : لا مارووووم .. رويض هاتيييي طيوب من عند الريال ..
روضه لفت تطالعهم ..
طيبه ترمسهم وهوه يضحك وحتى العنود شوي تضحك ..
طيبه : اثلن انته ما تعلف تلعب ..
هزاع : لا انا اعلف ..
طيبه : ما تعلف ..
هزاع : اعلف والله اعلف تعاليي نلعب ..
طيبه : ماثي مكان وماماتي تقول ما يلعبون داخل طياره ..
هزاع يوقفها على ريله : انتي ليث قثيرونه
طيبه : اناا موووووب قثيرونه ..
هزاع : لا قثيروووونه
طيبه : لا انا موووب قثيروونه ..
العنود : هزااعووه لا تطفر بالبنت ..
طيبه تنزل : بخبر باباه عليك .. ( سارت وهيه تزقر ابوها ) باااباااه ..
العنود وهزاع : ههههههههههههههه
هزاع : زين شفناج تضحكيين
العنود تبا تنسا : هزاع ممكن تسكت ..
هزاع : ههههههههههههههههههههه
\
/
طيبه : باباه هذاااعووووه يقولييي قثيروونه ..
أبوها وأمها : ههههههههههه
ريم : شو يقولج
طيبه : قثيرووونه ..
حمد : هههههههه .. لأنج قصيروونه ..
طيبه : انا مب قثيروونه ..
ريم : انته بعد لا تطفر في بنتي .. ( شلتها ويلستها على ريلها )
طيبه : ماماتي عطوني حلاوه ..
ريم : قلتيلهم شكرًا ..
طيبه :هييه ..
وعقب نزلت من عند امها وربعت عند هزاع ..
طيبه : هذاااعوووه ابا ايلث مكانييييي ..
هزاع يلستها على ريله ..
طيبه :لا ابا اتالع الثمــا ..
هزاع : هيييييييه .. عنودييي تعالي يلسي على ريولي خليها تطالع الثمــا ..
العنود : لآ والله ..
هزاع : هههههههههه ..
طيبه : انته لييث تضحك
هزاع : بـس جييي ..
طيبه تلعب بقميصه ..
العنود : يناسبك دوووور الأب ..
هزاع : ههههه .. اندور الحرمه قبل ..
العنود : صدق صدق .. ليش ما تعرس
هزاع : هاتييي الحرمه وبعرس ..
يت روضـه لأن حمد قالها تي تشل طيبه من عندهم لأأنه اونه عيب ..
روضـه بصوتها العذب : طيووووب باباتج يباج ..
طيبه : بعدين بثييير عنده ..
روضـه : لييش ما تبيني انا عمووتج بعطيييج الايفون تلعبييين ..
طيبه : قوولييي والله ..
روضـه : والله .. يلا تعاليييي ..
طيبه : هذااااعووووووو انا بثييير العب بعديين بييييي ..
روضه / فديته بعد اسمه هزاع ..
هزاع : ثيري هاتي الايفون وتعالي لعبييي عنديي ..
روضـه : لالا .. تعالي يلاا ..
روضه شلت طيبه ولامست يدها يد هزاع وسارت بسرعه ..
روضـه وهيه تمشي رمس محمد ..
محمد : غريبه مستويييه مطيييعه لـ حمدووووه اليوم ..
روضـه : اقوول اكرمنا بسكووووتك .. كيفييييي اطيع اللي اباااه ..
محمد : من الصبح وانتي خاقه علينا .. شو الحين خازت الخقه ..
روضـه بنبره دلع خقه : منو يحق اللي .. زايد بالـ.... ما يرفض لي طلب ..
محمد : شوي شوي لا ينطر لج عرج ..
وديمه : بتخبرك انته شياينك اليوم ..
روضـه : متخبل شوي .. لالا ماخذ دور الأخ ومضبط عمره ..
وديمه : ههههههههااااااااااااااااااااااععععععع ..
طيبه : عمووووتييي يلاا ..
روضـه سارت ويلست مكانها وعطت طيبه الايفون يلست تلعب ..
\
/

العنود : والله هالبنت روعه .. جمالها خطيير .. أحلى عني بعد .. ( تقصد روضه )
هزاع سكت : ......
العنود عقب فتره صمت حط راسها على جتفه ..
العنود :
أذا قلبي تعب وانبـح صوتي
ابكتب يا هل الشيمه وصاتي
أنا محتار ماعندي ثبوتي
نهى التوقيع كل معاملاتي
فلا يغريك عن حالي سكوتي
اضيم الوجعان نار حسراتي
أرى الأيام بافراحي تفوتي
خذت معها بقايا الذكرياتي
على من صار لي بالعمر قوتي
غـذاء لاحساس بافراح الحياتي
ترى فرقاه به معقود موتي
وأنا مدري معاهـم وش غـلاتي
الوم النفس وافكاري شتوتي
واعين القلب بخشوع الصلاتي
إلهي اطلبك قوة ثبوتي
وبلغني إلى بر النجاتي
هزاع : عنووديييي ممكن اعرف انتي شو فيج
العنود : ولا شيي ..
هزاع : عنوووديييييي ..
العنود : ....... ( تمت ساكته لفتره طويله وعقب سارت يلست مكانها عدال امها .. وبعد تمت ساكته )
وعقب حمدان يلس عدال هزاع وتموا يسولفون شوي ويرمسون عن الشغل وجي ..
\
/
\
تعرفوا على بعض أبو هزاع وأبو حمد ويلسوا يسولفون ..
وروضه سارت يلست عند وديمه ومحمد رقد ..
وديمه ترمس بصوت خفيف : خطيييييير ..
روضـه ما تبا تبين اعجابها : يعني زويييين ..
وديمه : مالت عليج ..
روضـه : المهم .. يبتي اللي قلت لج عنه ..
وديمه : اووووووووووووووووف نسييييييييييت .. والله نسيييييت ..
روضـه تعلي صوتها شوي : مخج دووووم طااااير .. المشكله مب فيييج المشكله في اللي يعتمد عليج ..
وديمه : والله نسييييت .. صدعه مطوووور نستنييييي .. اصلن كنت حاطه الشنطه الصغيره على التسريحه ..
روضـه : اووووووووووووووووف منج .. بالج طاير تفكريييين في عرسين الغفله مالت .. حمدان بن محمد يتريا الرد ..
حمدان وهزاع : ههههههههههههه ..
وديمه : جب خفي صوتج فضحتينا ..
روضـه : بشوووف ريموووه جان يابت .. (كانت بتقوم )
وديمه يلستها : انا شفتها تحطه في الشنطه .. ترااااه الا جرج حشرتينا عليه ..
روضـه : سكتي عنييييي .. امبوونج دووم مب مهتمه .. ترفعيييييين الضغط ..
وديمه : يا ويليي على العيوز اللي فيها الضغط والسكري ..
روضـه تضربها : فال الله ولا فالج ..
وديمه : اييييه فشلتينا سكتي ..
روضـه تمت ساكته شوي تاخذ نفس ..
\
/
هزاع : ههههههههههههه ..
حمدان : ويييين عنوودووه
هزاع : هكيييه شيي بلاها هاايييي
حمدان : وماشاءالله حضرتك قايم بالواجب ..
هزاع : اختييي ..
حمدان : انزيييين ادريييييييييييييي ..
هزاع : تحريييييييت بعد ..
حمدان : من الحين اقولك .. بنسيييييييير يوميين ليون
هزاع : ليون
حمدان : هييييييه ..
هزاع : كلنا ولا بس انا وانته
حمدان : يمكن كلنا .. بـس عقب انته مب تغير رايك ..
هزاع : اممم اوكيييه ..
حمدان ياكل حلاوه : وشو رايك نسير .....
هزاع قاطعه : وييييين بعد ليون بسسس ..
حمدان : سايرين نصييف نحن .. لازم نتحوط ..
هزاع : لا تنسى شي اجتماعيييين ..
حمدان : أووووووووووووووووف يا هالشغل ..
هزاع : ههههه .. محد قالك .. اونك بتستوي طيااار ماالت ..
حمدان : شفنااااك مستوي كابتن سفينه ..
هزاع : خخخخخخخخخ هالشواااب يخبروون احلام الطفوله ..
حمدان : احلام الطفوله حلوه هاااايييي ..
هزاع : عنوووووود عنوووود ..
عنود : بلااك تصاارخ الطياره فيها ناس ..
هزاع : ههههههه .. اخبرهم اني وياهم عشان ما ينسوون المهم كم نسبتج
عنود : زين تذكرت تسأل ..
هزاع : لا قصدي 90. كم
عنود : 90.6

هزاع : هيييه زييين ..
حمدان : وشو تبابها ..
هزاع : بشتريلها هديه بـ 90 يورو و6 سنت ..
حمدان : مالت علييييك صدق انك فقر تحريييت بتاخذ شي بالآلاف .. حراام عليك عنووديي تستاهل ..
العنود طالعتهم بنص عين ..
هزاع : اتمصخر اتمصخر .. بنشووف حق عنودي هديه على ذوقها من باريييس ..
العنود : لاااازم .. عيل على ذوقكم الزفت ..
هزاع : تعالي يلسيي نكان ابويا الفاضي ..
العنود يت يلست ..
حمدان : ذوقنا زفت .. كنت ناوي اشتريلج هديه خطيييره بتعيبج بـس اخواتي اولا ..
العنود : ماااااااااااااالت .. عندييي ابو .. واخو .. وام .. يا خذوووليييييييييييي ..
حمدان : احسسسسن ..
هزاع : عااد كله ولا عنووووود شيختك ..
حمدان : شاخت ركبها ..
هزاع : ايييه انته كله ولا اختي ..
العنود تطالع ساعتها الجنفشي : اوووف متى تعدي هالساعه .. ابا ارقد ..
هزاع : ارقدي ..
حمدان : بلاك ناسيي .. الاخت مب من مقامها ترقد في البزنس لازم في الفيرست ..
العنود : انته اسكت ..
هزاع : عااااد شو نسوي ماشيي حجوزات ..
طيبه يايه صوبهم : هذاااعوووووووووه ..
هزاع : هلاااا .. آمــريييي .
طيبه : بيلث عندك ..
هزاع : يا مرحبا بج .. ( شلها ويلسها على ريله وضمها بيده )
العنود : اييييه مب تقص على بنات الناس .. ترانا طابخيينك ..
حمدان : لييييش ذبيحه هههههه
هزاع : ههههههههههههه .. يوعانه الأخت .. صبري شوي بعشيج في أحلى مطعم في باريس ..
\
/
\
هذآ البـآرت الأول اتمنى انه عيبكم ..

بــــآ آ آ ريــس [ 2 ]
\
/
\
الإمـآرآتَ : يـآآ أرضُ بـآريَـس رجّيت ـجٍ أحفظَي لي ..
غـآليَ على الروُوُح ..
بّــآريُـس : دآمـَه من هُـل زآيد والكـِرم .. ترآآه غالـُي ومحْفظوظ
وبعيدَ عن الجروُوُح ..
\
/
وصلوا أبطـآل قصتنـآ لبـآريس ..
وفي المطـار كانوا كلهم مع بعض .. لأن أبو هزاع مـآ خلآهم يسيرون بروحهم .. وهذي أول مره ايون هنيه ..
[ في مطـار باريس شارل ديغول الدولي => ماعرفه والله شفت اسمه في النت ]
وهم ياخذون الشنط ..
كانن البنات يالسات يترين الرياييل ايبون الشنط ..
ريم وروضه ووديمه يالسات على طرف ووياهم طيوب ..
وأم هزاع والعنود يالسين على طرف ..
العنود : أبــا ارقد ..
أم هزاع : ألحين يخلصون وبنسييير ..
\
/
ريم : مادري لييش احس الجو شوي حـر ..
روضـه : لا بـس اظن من الغشوه .. ولا نحن نحس الجو طــر ..
وديمه : متحمسه الأخت ..
روضـه : اخبر ابويا عليكم ( خقت البنت )
ريم : بـس عاااد عيب مره انتي ما تستحيين .
روضـه : حرام عليكم زعلت انا ..
وديمه : بزايه وحده .. ولا بعد خقاقه ..
روضـه : هيييه الحين باباتي محد عندي ولا لو هووه هنيه نصخكم ما سعمناااااه ..
طيبه : عمووووتييييي ..
روضـه : هاااه ..
طيبه : ماعلف ماعلف .. بخثر بخثر ساعديني ..
روضـه شلت عنها اونها تلعب عشان ما تخسرها .. ( تعرفون اليهال )
طيبه : ثكرًا ( كملت لعب )
ريم : قلت حق اخوج ياخذ لها ايبود توج بـس يقول بعدييين ..
روضه تبوس طيبه : انا كم طيوووب عندي خلهاااا تلعب ..
وديمه تطالع البي بي مالها : بلاها الخدمه ما اشتغلت ..
ريم : فاتحه دوليه ..
وديمه : هييه مال دوو ..
ريم : صبرييي مستعيله عليييه واايد ..
محمد : بنات لحقوا ..
البنات : شووووو
محمد : شنطة رويض نسوها في دبي ..
روضـه بصوت عالي : شوووووووووووووووو والله لردكم كلكم دبيييييي .. شنطتي اناااا يا ويلكم ..
محمد : ههههههههههههههه .. هااي شنطتج جيي واايد مهمه ..
روضـه حست ان صوتها عاليييييييي .. وخفت صوتها شوي ..
روضـه : ماعلييه يالجلب اونك تسوي فيني مقلب ..
محمد : ههههههههههههههههههههههههههههههههههههه ..
وديمه : زين ما ذبحتهااا ياخييي ..
محمد : اول شنطه حصلناااا ..
روضـه تحط يدها على قلبها : أصلن مستحييل ينسوني .. لازم ينسونكم انتوا ..
محمد : ياخي انتي وااايد خقاقه ..
روضـه : لا حرااااام منو قال انا الحين خقاقه .. بس عشااااااااان باباتي يحبني .. ويدلعني ..
حمد : يلاااا ..
طيبه : بااابااااه ..
حمد : عنون باباه ..
طيبه : انا ثفت عثير احمـر مناك .. ابا عثير ( عصير )
روضـه : وانا يوعانه ..
أبو حمد : ماعلييه نوصل الفندق وعقب بنطلب أكل ..
طيبه : باباه انذييين ثلني ..
حمد : لا حبيبي منو بيدز هذا
وديمه : بنتك ..
ريم : عطني اياها .. ( شلتها )
روضـه : ابويا تريا طيوب خلت الايفون على الكرسي ( سارت تيبه )
شافت هزاع حاط يده على جتفه عنود ويمشها ..
هزاع : يا ويلج ان رقدتي .. ياهل انتي ..
العنود : مارقدت انا ..
حمدان : بايته تهاذييييين بيي ..
أم هزاع : يا الخقاق .. امبونك ما بتاخذ بنتي ..
روضـه شلت الايفون وسارت صوب الباقين كانوا يتريونها ..
طيبه : باباتي هذاااعووو ما بيي ويانا
حمد : لا حبيبي ..
محمد : أمممه عيييب البنت ترمس عن الرياييل ..
وديمه : تحسسني صراااحه .. خوفت البنت ..
طيبه : هذااااااااااااااااعوووووووو ..
هزاع اللي يمشي من جدامهم وهوه ماسك عنوود .. وأمه عداله وحمدان وأبو حمد يدزون القاري مال الشنط ..
هزاع : طيوبه ما بتسيرين تتعشين ويانا ..
حمدان : يا الطفس تعزم البنات بعد ..
الكـل : هههههههههههه
هزاع : غيرااان حضرتك .. اصلن طيوبه تحبني ..
طيبه نزلت من عند امها .. وسارت صوبه ..
هزاع بعد عن العنود وشلها ورفعها فوق ..
طيبه : انته ليث ما تي عندنا
هزاع : انتي لييث ما تين عندنا .. عندنا بيت حلوووو .. بعد ثي مثبح بتثبح ..
طيبه : اللللللللله مااااايييي ..
هزاع : هههههههه
حمدان : اقوول عطهم بنتهم ..
العنود : يعني بخصوص انك حبيتها واايد .. نتم واقفييين هنييه مثلاً ..
هزاع : امممم عيل انا بشل طيوبه وبوديها لين السياره .. يلا ما بتمشووون ..
العنود : خيانه هااي يسمونها ..
هزاع وهوه يمشي : فيج ريوول امشي بروحج ..
مشوا لين وصلوا للسيارات مال طيران الامارات اللي بتوديهم للفندق .. وعايله هزاع موقفين سيارتين بي ام .. لونهن اسود .. فيهن سواقين ..
طيبه تسوي باي باي لـ هزاع : انا بثييير بااااااااااااااااييي ..
هزاع يسوي لـ ها باي باي : يلا باااااااااااايييي ..
السياره الاولى اللي فيها أبو هزاع وأم هزاع سارت ..
ركب السياره ووياه حمدان والعنود وساروا ..
\
/
عقب يومييين من هالأحداث ..
في الفندق ..
في حجره روضه ووديمه ..
روضـه : يعني هووه حلووو .. وماعليييه كلااام .. وشكله خقه .. وبعد اغنياء ..
وديمه : مواصفاته طــــــرر .. ليت عنيه تطيح صوبنا ..
روضـه : وين انتي بعد تحلمييين ..
محمد يدخل الكيمره من الباب ويصور اللي يقولونه ..
وديمه : لييش نحلم .. نحن شوفينا عيب ..
روضـه : المهم خلينا من هالسالفه رمستي قوم امج
محمد يعلي صوته : كككككككت ..
روضـه : وانته من مساعه تصووور ..
محمد : شو تبن بالريااال ترمسن عنه
وديمه : رمست بنات انته شو يخصك ..
محمد : هييييه رمسه بنات قالت .. حلو وخشمه طـر .. وعيونه ذباحه .. لا وبصراااحه ثيااابه خق .. وغني بعد .. والله العظيم ان سمعت هالرمسه مره ثانيه يا ويلكن ..
روضـه : انزيين انزيين .. يالجذاااب انته قلت خلصت الفيلم مالي ..
محمد : بـاقي شي وااحد اليوم بنخلصه ..
روضـه : شو هوووه
محمد : نحن خلصنا الدراسه والطبخ والشخصيه باقي الزواج بنسير اليوم الحديقه ونبا حضرتج تترتبين عشان نصورج ..
وديمه : عشان جيي وانا اقوووووول هذا شو يبا ..
\
/
\

[ في دار الحي ]
أم مطـر : جهزت كل شييي
مطـر : كل شي حجزته وخلصته بس انتي لا تحشريني ..
أم مطـر : ألحيين انا حشره ..
مطـر :لا امييي السمووحه منج .. بـس انتي وايد مطفرتني بهالعرس .. وفوق هذا .... ( سكت )
أم مطـر : مطوووووووووووووووووووور .. لا تيلس تعيد وتزيد في نفس السالفه ..
رن تيلفون البيت ..
أم مطـر : ألوو ..
مطـر يو شافها التهت نش بسرعه وشرد ..
أم ذياب ( أم مهره ) : ..
أم مطـر : مرحتين .. شحالج مرييييييم
أم ذياب : بخييير يسرج الحال وانتي شحالج
أم مطـر : بخييير عسااج الخير ..
أم ذياب : إلا خيتوييي فطيييم .. ترا نبا 200 بطاقه ..
أم مطـر : اصلن انا مرمستنه مطـر يسوي 500 .. 250 لكم و250 لنا ..
أم ذياب : هييه وبطايق الشيوخ
أم مطـر : 50 بطاقه ..
أم ذياب : وايد ..
أم مطـر : للاحتياط ..
( ويلسن يرمسن عن العرس )
\
/
\
[ في بـآريس ]
ترتبن البنات عشان بيطلعن .. لبسن بناطلين وقمصان بس اكيد لابسين عباه .. ووسكارفاات الوان ومتعدلات بالخفيف .. ساروا يتمشووووون وعقب يلسوا في الحديقه ..
ويلسوا يصورون .. وكم مره عادوا ..
على فكره ترا محمد يحب التصوير او الأخراااج بشكل اوضح .. ومن فتره وهم يصورون فلم عن روضـه .. يعنييي اونه يجرب في اخته ..
\
/
\
هزاع : عنووودييي بلااااج
العنود كانت تصيييح وهيه متلحفه ..
هزاع : عنووووودييييييي .. شو بلاااااج لييش تصيحين
العنود : ........ ( بس تصيح )
هزاع : عنوووووديييييي .. ( حضنها يخفف عنها )
العنود وهييه تصييح وتبعد عن هزاع : مممااا.. مــاااات .. مــ..ــاات ..
هزاع : منو اللي مات
العنود : مـــ...ــا .. ت ..
هزاع : عنووودي هدي عمرج وفهميني .. عنووووديي لا تخافييين انا اخوج مستحيل اضرج او اضربج .. ليييش تخافيين تتكلميين
العنود تمت تصييح ..
هزاع قام وفتح الدريشه عشان يتبدل الجو .. وعطاها دبه الماي وشربت شوي .. يلسها على الشبريه وهم يطالعون صوب الدريشه ..
عقب فتره صمت .. بـس صوت صياح عنود اللي بدا شوي يهدا
العنود : مااا..ت .. سسس...سـعـ..ـيـد .. مــ..ـآت .. سس..ـعيد .. اللـي ســ.ـوا حــ...ـااد..ث .. عــ..ـد.آل .. قـ...ـصـر حـ.ـمد..آن ..
هزاع : منو هذا وانتي كيف تعرفينه
العنود : ههـ..ـ..ـزآ.ع .. لا .. تعصـ...ـب .. انـ..ـا ... محتـ..ـا..جـه .. أقـ..ول ..لـ..ـحـد ..
هزاع : خلااص تكلمني قووليييي ..
العنود تهدي عمرها شوي وترد تصيح ..
العنود : أنـ...ـا .. قـ..ـبل في .. المـد..ر.سـه .. تأ..خـ.ــرت .. وكـ..ـآن سـ..ـعيـد .. أخـ..ـو .. مشـ..ـاعـ..ل يــآي ياخذهـا .. شفتـ..ـه .. ( ردت تصييح شوي ) .. بعـ..ـد فتر.ه طـ..ـرش لـ..ـي .. ورقـ..ـه .. ويـ.ـآ اختـ..ـه .. وتميـ..ـنـا جي لفتره .. وبعـ..ـديـ..ـن .. خذ رقمـ..ـي .. أو..ل مـ..ـاخذ..ت لي التيلفـ..ـون .. وتمـ..ـيت ارمـ...ـسه .. كـ..ـل يوم .. آكـ..ـثـ..ـر عن مر..مره ..
هزاع معصب شوي : اوكيه وبعدين ..
العنود : ههـز..هـ..ـزآع.. أنـ...ـا ..أعـ..ـرف...انـ...ـييي .. غلـ...ـطت ...وربـ..ـي .. عـا..عـاقبني .. وخـ..ـذه .. منـ...ـيي .. هـ..ـزآع.. أنـ...ـا .. مـ...ـا..ر..مسـتـ..ـه .. مـن.. الإمتحـ..ـآنـآت .. وهـ..ـوه .. قآل لأخـ..ـته .. تقـ..ـول لــ..ـي .. أنـ..ـه ..بيي.. يخط..ـبني .. وهذآك .. اليوم .. يـ..ـوم .. سرتـ..ـوا .. انتـ..ـه .. وحححـ...مدآن .. العـ..ـين .. أمـ..ـه كـ..ـانـ..ـت .. بتينـ..ـا .. بـ..ـس استوآ الحـ..ـادث .. ( حطت راسها على جتف هزاع ) وقـ..ـبل الحـآدث اتصـ..ـل لـييي ..
\
/
\
[ الاتصـال اللي كـان بين عنود وسعيد ]
عنود : ألوو ..
سعيد : يـآ احلى ألوو .. وينج مـن زمـان ما سمعنا صوتج ..
عنود : .......
سعيد : خبرت امي اليوم بتيكم .. وبعد مشاعل ومثايل وياها..
عنود من داخلها مستانسه : أعرف ..
سعيد : فديتج .. بعد تدريين اني مارووم اتخلى عنج .. وماشي غير الموت يفرقنا ..
عنود : لا تيب طاري الموت ..
سعيد :والله احبج .. ما بتقوليلي أحبك ..
عنود : ..... سعيد ..
سعيد : يلا يلا اونج تستحيين .. سمعيني اياها ..
عنود : .......
سعيد : يلآ ..
عنود : ......... أحبك ..
سعيد : عيديها فديتج ..
عنود : سعيد ..
سعيد : عشاني ..
عنود : ... أحبك ..
سعيد : آآآآمواا.... ( ما كتملت البوسه لأنه دعم في شاحنه )
عنود : سسسسسسسعععععييييييييييييييييدددد .. حبيبي .. سعععييييييد ..
\
/
\

تدري ۈٍشُ أصعب شُي مر بحيآتي
لْمّآ رجعت آبلْهفتي.. مآ لْقيتكَ
يآ نآﮘـِر آلْمعرۈٍف هآذي جزآتي d×
أرخصتني مآ تذﮘـِر آني شُريتكَ
/
هزاع حس باخته تعبانه وايد .. وحضنها ..
العنود وهيه في حضنه :والله احبه .. هـ..ـزاع .. انـ..ـا احبـه .. بـ..ـس هووه قال مـ..ـا يفرقنـ..ـا إلا المــ...ـووت .. يعــ..ـرف.. أنـ..ـه .. بيموو..ت .. قلبــ..ـه كـآن.. حـ...ـاس .. آخر وحده كلمته .. وآول مره يقولي احـ..ـبج واقوله احبـ..ـك ..
هزاع : عنوود بس خلاااص ..
العنود : أخــ...ــاف .... آخـسـ..ـركـ.... أو... آخـسـ..ر حــ..ـد .. بـ..ـعده.. قلـ..ـبي .. نــ...ـار .. على فـ..ـرقـآ..ـه..
هزاع بعدها عنده وخلها مجابلتنه .. مسح دموعها ..
هزاع : عنووود هذا قضاء وقدر وانتي مآمنه بربج .. لآ تضعفين وانتي لازم تدعيله .. هوه محتاج لـ دعائج .. هوووه يحبج .. بعد انتي تحبينه .. بـس الدنيا ما توقف ..
العنود : هزاع .. أنـ..ـا .. أشـ..ـتاق .. لـ..ـصوتــ..ـه ..
هزاع : تقدرين تنسينه .. تقدرين تبديين حياتج من يديد .. صح اللي سويتيه غلط وما ينسكت عنه .. بـس انتي اعترفتي بغلطج .. انا بقولج شي واحد بـس .. لو بقيت على الماضي وعلى حبه .. بتمين تتعذبين ..
العنود : .......
هزاع : احين انا بسير اوعي الدب حمدانوووه وبتلبس ايي القاج متبلس ومتكشخه ..
العنود : هزاع ...
هزاع : جب ولا كلمه .. ورهبي عمرج تراج ما بتردين ويا قوم ابوي .. بتين ويانا ليون .. وعقب بنرد هنييه وعقب بنرد دبي .. ولا كلمه سوي اللي اقولج اياه ..
طلع بسرعه .. والعنود تمت مكانها شلت صوره سعيد اللي تحت المخده باستها وردتها وعقب سارت تزهب عمرها
\
/
حمدان : همممم
هزاع : يلااا قوووووم .. بتخيييس من كثر الرقااااد ..
حمدان : شو تبا انته بعد
هزاع : قوووم بنسيييير .. يلاااا ...
حمدان فتح عيونه : وين
هزاع : بنسيير نحوووط يلا قوووووووم ..
حمدان يلس على الشبريه : تقص عليا حضرتك .. الحين بتسير تمشي كم خطوه وبترد ..
هزاع يطلع ثيابه من الشنطه : عاااد انته مره ما تصدق .. قوم قوم ..
حمدان يربع صوب الحمام ( كرمكم الله ) هزاع وقف على باب الحمـام(كرمكم الله )
هزاع : على كيفك هووه انا قبلك ..
حمدان : لا والله .. انا بتسبح ..
هزاع : اوكييه خلني آتسبح .. واتلبس .. وعقب انته ..
حمدان : هزاااااااااعوووووووووووه ..
هزاع : حمدانوووووه ..
حمدان : ترا بضربك ..
هزاع حط ثيابه على الطاوله عدال باب الحمام(كرمكم الله)
هزاع : اييه انته بلاااك ..
تموا يتضاربون طيحوا عمراهم على الشبريه وهم يتضاربووون آخـر شيييي تموا يضحكون ..
هزاع شرد صوب الحمـام(كرمكم الله) :تسبح في المطبخ هههه(سكر الباب وهوه يضحك )
\
/
\
روضـه : محمديين ..
محمد : هااه ..
روضـه : ممكن طلب
محمد : شووو
وديمه : نبا نسير السوق
روضـه : شو نتمشى ونشووف على الأقل ..
محمد : انتي تاخذين اللي تبينه اما هاي .. ولا شييييي تطالع وتتحسف ..
وديمه : انته لييش تكرهني
محمد : لأنج ما تنحبيين ..

وديمه انقهرت منه دوم جي يقولها ..
روضـه : المهم شو قلت ..
محمد : يلاا انزييين ..
روضـه : كفج روضييين
وديمه : مابا منكم شييي ..
محمد : ططزززززززز ..
روضـه : اييه عااااد لا تسوينها نكد ..
وديمه : خليه يعتذر مني ..
محمد : بأحلااامج ..
وديمه : جلب ..
محمد : جلب هااه عااد الحين دوروا واحد ثاني يمشيكم ..
روضـه : لالا انته الشيخ .. حبيبي روييض .. يلا يلا آسفييين .. رويضيييين عاااد لا تخربينها علينا ..
محمد طالع بنص عين ..
وديمه تمت ساكته ومحمد يتمصخر ويا روضـه ..
\
عقب جي ربع ساعه وهم يتمشون ..
روضـه : انا بمشي جدامكم .. ولآني البووس مالكم ..
محمد : عشتووو .. طالعو البوس انتوا صرصووور يمشي جدامه ..
روضـه وقفت ولفت صوبه :منو الصرصووور
محمد : انتي ..
روضه تضربه على جتفه بالخفيف : اييه انته اييه ..
محمد دزها واونهم يلعيون جان حضرتها تطييح على واحد
................
.....
.
هزاع مسكها وعشان ما تطيح ..
روضـه بعدت عندًا : شكرًا ..
محمد ميت ضحك .. ووديمه من بدايه الطلعه مطنجره .. ومن شافت الموقف زااادت ..
روضـه : تضحك يا حيوان .. ماعلييييه .. انا اراويييك يالـ جلب .. فشلتني جدام الريال ما يسوى .. والله بخبر عليك باباتي عيل انا صرصووور ..
عبالها هزاع وحمدان العنود ساروا يوم سمعت ضحكتهم ..
روضـه بطريقه لا اراديه : ضحكتوا بليا ضروس انشاءا.......(سكتت يوم شافتهم )
محمد ميت ضحك : هههههههه امسييج هه نكته ههههههههه
روضـه : ماعليييه ان ما خبرت عليكم ابويا انتوا كلكم يردكم دبي ..
هزاع: اقوولكم انا خلونا نشرد ليون هااي بترووغنا ..
روضـه استحت .. وسارت عدال محمد اللي ميت ضحك وضربته كف بالخفيف .. عشان يوقف ضحك ..
روضـه : ماعليييييه .. انا براااويييييييييك .. بتشووووووف ..( تمت تضربه وهوه ميت ضحك وكل ما تضربه يزيد ضحكه عليها وعلى تصرفاتها وتدمع عينه من كثر الضحك )
وديمه : بسسسس عااد ..
روضـه : يا ويلي بيمووت من الضحك ..
محمد يبا يخفف ضحكه بس رمسه روييض كل شوي تخلييه يضحك ..
العنود : خلااص خلووووووه برووحه والله بهدا من الضحك ..
هزاع الثاني بدا يضحك شراته .. وحمدان بعد ..
روضـه صارخت : وااا لقعتيييي جااااان الريايييل كلهم استخفوا ..
الكـل : هههههههههههههههههههههههههههههههه
العنود : انتي فيلم كوميديي ههههه ..
روضـه : انتوا كلكم تقهروون (لفت وتمت تمشي شوي )
حمدان : لحقوهاااا لا تضييييييع ..
محمد سار وراها ووديمه تمت محلها ..
وديمه : شو هالخيانه خلونييي
هزاع شافها هييه البنت اللي كانت ياسه عداله ابتسم عقب ما هدا من الضحك ..
هزاع : تعاليييي ويانا خلاف بنردج لهم ..
وديمه فخاطرها تسير وياه : لاااا ..
طلعت تيلفونها ودقت عليهم اكثر من مره بس ما يردون .. لفت وسارت تمشي ..
العنود : ههههههههههههههههه .. اظن قالولها تيهم تعالوا خلونا نسير هذا الكوفي اللي قلت لكم عنه ..
هزاع : تآمرين آمـر ..
حمدان: أموت واعرف شو سالفتكم انتوا الاثنينه ..
\
/
محمد مسكها ويلسها في واحد من الكوفيهات .. وهوه يضحك شوي ويرمسها شوي ..
ووديمه تمشي لقتهم ..
وديمه : ناسيني حضرتكم ..
محمد : انتي ويانا .. والله تحريت رديناج بيتكم ..
روضـه : ههههه يلسي يلسي ..
وديمه وهيه تيلس : تعبت من المشيي ..
محمد : هههههههه بـس صراحه روييض نكته .. خبله اول مره اشوفج جي ..
روضه / هييه صح بلاني انا تخبلت .. لا يمكن عشان هذاا هزاع كان موجود وما عرفت شو اسوي .. بصراحه صدق ارتبكت .. وخصوصًا يوم مسكني ..
وديمه : اقوولك ابا آخذ شيي عطشانه ..
روضـه : حرام عليك حموود ..
محمد : اووووف ما بقى الا نخسر على اندومي ( يوم يغايضونها باسمها يقولون جي يعني وديمه اندومي وهيه ما تحب هالشي ) شو تبين خلصينا ..
وديمه انقهرت منه وتمت ساكته ..
روضـه عرفت: شراتي ..
محمد طلب لها ..
روضـه : اممم .. انتي كيف عرفتي ان نحن هنييه
وديمه : تمييت امشي خليتوني عندهم بروحي ..
وديمه / ليت إلأا محد ويااه جان تمييت ..
روضـه : هييه صح انا تحريت حمود اللي يتصل عليا عطيته طاااف ..
\
/
في مكان ثاني في نفس المنطقه ..
طيبه تأشر على اسكريم في المينيو مال الكوفي : انا ابا هدااااااا .. ابااااه .. حلووو أبااااه ( تأشر عليه بصعبها وشوي وبنكسر صبعها )
ريم : حبيبي انتي ما.....
طيبه : لا انا ابا هذااا اباا ..
هزاع اللي ياي صوبها : شو تبين انتي ..
طيبه تأشر عليه : انا ابا هذا ماماه وباباه ما يخلوني ..
حمد : طيوووبييي حبيبي ..
هزاع : خذولها ايااه حرام عليكم ولا اقولكم .. ( شلها ) باخذها شوي وبردها ..
حمد : تراها بنتي هااااه ..
حمدان : سلمتوا بنتكم له .. يا ويلكم عاااد ..
حمد : ان ما يابها يا ويله ..
هزاع ضحك وسار داخل طلب وردوا يسلوا برع بس على طاوله ثانيه بعيده عن طاوله حمد وريم ..
\
/

طيبه تطالع الريال اللي يايب الايسكريم : الله .. حلووووو ..
كلهم مبتسمين ..
العنود : يا سلااام هذا كله مال طيووووب عيل انا شوووو
طيبه بطريقه دلع : لآذم الحلو يثووونه حقي ..
حمدان : يا ويلي على الدلع انا ..
هزاع يبوسها على خدهـا : اصلن كل شي حلو لازم يكون لج ..
عقب يابوا مال الباقين وتموا ياكلون وهم يضحكون ..
عقب ما خلصت طيبه بس كلت نص مالها وبعد يمكن ربعه .. تمش ثمها بالكلينكس
طيبه : ثكرًا هذاااع .. انا بثيير عند ماما انذيين
هزاع باسها على خذها : خلاص سيري .. بـس مب تتعبينهم ..
طيبه وهيه تنزل من الكرسي : اثلن انا ثاطره ..
حمدان : يا ويلي على الشاطره انا ..
طيبه سارت تربع صوب امها ..
\
هزاع : بصرااحه هالبنت خطيره رمااسه بعد ..
حمدان : ههههههههه .. عاااد هذيييج البنت .. خطييييره وهييه تصارخ وتضرب اخوها ..
هزاع يتذكر شكلها ويرد يضحك ..
العنود : تعيبني هالبنت .. حلوه وزينه وبعد محترمه ومرحه ..
حمدان : تخطبينها حقي ..
العنود : اخوي اولا ..
هزاع يتذكر وديمه يوم كانت واقفه يوم ساروا عنهم
هزاع / هالبنت غير .. حلوه ودخلت مزاجي .. ليتني شليتها غصب .. والله لو ادري ان اخوها وحرمته هنييه جان يبتها غصب .. بـس شو هالحظ
حمدان : هاااه عايبتنك رمستك اختك شكلها ..
العنود : والله لو انته تعرس وتفكنا مب احسن .. يمكن تي وحده تسليني ..
( ما تلاحظون ان عنود اذا يلست ويا الناس تهدا وتتغير نفسيتها )
حمدان : افا واخواتيي ..
العنود : في بيتكم ..
هزاع : ههههههههه .. يوم بتعرسين انتي هذيج الساعه بعرس ..
العنود : لييش تتحراني بتم عانس مليون واحد يتمناني ..
هزاع : ههههههههههههه هييه صدقتي ..
\
/
\
مـر اسبوع وكم يوم على هالأحداث ..
[ في مطـار باريس شارل ديغول الدولي ]
عند الجوازات ..
وديمه لفت لورا .. شافت هزاع وحمدان والعنود ابتسمت بفرح مبين .. وشافها هزاع وهوه بعد ابتسم ..
وديمه تهمس لـ روضه : رويض طالعي الحلو ويا الريال والبنت ورانا ..
روضه لفت لورا وطالعته وكان متكشخ ببنطلون جنز وقميص بولو أخضر فاتح .. وحاط في شعره جل .. وحاط نظارته على شعره ..
ردت لفت بسرعه عشان ما تحسس حد بعكس وديمه اللي تمت تطالعه ..
العنود : بسك كلت البنت ( عبالها روضه )
هزاع حس بعمره : عطيني جوازج ..
العنود عطته .. وعقب ما خلصوا ساروا صوب سوق الحره .. عاااد علقت عنووود بـ الأرواااج والمكياج مال سان لوران ..
حمدان : عنووودييي خذييي بعد حق اخواتي .. ترااج تعرفيلهن ..
العنود : مره لا تحاتي .. لخواتك ولربيعاتي ولمشاعل و.... ( لأنها تذكرت سعيد )
هزاع عرف : انزيييين بعديي خذيي للحلوااات ربيعاتييييي اناا .. ما وصيييج عالعطوووور ..
العنود : بنات الشوارع هذيلا والله ما اخذ لهم .. وانته اذا تميت ترمسهم .. انا لا تي ترمسني ..
هزاع : انزييين ع شرط الحين تاخذيلهم ..
حمدان : اخخخخخ .. هذيلا شو مسويااات فيييك ..
هزاع : عذاااااااب ..
العنود تطالع عطوور قوتشي اليديده وخذت كم واحد .. وهيه تطالع عطور شانيل .. اختارت عطر رجالي ويوم يت تمسكه حست بيد ثانيه ..
محمد سحب يده بسرعه : السموحه منج اختي .. ( لف يطالعها )
محمد / ماشاءالله منو هاااي .. هييه عرفتها هذيييج اخت هزاع .. يا ربي محلاها .. كوبي بيست من هزاع .. وبعد احلى ..
العنود / هذا منووو احس عمري شايفتنه .. ( تذكرت الموقف يوم يضحك وابتسمت ) بـس والله انه خطير .. ما توقعته جي حلو .. اكيد عيل اخته بتطلع جي حلوه وهوه خسفه .. بلاني اناخرفت ..
العنود : لالا عاادييي .. تفضل ..
محمد : عااد شكله رجاليي ( يتخقق ) ليكوون شفتيني وقلتي يتطالعيين لي واحد ..
العنود : هههه لا .. بـس عيبني قلت بختاره لـ ولد عمي ..
محمد : أوووووف ما تعرفيين تجاملييين .. بس ماعليييه يستاهل .. تراني مجربنه حلوو .. ( خذ واحد يديد لأأنه تذكر ربيعه وقال بييب له وعقب سار ..
العنود خذت 5 منه .. وعقب سارت .. وشافت هزاع وهوه ماخذ بعد ..
العنود : ما سدك اللي ما خذنه قبل .. الحين بيستوي ازيد عن 20 وااحد ..
هزاع : لي ولربعي وجيي يعني .. تراا مب ع حسابج ..
حمدان : هههههههههههه .. خلصونها تراني ابا آخذ لي كوفي لاتييه .. اعدل مزاجي قبل ما نركب الطياره ..
العنود : يلاا انزين ..
\
/
أبو حمد : استانسيتييي بنتي ..
روضـه : واايد ( باسته على راسه ) مشكوور فديتك ..
وديمه : انا لو شراتج يايبه في التسعين ابويا ما بيسويليي شراتج .. 89.9 ماشي غير 1 عن الـ 90 .. بالغصب ييت وياكم ..
ريم : لأأنج فالحه ماشاءالله ..
محمد : والله ما كنت متوقع تيب هالنسبه .. توقعت 83 هااه 84 وجان تشطرت 85 ..
وديمه : عاااد تراك حاط عليه حطه .. مالت عليك واللي يشوف نسبتك هذاااا والله ..
محمد : والله والله العظيم اني يايب 90 .. بالضبط ..
أبو حمد : مصدقينك مصدقينك .. لا تحلف ..
محمد : ما حلفت جذب انزين ..
روضـه : بس انا ما تروموون تتحدوني 93 ..
محمد : واللي يقول 100 .. مالت ..
ريم : حمد .. ابا ماي ..
روضـه : حمدوووه اربع هات لها ماااي ..
حمد : هييه تستاهل هب شراتج ..
ريم تلعب بشعر طيبه اللي راقده في حضنها : ابااه بارد هب تيبلي حار تتحارني بنتك ..
حمد : تآمريين آمـر..
روضـه : انا ابا كولا .. عاد كولا باريييس ما يتعوووض ..
حمد : بشكارج انا .
أبو حمد : حمد .. هاتلها اختك حليلها ..
حمد : انشاءالله .. شي تبون
محد قال يبا شي غير روضه اللي تبا كوكا كولا .. وريم تبا ماي ..
\
/
في الطياره كانوا هزاع وحمدان والعنود فيرست .. والباقين بزنس .. عشان جي ماكانت بينهم احداث ..
\
/
.....................................
انتظرو البـآرت القـآدم ..

بــــآ آ آ ريــس [ 3 ]
\
/
\
[ في دبي ]
\
رجعت لج يـآ بـــلادي ..
رجعت وانـآ في دآخلي شوق ..
وين عني يا محـبوبي ..
ترا أنـا عدت لك وناوي اداوي العوق ..
\
/
\
[ في زعبيل وين يسكن بطلنا ]
توهم واصلين وداخلين البيت .. على فكره ترا حمدان عنده حجره في بيت قوم هزاع لأنه وايد ويا هزاع
\
هزاع وحمدان بطريقه فكاهيه : نحنــاااا وصلنا ..
محد رد عليهم ..
العنود : هههههههه مالت عليكم اكيد باباه وماماه راقديين الحين .. هههه قفطه ..
أم هزاع يايه صوبهم : يا هلا يا هلا .. نورتوا دبي .. الحمدالله على السلامه ..
هزاع ساير صوب امه وباسها : الله يسلمج ميروه شيخه الحرمات ..
أم هزاع : وانته حمدانوووو .. ماتبا تسلم عليا ..
حمدان وهوه ساير صوبها : هاااي بنتج الحماره .. انا كنت متأكد انج ما رقدتي تتريني .. فأنـا اطالعج اذا انتي حقيقه ولا خيال ..
الكـل : ههههههههههههه
هزااع : صدق انك خديه ..
العنود ربعت عند امها وحضنتها : ما تتخربين عن بنتج .. ميته على عيالج .. هزاعووه وحمدانوووه ..
أم هزاع : لالا كلكم وااااحد .. يلا تعالوا موصيه الطباخ ما يخلي شي ما يسويلكم ايااه ..
حمدان : قلت لكم الحين ميرووه تتريانا .. ومازره الطاوله من الأكل ..
أم هزاع تمسكه من اذنه : لا تقول ميرووه قووول عموووه صدق انك طفس ..
حمدان يخوز يدها : آآييي .. توه ولدج قايل ميرووه ما قلتيله شيي ..
هزاع يبوس امه على راسها : فديتها امايا ميروووه ..
العنود : ططاااعووووو هذيلاااا .. شكلهم نسوني ..
أم هزاع : لا ما نسيتج .. اسميه البيت بدونكم فاضي .. يلا اراتحو شوي لين اقولهم يحطون العشا ..
حمدان : أحلى عشان الساعه 12 .. ( يفرك يده ) اشم ريحه حلوه انا ..
هزاع : ملغوووووث .. تريا شوي ..
العنود : انا بسير فوق بتسبح وببدل وبييكم مب تاكلون عني ..
حمدان : والله جانج عسكرتي في الحمام ( كرمتوا ) كلي عدس ويا براتا .. ( آكل طباخهم المفضل ههه )
العنود وهيه تسير صوب الدري : يا ويلكم .. حد قالكم انا راجووو ..
أم هزاع : لالا الأكل وااايد ..
هزاع ييلس على الكرسي : امييي ..
أم هزاع : عيوني ..
هزاع : فديت عيونج انا ..
حمدان : له له الام ولدها يتغزلوون ببعض ..
هزاع يعق جوتيه : اكرمنا بسكوتك .. بس اميي هنييه في رييلييي يرح يطلع شوي دم .. عاد انا بغيت عايدينج الاحمـر هذااا مفعووله سرييييع ..
حمدان ييرله عداله ويرفس ريول هزاع : يتدلع ولدج ..
هزاع : ايييي قووم مناك انته .. سير بيتكم ..
حمدان : مابا .. برقد هنيه انا ..
أم هزاع : موصتنهم ينظفون حجركم .. أشوووف هزاع ريلك ..
هزاع يرفع البنطلون ..
أم هزاع : ماعلييه سير انته حجرتك وانا بييبه لك ..
حمدان : ياهل ولدج .. عيل اونه يباج تحطيله عايدييين ..
أم هزاع : اسكت انته ..
هزاع : من يوم ما نطيح بالسياكل .. كله منك انته عنودووه ..
أم هزاع : متى طحتوا
هزاع : نلعب وهذيلا دعموني على الشير وطحت ..
حمدان : ههههههههههه .. بروحك طحت عن الخرط ..
أم هزاع : يا مسوديين الويه .. شله تطيحونه .. يلا هزاع سير انته وتسبح وعقب بحط لك اياه ..
هزاع وقف : انشاءالله ..
\
/

[ في دبي بعد بـس في المزهر وين تسكن عايله أبو حمد ]
في اليوم اللي بعده
على الساعه 12 وشي ..
أبو حمد : روييض .. روييض ( يبلعب بشعرها )
روضـه تحب هالحركه اللي يسويها ابوها .. ورقدت على بطنها وابوها يهمزها ..
أبو حمد : يلا قومي بيأذن ..
روضـه بدلع : باباتي حرام عليك ابا ارقد ..
أبو حمد : يالدلوعه .. نشي ..
روضـه تلف وترقد على ظهرها : انزين يوم بيأذن بقوم وبتسبح وبتوضأ وبصلي ..
أبو حمد : ادريبج كسووله .. بتردين ترقدين وبعديين انا ابا حد يكون واعي .. طيوب اللي هيه طيوب بعدها راقده ..
روضـه : هههههههه .. خلااص يالشيخ .. نشييت بس لعيوووون باباتي زيوودي ..
أبو حمد : هييه جي اباج .. يلا بسيير انا البس كندورتي واوعي اخوانج .. بنسير المسيد .. اكيد محمدووه ما بنش بسرعه ..
روضـه قامت : اوعيلك اياااه ..
أبو حمد ساير صوب الباب : لالا انتي قومي ..
روضـه : قمت قمت ..
\
طلع أبو حمد وشاف طيبه طالعه من الحجره ..
أبو حمد : الشيخه طيوبه نشت من الرقااد ..
طيبه : هييه نثييييت .. بث باباه وماماه راقدين بعدهم ..
أبو حمد : سيري وعي ابووووج .. قوليله باباتك يقولك يلا قوم صلاه ..
طيبه : انذييييييين ..
/
دخلت داخل .. وسارت عند الشبريه بين امها وابوها وتمت تضرب ابوها على راسه بالخفيف ..
طيبه : باباه باباه باباااااه .. ( تضرب شوي اقوى وتعلي صوتها ) بااااااااابااااااااااااااه ..
حمد يحرك راسه : هاااه ..
طيبه : باباه بس لا ترقد .. باباه .. باباتك يقول نث عثااااان ثلاااااااااااااه ..
حمد : انزين انزين لا تصارخييين ..
طيبه : يلااا نثثثثث ..
حمد يسمع صوت الاذان وتم ساكت شوي : انزين انزين ( قام ) والله انج حشره .. ( سار صوب الحمام(كرمتوا))
طيبه توعي امها : مامااااااا ماماااااا ..
ريم : طيوووب قوميي عني .. سيري برع عند جييين خليها تحط لج ريوق ..
طيبه : مامااااااااه .. لييث كلكم ترقدووون
ريم شلتها وطلعتها برع وقالت لها تسير عند البشكاره وردت بترقد إلا وحمد طالع من الحمام(كرمكم الله)
حمد : ريييييييم ...
ريم : هاااه ..
حمد : قومييي .. بسج رقااد ..
ريم : حموود حرام عليك راقده الساعه 3 اناا ..
حمد سار يطلع كندورته من الكبت : انزييين ماعليه عقب الغدا رقدي ..
ريم : انزين انزين ( غمضت عيونها )
حمد يلبس كندورته : وبعد تيلفوني حطيه على الجرج وخوزي مالج .. ترا الجراجه الثانيه بنتج كسرتها
ريم تقوم عمرها : انزين انزين .. شو هاليوم اللي كله حشره
حمد يعقم كندورته :......
ريم وهيه سايره صوب الحمام(كرمكم الله) : قبل ما تطلع طالع طيوب اخاف طلعت ولا شيي ..
حمد : طالعيها بروحج ( طلع )
ريم : هذا بلاااااااااااه .. ( دخلت الحمام(عزكم الله ))
\
/
\
[ في بيت أبو مطـر ]
أبو مطـر : وينيه روضين ..
أم مطـر : صلت وردت رقدت ..
مطـر : الفير شايفنها يالسه على اللاب ..
أم مطـر : خلها انته بلااك
مطـر: هييه ترا انا بس انفذ اوامـر .. ابشرج عقب اسبوعيين العرس ..
أم مطـر : مطووووووووووووووووور ..
مطـر : آسف آسف .. يلا حطيتوا الغدا ولا ما بتحطووووووووون ..
أم مطـر : بسير اطالع البشكارات موصتنهن يحطنه .. ( سارت )
أبو مطـر : مطووور .. بسك عاااااد ترد تعيد في السالفه ..
مطـر : آسف .. خلاص آسف مره ما بقولكم شييي .. (وقف ومشى كم خطوه ) انا ساير مابا غدا ..
أبو مطـر : مطوووور ..
مطـر طلع ..
وديمه نازله وهيه بعدها بالبجامه وشعرها كشه ( شعرها مب وايد طويل لين تحت جتوفها بشوي )
وديمه : بلاكم حشره
أبو مطـر : يا هلا .. يا مرحبا ببنتي .. الحمدالله على السلامه ..
وديمه : الله يسلمك ابويااا ..
أبو مطـر : يلا سير تغسلي وبدلي ثيابج .. عشان نتغدا ..
وديمه : قوم عمي ما بيتغدون عندنا ..
أبو مطـر : شو تبيبهم من اسبوعين انتي عندهم ..
أم مطـر : لا عشان بعدهم تعبانين خليت الطباخ يوديلهم غداهم .. وين سار مطور ..
أبو مطـر :شدراني به احتشر وطلع ..
أم مطـر : الله يهديه بس ..
وديمه سرت فوق .. تسبحت وبدلت ويت يوم ام مطـر توها تغرف .. ويلست تتغدا
\
/

\
[ في بيت أبو هزاع ]
العنود نازله وهيه حاطه شيلتها على جتفها ولابسه جلابيه دانتيل .. ورافعه شعرها المصبوغ بلون الكاكاو .. ورافعه قصتها ببف حلو ..
ابو هزاع : يا .. شيخه البنات يت ..
العنود سلمت على ابوها وباسته على راسه : وينك انا يايه من امس ما شفتك ..
أبو هزاع : غلبني الرقاااد وما رمت اترياكم ناش من وقت ..
العنود : هييييه .. تريقت ..
أبو هزاع : هييه مساعه .. بس الحين حزه غدا ..
العنود : ههههههههههه .. لخبطت قصدي تغديت
أبو هزاع : لاا اترياكم ..
العنود : وين امييي
أبو هزاع : سارت تشوف الغداا ..
العنود : اكييد مسوين اكل حلوو .. هذاا راجووو فنان .. خلووه عندنا دوووووم ..
أبو هزاع : هييه ترا ابووج اييب شيخ الهنوود عشان يطبخ لناا ..
العنود : هههههههههههههه .. امس فاتك العشا .. تمنيتك ويانا .. هزاعووه وحمدانووه ما خلوا شي ..
........ : قولي ماشاءالله عن تاكلينا بعينج ..
العنود رفعت شيلتها : ماشاءالله ..
حمدان : سلام عليك بو هزاع ..
أبو هزاع قام وخاشمه : الحمدالله على السلامه ..
حمدان : الله يسلمك .. وينك يا ريااال امس اتخبرهم عنك محد .. (يرمسه جنه ربيعه )
أبو هزاع : هههههه والله مارووم اترياكم .. جان ارقد عاااد ..
حمدان : ههههههههههههههه .. انا تراني ما سرت بيتنا عشان اشووفك بس الحين شفتك وبسيير ..
أبو هزاع : لالا وين وين والغدااا
حمدان : احييييد بيتنا البيت اللي عدالكم ولا غيروووه ..
أبو هزاع : هههههههههههه .. اللي على اليسار بيتكم هم تجلب صوب بيت ولدي ..
بيت أبو هزاع اللي في النص وبين يدارين يفصلون عن بيت أبو حمدان اللي على اليسار وبيت هزاع اللي على اليمين .. بس بيت هزاع بعده ما خلص بنيان ..
حمدان : أبويا هذاا الله يسامحه بعده ما بنالي بيتي ..
أبو هزاع : عاد انته وهزااااع لين الحين ما طعتوا تعرسووون ..
أم هزاع : نشيييتووو .. وينووه هزااع ..
حمدان : ولدج يحلم بالحبيبه ..
أم هزاع فرحت : منييه هااي بنت منوو
العنود : وحده خربووووطه اسمها شجن .. وشكلها زفته .. قاص عليها ولدج ..
أم هزاع تلاشت ابتسامتها : والله اني فرحت تحرييته ناوي يعرس ..
حمدان : هههههههههههااااااايييي منو تبيينه يعرس ..
أم هزاع : والله ان البنات وايد هكن اخواتك وعيال خواله .. وجان ما يبا من الاهل .. البنات واايد .. والله اني ما انسى هذييج البنت اللي ويانا في الطياره .. مادريي شو اسمهاااا .. حلوه وطيوبه وحبوبه ..
حمدان : أفـــاااا .. هذاا ولدج تدوريله الزين واناا ..
أم هزاع : ولدييي اولا .. سير رمس امك ..
العنود : جانج ناويه تخطبيله .. ترا هذيييج البنت اللي ترمسين عنها مب مالجه ولا مخطوبه ولا محيره .. وبعد حلوه وكبري ..
أبو هزاع : بنت زاااايد
العنود : هيييه ..
أم هزاع : وانتي شدرااج
العنود : يوم نحن في المطار رمستنا وخذيت منها المعلومات بدون ما تحس ..
حمدان : ينخاف منج ..
أم هزاع : وشو سمها
العنود : روضه زايد حمد الـ.....
حمدان : والخيبه يا يبه اسمها واسم ابوها ويدها والقبيله بعد ..
العنود : جب انته ..
أبو هزاع : يا جماعه انا يوعاااااااااان .. خلااف كملوا رمستكم ..
وهم سايرين صوب الطاوله مال الأكل نزل هزاع وساروا ويا بعض يتغدون ..
\
/
\
[ في بيت أبو حمدان ]
نوره : شووو ها اخونا كارهنا ما يبانا يالس عند قوم عمي ..
أم حمدان : قالي بيي عقب الغدا ..
منيره : بلااج انتي معصبه اصلن حمدانوووه دومه جي ولا عشان ربيعتج تحوط في زيورخ وانتي سرتي زلامسي اسبوع ورديتي ..
أبو حمدان : نوييير فديتج .. والله لو ما الشغل جان تمينا اكثر ..
نوره مبوزه ومتكتفه ..
أبو حمدان : يلا عاااد نواااريييي لا تزعلييين خلآص أوعدج اسفرج ..
نوره بلهفه : وييين
أم حمدان : حمد اصبلك جاهي ..
أبو حمدان : ابا جاهي خضر ..
منيره : فديتج امايا انا ابا جاهي أحمـر ..
\

دخل عليهم حمدان ووياه هزاع والعنود ..
حمدان وهزاع والعنود : احم احم نحن يينا ..
منيره : الثلاثي المرح شرف ..
أبو حمدان وقف : يا هلا يا هلا .. الحمدالله على السلامه ..
سلموا كلهم على بعض .. ويلسو ..
العنود : بصراحه عاااد السيره ويا هالاثنينه ماا تنمل ..
هزااع : على فكره يعني عقب اسبوع انا وحمدانووو بنسيييير طوكيو ..
منيره : له له خطيريين بعد بيسيروون عند التطور اخاف تردولنا متطورين ندق عليكم تنفذون الاوامـر ..
حمدان : والله نحن قررنا ناخذ الشيخه عنوود ويانا ..
العنود : يسسسس .. والله يا عمي ولدك هالايام عسسسسل ..
هزاع : أفــاا . وانا اللي مرمسنه ..
العنود : انا الراس العود ..
نوره : يعني تغايضوون يعنيي ..
حمدان : بسج سرتي زلمسي ..
منيره : اسكت .. لا تنفجر علييك .. محتشره اونه ربعها يحوطوون وهييه يالسه في الحر ..
أبو حمدان : وانتوا شو تبون تسيرون طوكيو ..
هزاع يحط يده على المسند مال الكرسي : والله يمدحوون اليابانيات ..
الكـل : هههههههههههههههههههه
نوره : هييه انتوا بس تبوون تستانسون ..
حمدان : أقوول امايا .. البشكاره ما يبات الشنط هنييه ..
أم حمدان : هييه يابت شنطتين خليتهم يحطونهم في حجرتي ..
العنود وقفت : يلاااا قووووم .. ابا ماليييييي اللي عندك ..
حمدان : قريي محلج خلااااف ما تبيني ايلس ويا اهلييي شوووووووووييييي
هزاع : ههههههههه عيبتني واايد هااي اهلي انا احيانًا اشك .. ههه
أبو حمدان : سارقين ولدنا منا ..
حمدان : هههههههههههه ..
نوره : اخونا نباه وانتوا يالله مع السلامه ..
هزاع : اشكره .. عمي بلاها بنتك تروغنا ..
العنود : نويييرووه شياينج علينا .. وهذا نحن نقول متولهيين عليهم ..
أبو حمدان : ماعليكم منها معصبه .. خلوها ما تعرف شو تقول ..
منيره : حد يبا جاهي ..
حمدان : طبعًا ..
منيره : أحمر ولا اخضر ..
حمدان : اصفر ..
هزاع : استعد قف .. لا تتحرك ربما تكون الاشاره حمرا .. ههههههه
الكـل : ههههههههههههههههههههه
العنود يلست عدال عنها : إلا عمي .. ما قلت لييي شو يبت لك
أبو حمدان : عااد شو يبتيلي
حمدان : الله يعينا انا وهزااعووه اظن البطايق فلسن ..
نوره : لأن عنوودي وياكم طبعًا ..
العنود بحاجب مرفوع : تغارين مثلًا ..
هزاع : هههههههههههه .. عاد لو تدريين يا نورووه شو هالهدايا اللي عند حمدااانووووه بتطيرييين ..
العنود : عاااد كلهن من ذوووق الشيخه العنووود ..
منيره : والنعم ..
نوره : خربتي جااان ذوقج ..
أم حمدان : نوييييييييييييير ..
هزاع : هاااه عااد مب على الشيخه ..
حمدان : انا ابا اعرف انته وعنووود شو عندكم
هزاع : اسرااار بعد ..
العنود ترمس عمها عشان تنسى السالفه : عميي عااد ما وصيييكم نبرووا شنطه حمداااااانووووه عدل .. ترا في اشياء حلوه ..
حمدان : عنوووودييييييي .. منو قالج كلهم لهم ..
العنود : عموووووه تعرفيين ولدج شو مسوي ..
أم حمدان : مسود الويه شو مسوي
العنود : شاري هدايا غاليه واايد لللوث اللي يرمسهم ..
أم حمدان : ماعلييييييه . قمت تفر كل شيي على الخمه اللي ترمسهم ..
هزاع : لالا عنودييي جيي ما يستوي .. عااد هذاا ما يخصج فييي نحن ندلع الحبايب واايد .. مب تتدخلين
العنود : انته اخر من يتكلم .. ومرمستنك تراني ..
نوره تيلس عدال اخوها ..
نوره : حمداااانووو .. راوينيي شو يبت ليي ..
حمدان وقف : خلاص خلااص .. يلا تعالوا كلكم فووق ..
العنود : تعطيني اول شيي كيستي ..
هزاع : ههههههههه .. بتذلك على هالكيسه ..
العنود : ادري انه حمدانووه جلب عادي يعطيها اللوث ماله ..
حمدان : تراهم مب لوووث على فكره ..
منيره : شيوووخ بالنسبه لهم خليهم ..
أم حمدان : الله يهديكم ..
\
/
\
[ في بيت أبو حمد ]
روضـه : بصراااااحه بارييييس روووووووعه وماشي شراتها ..
ريم : ههههههههه .. حبيتها وااااايد .. كشخه .. طبيعه وتسوق وكل شيي ..
روضـه : عاااد خلونا نقردن باباتي يحوطنا كل سنه ..
ريم : ههههههههههه .. لوتيه .. ههه
روضـه : لا فديته .. يدلعني وانا دلووعه واايد شو اسوي ..
طيبه تاكل همبا وخيست عمرها .. وهيه مندمجه وتاكل .. وتطالع طيور الجنه ..
ريم : طيووووووووووب خيستي عمرج .. اوووف بعد بعق ثيابج مره ثانيه ..
روضـه : يوم سرنا هذااك اليوم نشتري لها ثياب راويتج هذاك اللبس مال الاكل قلتي شو تبابه ..
ريم : شكلي بخلي حمد يوديني آشتريلها ايااااه .. طيوووب خلصتي اكل
روضـه تهز راسها بلا ويتحرك شعرها وياها .. وهيهه تاكل حتى شعرها خاس همبا ..
روضـه : ههههه بنتج تاكل وتأكل ثيابها وويهها وشعرها وياها ..
ريم : شو اسويبها .. خليها تاكل بسبحها من تخلص ..
روضـه : فوووديييتهااا اناااا ..
طيبه : عموووتيييي .. تولي ثويا احب هالكنيه ..
روضه : تآمـريين امر ..
طيبه تغني وياها : كنت آعده مره جواا حوووث الداااار .. تتحت الذيتوونه الخضرا جمب كليل القااار ..
روضـه : الله عليها بنتج .. عقب كم يوم وديها صوب طيور الجنه تغني عندهم ..
ريم : هههههههههه .. بيروغوني انا وبنتي .. ههههههه

ريم : شو اسويبها .. خليها تاكل بسبحها من تخلص ..
روضـه : فوووديييتهااا اناااا ..
طيبه : عموووتيييي .. تولي ثويا احب هالكنيه ..
روضه : تآمـريين امر ..
طيبه تغني وياها : كنت آعده مره جواا حوووث الداااار .. تتحت الذيتوونه الخضرا جمب كليل القااار ..
روضـه : الله عليها بنتج .. عقب كم يوم وديها صوب طيور الجنه تغني عندهم ..
ريم : هههههههههه .. بيروغوني انا وبنتي .. ههههههه
روضـه : اممم شو رايج عقب على المغرب نسير السينماا
ريم : وين امس يايين من السفر ..
روضـه : شوفي كلهم رقوود وعقب بينشوون كلهم بيطلعوون نحن ما يستوي نطلع ..
ريم : طيوووب خلصتي
طيبه هزت راسها بـ هيه ..
ريم : بعديين بشوووف وبقوولج ..
سارت صوب بينتها شلتها وودتها فوق سيده دخلتها الحمام(كرمتوا) وعقب ثيابها وسبحتها وغسلت شعرها عن الهمباا .. وعقب طلعتها وبدلت لها .. بس اللي سوته انها سكرت المكيف عشان ما تبرد ..
بسرعه حرت الحجره لأن الباب مفتووح ..
حمد نش معصب لأنه حس بالحر .. وكانت ريم تسحي شعر طيبه ..
حمد معصب : منووووو مبند المكيييف ..
ريم : اناااااااااا ..
حمد : وليييش انشاءالله يلا قووومييي شغلييييييه ..
ريم : صبر .. توني مسبحه طيوووب .. بنشف شعرها وبشغله ..
حمد : ريموووووووووووووووووه ..
ريم شغلت الاستشوار .. وبدت تنشفه على السريع .. وصوت الاستشوار تعرفوونه مزعج ..
حمد عصب زياده وهوه تعبان يبا يرقد : ريييييييييييييييييييييييييييييييييييييييييييم ..
ريم : بلااااك محتشر يلا خلصت ..
طيبه : باباه ليييث تثاااارخ .. ترانا نثمع ( هااي يقولها محمد ولقطتها )
حمد : شلي بنتج وطلعي برع .. وبعد شغلي المكيف وبندي الليت قبل ما تطلعين ..
ريم شغلت المكيف : لا تاكلنااااااا .. شغلناااه .. حموووود ترانيي بسييير السينما على المغرب ويا رويييض ..
حمد : ما شييي سيره .. يلا سكري الليت ابا ارقد اناااااااااا .. لا رقاااد فليل ولا الصبح ..
ريم : لييييييييييييييش
حمد : ريييييييييييييييييييييم لا تعصبيبي ..
ريم : هيييه لييش انته مب معصب ..
طيبه سارت برع ..
حمد : رييييييييييييييييييييييييييم .. ( قامت فراااشه ) انتي ما تفهمييين .. ( بند الليت وبند الباب وسحبها وطيحها على الشبريه )
ريم : ححححدددد ..
حمد : طلعه ماااااشيييي وبعديين مب كل ما رمستج راددتيني ..
ريم : حمد انته بلاااااك
حمد : مااا بلاااانييييييييييييي شيييييي
تلحف ولحفها وهوه يخلي راسه على جتفها ..
ريم : ححــ
حمد قاطعها : ابا ارقد اشششششششش ..
ريم وحليلها متحمله ثجله
\
طيبه : باباه يثاااارخ ..
روضـه : يا ويلي ليكوون عصب طيووبيي ماماتج قالتله بتسير مكان ..
طيبه : بتثييير الثمـا ..
روضـه : ههههههههههه .. الثما اونه الثينما قووليي ..
طيبه : الثينمااااا
روضـه : هيييييه ..
طيبه : بث باباه يمكن ما يخليها ..
أبو حمد : وليييش ما يخليهاااا
روضـه : انته متا نشييييت
أبو حمد : توني .. شي جاهي
روضـه : هيه اصبلك ..
طيبه : لا انا يثبله ..
أبو حمد : فدييت اللي تنفع يدهـا ..
روضـه : هييي انا صفر على الشمااال ..
أبو حمد : انت واحد واصفاار على اليمين ..
طيبه تحط الكوب مال الجاهي واونها بتصب ماترووم بس رويض تساعدها .. وعقب شلته وعطت يدها ..
أبو حمد : نفعتي نفعتي ..
روضـه : نفاعه بنت حمد هب شرااات ابوهاااااا ..
أبو حمد : سمعتها تقول بتسيرين السينمااا ..
روضـه : شكلنا ما ظن .. يمكن حمد ما يخلي ريمووه تسيير ..
أبو حمد : انزين سيري ويا رويضين ..
إلأا ووديمه داخل ..
وديمه : وين
روضـه : ينيه .. من وين طلعتي ..
وديمه : ههههههههههه .. سمعت شيي انااا ..
أبو حمد : يمكن تسيرووون السنما اللي في اريبيان ( عدالهم )
طيبه : وانا بثييير وياكم الثمـا ..
روضـه : الثينمااا ..
طيبه : الثينما .. كله واااحد ..
روضـه : هههه كله واااحد ..
وديمه : اممم .. بس امايا قالت اليوم ما نطلع قوم خالتي بيوناا ..
روضـه : اونه .. خلاص عيل عقب ..
وديمه : وباجر العصر بنسير نشووف الفستاين مال العرس ..
أبو حمد : هييه صح مطووور عرس على آخر 7 .. اليوم 16 ..
وديمه : وعرسه 29 ..
روضـه : يااااي وناسه من عقب عرس فطووووم ( بنت خالتها ) ماسرنا عرس ..
طيبه : انا العروثه ثح
أبو حمد يشلها ويرفعها : هييه عاااااااد عبااادييي مايا يخطبج
عبادي يستوي ولد عايشه ينت خال روييض ..
طيبه : حتى هم ما يونا من ذمان ..
أبو حمد ييلسها في حضنه : بيونج مره لا تخافيين ..
روضـه : روضوووه فجيتي شنطتج ..
وديمه : مادريبها ..
روضـه : انا وديت الثياب عند البشكاااره عشان تغسلهن .. والباقي بعده .. مالي بارض ارتب ..
طيبه : يدييي ..
أبو حمد : هاااه ..
طيبه : ثو رايك نثير الثيثه
محمد : بعد طيووووووووووب مب هينه تبا الثيثه عيب البنيات ما يسيرن الشيشه هناك ريايل ..
طيبه : اثلن انا احب الرياييل يلعبون ويايا ..
الكـل : ههههههههههههههه
محمد : اممممه .. عيييب ..
روضـه : صح النوووم ما بغيت تنش ..
محمد : شي غدا
أبو حمد : شييي سوووط ..
محمد : بتضربني ماعلييه يا بوو حمد .. الحين تبا تضربني ..
طيبه : احثن .. لييث تقول ليي اممممه ..
محمد : لا صدق شي غداا ..
أبو حمد : ماشيي يلا قم سييير توضأ عقب شوي بنسير المسيد ..
محمد : بعده يا بويا بعده ما أذن ..
أبو حمد : وانته شدراااك
محمد : ناش من مساعه .. ارمس تيلفوون ..
روضه يابتها بطريقه حلوه : يرمس جوجو .. حبيبي جوجو بعدين بكلمج ..
الكـل : ههههههههههه
أبو حمد : يالهرم ما تيووز عن سوالفك انته .. وبعدييين انا شو قايل لك مب تلعب عن البنات .. لا بلعبوون بخواتك

محمد : إلا روييض عااد ..
روضـه : باسم الله عليه .. مب كل من هب ودب يلعب بي ..
طيبه : لييث انتي لعبه ..
الكـل : ههههههههههه
محمد : رويييض تراني بسير اصلي وعقب الصلاه اباج تسويلي اي شي آكله ..
روضه : انزييين ..
\
/
[ في ستي سنتر مردف ]
مطـر : مالي بارض شييي ..
حارب : مطوووورر .. بس عاااد كله هااه عشااان شهووود ..
مطـر : ياخييي انته بلاك ما تفهم احبها ..
حارب : بس انته مالج ولا تنسى مابقي شيي على عرسك ..
مطـر : مابا اعرس ..
حارب : تبغي تعرس العيميه ..
مطـر : حرووووووووووووووب ما يخصك ..
حارب تنهد : امس يا حموود صح
مطـر : هييه ما سرت صوبهم ..
حارب : ليييش
مطـر : كانوا راقديين وبعديين طلعت من البيت من الغدا ..
حارب : ما بتتغدا
مطـر : تعال نسير تشيليز ..
حارب : عليييك ..
مطـر : من غلاه تشيليز يعني ..
حارب : بتصل بـ حمد بسه رقااااد ..
اتصل بحمد .. وكانت الساعه 5 وشوي .. وكانوا كلهم يالسين في الصاله ..
حمد : ألوو ..
حارب: هلااا ..
حمد : أهليين ..
حارب : شحالك الحمدالله على السلامه ..
حمد : بخير الله يسلمك ..
حارب: يلااااا تعال صوب ستي مردف سرعه .. عازمينك ..
حمد : انته ومنوو
حارب : مطووور .. يلاا بسرعه يوعانيين نحن ..
حمد : اذا على حسابكم ما عندي ما نع ..
حارب : هييه على حساب ولد عمك ..
حمد : خلااص عيل ببدل وبييك ..
حارب : يلاا استعيل عااااااد ..
حمد وقف : انزيييين عااد بتذلونا دامها عزيمتكم
حارب : ههههههههههههههه .. يلا انزين بااي
حمد : باي ( سكر )
ريم : وين بتسير
حمد : بسيير ستي سنتر مردف ..
روضـه : انزين نحن بنسير اريبيان السينما ..
حمد : عووذبالله توكم يايات من حواطه بارييييس هيدن شوي ..
روضـه تقلده : هيدن شوي .. هييه انته حووووووووط ونحن هنييه ..
حمد : كنت بقولكم روحو .. بس الحيييين قرووو هنيييه ..
طيبه : باباه .. بنثييييييير الثما .. ( تترجاه ) دكيييييلك .. دكيييييلك ..
حمد : لالا يلسي هنييه وياهم ( سار فوق يتلبس )
روضـه : أبوييييااااااااااااااااا شوووفه ..
أبو حمد : شو سويبه
محمد وقف : الحمدالله ..
روضـه : حمووووديي اكلتك .. يلااا خلنا نسيير ..
محمد : لالا بسيير النادييي ..
روضـه : مااااااالت شو هالاخوان ..
وديمه : يا خبله قوم خالي بيووون ..
روضـه : شو ابابهم انااااا .. ما يخصني فيهم ..
ريم : انزييين خلااص باجر بنسيييير بنشوووف حضره اخووج اذا قرر ..
طيبه : ماماه ابا اثوووف كرااميييث .. ( هالبنت ثرما ما تعرف ترمس ههاع )
ريم حطت لها وتمت تسولف ويا البنات وأبو حمد سار عند اخوه ..
حمد نازل من فوق ومتكشخ ..
روضـه : ساير تخطب ولا معزووم على عرس
حمد : شو يخصج انتي ..
وديمه : يا ويلك كله ولا اختي تيها عديله ..
حمد : ططططططططططططعععع هذيلا الحيين بيلعبون براس حرمتي ..
ريم طالعته بنص عين ..
حمد ضحك : هههههه يلا باي ( طلع )
ريم : هذاااا انسان من يا من باريس وشييي فيييه .. مب طبيعي .. اكييد ناوي على شييي ..
وديمه : الرياييل ما منهم امان ..
ريم : روضوووووووووووه ..
وديمه : هههههههههه ..
\
/
\
عقـب هالأحداث بأسبوع شوي ..
قبل عرس مطـر ومهره بـ 4 ايام ..
\
[ في بيت أبو هزاع ]
العنود : باركوووووووووووووووولييييييييييييي يبته يبته ..
أبو هزاع : راويني ..
العنود تمد الليسن لـ ابوها : شوووف بنتك الحلوه ..
أبو هزاع : مبروووك مبروووك بس هاااه مب دووم تسووقيين وعن السرعه .. ترا انا ما عندي غير عنودي وحده ..
العنود : الأعمار بيد الله .. وبعديين لا توصيي حرييض
( مــاصاحت غريبه بس السر ان هزاع ساعدها تنسااااه )
أم هزاع : مبرووك مبروووك .. عاد هالله هالله بعمرج .. مب تطيرين ..
العنود : لييش سوبر مان ..
أم هزاع تحضنها : والله كبرت بنتي والحين عندها ليسن ..
العنود : عاااد تراني اتريا سيارتي ..
أبو هزاع : قريبًا جدًا
العنود : عيل انا بسير فوق ابدل ثيابي ..
( ياحظها عندها ليسن )
.............................
انتظروا البـآرت القـآدم