|
سارة : قراااار نهاااائي ما بييب عياااال لين ما خلص دراسة أم خالد: و شو هالريل اللي بيترياااج.. ما بتلقينه الا حاطلج وحدة ثانية فالبيت سارة : شو هالافكااار؟!!!... ماايد مستحيل يسوييها أم خالد: وااايد قالن مستحيل و سوها ريالهن تذكرت خالد اللي بيعرس بعد ثلاث شهور... بعدني لين ثلاث شهور .. بعدني عرووس صغييرة .. الله يسااامحج أول شي يا عموه و الله يسامحك يا خآآلد و شوي دخلن علينا حريم بعد السلام أم خالد: حيآج أم مايد يا مرحبآآ أم مايد: الله يحيج و يبقيج .. مبروك عليكم العروس اليديدة أم خالد: الله يبارك فيج.. شحالج سلامة؟ سلامة: بخير و سهالة و من صوبج؟ أم خالد: بخير يسرج الحال.. متى اتربين انشالله؟؟ سلامة: هههه هذا شهريه الاخير أم خالد: ماشالله هانت هانت ... يا غير قولن لهالخدية ما تسمع الرمسة أم مايد: مب بس هي تقول هالرمسة حتى مايد أم خالد: حتى محفظه ريلج مسودة الويه الكل:ههههههههه سارة : خلونا ع راحتنا سلامة: لا بالله جان خليناكم ع راحتك عشر سنين بلا عيال وقفت اقرب الفوالة صوب أم مايد و سلامة أم مايد: ماشالله عليها عروسكم يا أم خالد أم خالد: هههه اختيار ام خالد هب شوي الكل: هههههه انحرجت من رمسة ام خالد ليتج ما اخترتيني و الله ... بعد ما كلن من الفوالة قهويتهن و عقب يلسنا نسولف أم خالد: اسميكن ما تفيدن .. العروس تقهوي و انتن شو شغلتكن؟ مريم: يا كثر ما اشتغلنا امايه .. هذي عندج حرمة ولدج و بتعاونج هند: هيه و الله الحينه نحن مسؤولات عن بيتنا مب بيت اهلنا ام خالد: تسمعينهن يا ام مايد ام مايد: ههههه عندج هذي الا نفس الرمسة سلامة: اماااايه مب دوووم أم مايد: عآد تقولينها .......: السسلام علييكم كلنا وقفنا أم خالد: ياااا مرحباااا بأم سالم يا مرحبأ أم سالم: المرحب باجي البنت: السلام عليكم و الرحمة الكل: و عليكم السلام و الرحمة سارة: ميووه اشتقنالج ميا" اطالعتهن بنص عين.. و مشت تسلم" ميا: يا مرحبا بالعروس عليا: الله يرحبج ع فضله ميا: عآد متى بتغبرين.. هذيل اللي هني كلهن عليهم غبااار عليا: لا م عليج كل ما اغبر بيدد روحي الكل: ههههههه هند: احمم انا بقهوي عموه يلست عدال مريم عليا: مريم منو هذيل ما عرفت و لا وحدة فيهن مريم: هذي أم مايد ام ريل سارة و اللي عدالها سلامة بنتها و حرمة ولد خالتي و اللي عدال امايه أم سالم تكون حرمة عمي و أم راشد ريل هند و اللي عدالها ميوه بنتها مب متزوجه بنت عمي عليا: أهآ توني استوعبت مريم: يااا شطآآرة عليا:هههه و انتي منو؟ مريم: أنا متزوجة ولد خالي و ولد عمتي بنفس الوقت عليا: فهمتها عبالج غبية .. خالج معرس بـ عمتج و يابو ريلج مريم: هههههه شاااطرة و اسم ريلي خليفة عليا: اساميكم حلوووة من وين تيبونها؟؟ مريم: هههههه من الدكان .. بالعقل ويين ... اسم خالد حلو عليا: وععععع مب حلو .. خلج شوي شاطرة اسم ريلي كيف بيكون!! مريم: خلاص فهمت سؤال غبي عليا: اقول مريم ازقري بنتج فطامي ابا اقرصها ع خدها حلات خدها مريم: قل اعوذ برب الفلق .. لا تصكين بنتي بعين عليا: لا اطمني عيني ما اتصيب ... ماشالله يلا ازقريها مريم: فطااااااااااامي تعاااالي عليا: صميتي اذني فطامي: ماااااابااااا ابا اجوف بباي مريم: كيفج بس عندي حلاوة ميا: أفا يذا العلم عندج حلاوة و لا تعزمين الكل: ههههههههه سلامة: عاد انا اتوحم ع حلاوة سارة: و انا ما عندي مشكله لو بحمل بس عطيني حلاوة هند: و انا عنودي مطفرتني تبا حلاوة زين وفرتي علي فطامي: لأ هذا حلاوة مالي مريم: خييبة كلتني مااا عندي حلاوة و لا شي الا اباها تيي فطامي: يعني ماما انتي طلعتي جذاابة ميا: بالظبط مريم: آآيالسبالة الكل: ههههههههه و يلسنا جي ضحك ناس تسلم و ناس تطلع صدق استانست ع لمة الحريم .. امووووت فييهاآآ ع الليل .. تحديدآ الساعة وحدة فالليل فالصالة تحت سارة : يلا خلاص انا بسير مايد توه طالع من عند ربعه و بيمر علي عليا: ما يلستي وآيد سارة: خييبة كل هذا و ما يلسست وايد .. باجر بنسهر فـ بيت مريوم روحها فالبيت عليا: مريم هي الوحيدة المستقرة فبيت بروحها سارة: هي و الا الباقيات عند أهل ريلهن عليا: حلو .. احسن من بيت بروحك سارة :بالعكس حلو تكونيني ببيت روحج تعزمين اللي تبينه و جي خالد: أقوول بسج فلسفة و اطلعي ريلج يباج عليا + سارة: بسسم الله سارة : ع الاقل سلم ياخي خالد: أقوول يلا سيري لا اطفريني سارة" بصوت واطي": الله يعينج .. |
عليا" بنفس مستوى الصوت": لا و لا يهمج اعرف اروضه سارة: ههههههه خالد: و ع شو اتضحكن انشالله عليا: قوول ضحكة دايمة سارة: يلا فداعة الله بطلع " و ظهرت برع" خالد: أنا ادري بالشباب يسهرون لين الساعة وحدة و ثنتين مب بنات عليا: و بتحسدنا ... ما سهرنا فـ بيت غريب " ووقفت ابا اسير فوق" خالد: أسلووبج موول مب عايبني عليا: يوم بتغير اسلوبك بغير اسلوبي " و طلعت فوق بسرعة " فالغرفة وقفت مجابل التسريحة و انا افضخ طقم الالماس و امسح المكياج فـ ويهي .. خالد" و هو يفصخ كندورته": الطااف ما يمشي عندي عليا: مب غريب عليك ترآك اليوم أول ما يينا عاطي خواتك طاف خالد: لا تتدخلين بيني و بين خواتي عليا" تنهدت": خآلد ما فيني ع مشاكل .. خل هـ الثلاث الشهور يمضن ع خير من دون محد يحط ع الثاني فـخاطره خالد: الله يصبرني و يخليني اتحملج هـ الثلاث شهور سكت عنه صدق جرحني.. خالد: وين بترقدين؟ اطالعته منصدمة .. كيف يعني؟؟ خالد:اسألج وين تبين ترقدين؟ عليا: وين ما تباني ارقد خالد: انتي رقدي ع الشبرية و انا ع الكنبة عليا: بيعورك ظهرك خالد: اممم و الا اقولج افرشيلي ع الارض اريح سرت افتح الكبت ادور لحاف .. و بالفعل لقيت طلعته من كيسته و فرشتله عدال الشبرية .. من خلصت فر عمره ع اللحاف خالد: مابا احد يشوف اللحاف ع الارض .. من انش رتبيه و رديه فالكبت حتى البشاكير ماباهم يدرون لانهم بيخبرون امايه عليا: انزين .. و دخلت غرفة الملابس و لبست بيجامة و رديت الغرفة و ع طول حطيت راسي ع المخدة و الا انا فـ سابع نومة... كآآنت الايام تقريبا مثل هالايام ... تستوي شوي مشاحنات بيني و بين خالد و احيانا امه تتدخل و ابوه يقول عادي .. و دوم تستوي يمعة بنات و احيانا حريم بـ مختلف السن بـعد ثلآث شهور الليلة كآنت يمعة بنآت ... فالصالة الفرعية الداخلية .. محد يجوفنا.. ميا: فيني طآآآقة أبأأ ارتبش سلامة و بولدهآ: ههههه و انتي ماشالله دووم طآآقة موزة أخت سلامة فـ سن ميا: هيه و الله حتى انا فيني طاقة سارة : يا بنات .. بنات المدرسة فيهن نشآآط موزة: لو سمحتي بنآت ثانوية عآمة عليا: اسميكن بتخسرنا لازم نيبلكن هدآيآ الكل:هههههههه ميآ: يالحضوور انتو شاهدين.. لازم توصلني هديتي من عليآآآ موزة: شرآتج و انا خالة عبدالله سلامة: بلاج ع ولدي لا يكون حاطة عينج عليه موزة: أبا ايوزه لبنتي الكل:ههههههه هند: خلي البنت تضوي أول سارة:بنات ليش مريوم مايت عليا: ولدها مريض ما ادري فيه زجام شو هند: عآدي تيبهم و تقفل عليهم و يتطالعون التي في سلامة: لا من الحينه اقولكن اذا بتي مريم انا بشرد بولدي هند: يالله جن محد ياب عيال غيرج انتي شو بييه بسم الله عليه.. قعدي ولا بيج شي سلامة: و الله ما فيني ابتليبه من الحينه زجام و هو الا شهرين جفت سارة و ميآ طالعآت عليا: ها ع وين؟ سارة: بني هب مطولين موزة: اقولكن عن سالفة وآحد جفته فالمووول شووو يخبل.. اييه كان يمشي عدال ريلج اتخبريه منوه عليا: أنا!! موزة: هيه ريلج انتي.. اتخبريه ضبطيني بلاج سلامة: موووزووه اصطلبي موزة: بلاج نتمصخر عليا: و الله هب مينونة اسير و اتخبر خالد عن وآحد ما اعرفه موزة: عشآآني عليا: و لا عشآن أحد لا تحآولين موزة: خلاص زعلت عليا: ازعلي شو ها بتخرب بيتي بتخرب بيتي!!!... الحينه كملنا تقريبا 3 شهور .. بفتقد هاليمعة و الله... دخلن سارة و ميا و عندهن لابتوب و سماعات ميا: الا نرتبش الليلة موزة: اسميج اتحسين بي ميا: فديتني أحس بالجميييع الكل:هههههه سارة : يلا قولن أي اغنية تبن؟ عليا: شسويله حتى يحبني ميا: لييش يعني اعترفي؟ عليا: اتطالعو هآي .. لانها تربش وآآيد موزة: هييه و الله تربش حطوها .. شسويله حتى يحبني النار النار سلامة: دخييلج سكتي صدعتي بولدي موزة: ولدي وولدي خيبة جن محد عنده ولد غيرج هند: هيه صح سلامة طلعي ولدج عن الاغاني مب زين سلامة: لا خليه يرتبش وياكن يمكن ييبس الكل:ههههههههه و اشتغلت اغنية شسويله .. و قامت سارة و ميا و موزة يرقصن و نحن نشجع سارة : يلا علاية قوومي رقصي عليا: مافيه سارة: لا فيييج يلا يلا بسرعة و قمت وياهن و رقصت .. و خلصت الاغنية و حطينا يا جنوني و رقصت وياهن .. آآخر شي تعبت من الخاطر و يلست هند: هآ بلاج يلستي؟! عليا" احس روحي بتطلع من الويع": تعبت بعدين خييبة شوو هالويع ... احس بسواد قدام عيوني .. احسن لي اطلع من هني .. وقفت بصعوبة بطلع ... سارة : هآآ وين بتسيرين؟ عليا: بسير هني شوي و برجع سارة : أوكي طلعت و رقيت الدري بصعوبة .. لين ما وصلت قسمي .. سمعت خالد يرمس بالفون .. ما انتبهت شو يقوول لاني طحت ع طول . . |
| الساعة الآن 08:06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir