|
حسافة ماعرفت قدر المحبة . . . عندماأإ يحين ذلك الوقت .. أتعلم أنني قد أستعيد ذكرياتي .. أتعلم ما فيها ..؟! .. إنها ألم .. عذأإأب .. أشواآأإك قد غرست في جسدي .. لما كل هذا ..؟! .. قد عأإأنيت الكثير .. عأإأنيت من شغبك الذي طغى على قلبي .. همساتك التي مزقت أذني .. لمسآإتك التي قشعرت بدني .. كنت أناآإأ .. أنا من سكنت قلبك .. طغت على روحك .. لعبت بأجزاآآء مشاعرك .. كنت تحبني .. تعشقني .. لا لا .. بل " .. تموت فيني .. " .. أهذا يكفي .. ولكنني .. قتلتك .. بل قتلت قلبك .. غرست فيه أشوأأاك الحقد والكراهيهـ .. أشواك لم ترها قبل ذلك .. لم تحس بطعناتها إلا مني .. آلامها .. مرارتها .. قسوتها .. ولكنك صارعتني .. هزمتني .. وها أنأ لك أنت .. أنت وحدك .. ملكك .. اللعبة اللتي لطأإألما أحببت أن تلعب بهاأإ .. صارت بين يديك .. |
السلام عليكم ورحمة الله وبركاته .. نعيش اليوم لنواكب حاضر رسمنا له ولم نرى الا الشي القليل ونبقى على ذكرى الماضي اما ان تدفعنا للامام لنتقدم او تجرنا للخلف .. اما من اختار ان يكون من الفئه الاولى .. سيرى قصص كثيره ونجاحات ومطبات وزلات للاخرين .. يتعلم منها دروس وعبر لتكبر خبرته للحياه .. اما الفئه الثانيه .. فلا ترى الخطأ الا بها ولا السوء الا منها فلا تجربة اكبر من تجربتها .. ولا الم اعظم من المها .. ربما تتشابه الاسماء وبعض الاحداث .. ولكن الافكار والعواطف لاتتشابه ولا تتكرر .. اسرد لكم احداث قصتي ومادار في جعبتي وما خطته على الاوارق باناملي .. اتمنى ان تنال على اعجابكم اتقبل مروركم بصدر رحب واتمنى ان يكون النقد في نهايه كل بارت فهي وليدتي الاولى .. راجيه من الله التوفيق نزول البارتات حسب التفاعل مع البارتين الاول والثاني وبعد ذلك يصبح بارت في الاسبوع وعند تاخري لأي سبب سيتم ابلاغكم قبلها بوقت كافي . . . حسأإأإفــ’’ـه ما عرفـ,,ـت قدر المحبهـ .. حسآآآفهـ مدخل .. " كم أخفتنـ,,ـي .. كم أبكيتنـ,,ـي .. وكم أجبرتنـ,,ـي .. ولا زلت لا أستطيع الرد عليكـ .. أهذأإأ لضعفـ,,ـي ..؟! " البارت الاول .. . . . الساعه 12 فليل .. كانت وايد يوعانه .. ما تعشت وياهم .. من الغدا وبطنها فاضي .. نزلت تحت وهيه تمشي شوي شوي عشان ما اطلع صوت .. نزلت من الدري ووصلت الصاله .. دخلت المطبخ الصغير الموجود فالصاله الصغيره اللي عدال الصاله العوده .. واللي كانو مسوينه بطريقة ايطاليه .. بس للاسف ما لقت في شي ينأكل .. وهي تموت ولا انا تاكل جبن وصمون .. اضطرت تروح المطبخ اللي برا .. طلعت من الفله ودشت المطبخ وهي تركض لا تطلعلها قطوة من مكان .. توها تبا تفتح ليت المطبخ .. الا وبحد داخل عليها المطبخ وحاط ايده ع ثمها قبل لا تصارخ وتيمع كل اللي فالبيت عندها .. تمت خايفه ما تعرف شو تسوي .. لصقها فاليدار ولف مجابلنها .. : اششششش .. لا تفضحينا انتي بعد.. ما كانت تشوفه زين من ظلمة المكان .. ومن الخوف ما ركزت عالصوت .. .....: بفج ايدي .. بس ان سمعت صوتج يويلج .. انزين هزت راسها بموافقه وهي بتموت من الزيغ لانها عرفت الصوت .. فج ايده شوي شوي .. وهي ع طول كانت بتشرد منه لاكن كان اسرع منها وزخها من ايدها وردها مكانها .. قالت له ( ودموعها فعيونها )..: انت شو تبا فيني .. ليش تلاحقني .. تشوفني بلا شيله .. وخر عني .. كانت لابسه بجامه كم ايدها قصير وفاجه شعرها .. .... : انتي ليش قاعده تعصبيبي .. ليش تغيضين بي ..؟! قالت له ودموعها خلاص نزلن : وخر عني .. انت مالك خص فيني .. والله انا ما بمشي ع شورك .. انت ولا شي بالنسبه لي .. اكرهك .. شو انت ما تفهم .. عصب اكثر وهو يحس نار بصدره ..: عوااااااااش .. صدقيني يويلج مني .. يويلج... هاذي اخر مره انبهج فيها .. منصور لا تقربين منه .. فاهمة ولا لا .. عواش : مالك حق تمنعني .. انت ما يخصك فيه .. رفع ايده ومسكها من رقبتها وقرب ويهه لويهها ..: مب ع كيفج .. قلتلج اني احبج .. احبج .. انتي ما تفهمين .. انا اغار عليج .. مابا اشوفج ويا غيري خاصة منصور .. قعدي ويا سالم ولا عبود ما عندي مانع .. بس ويا منصور لا .. تسمعين ولا لا ..؟! عواش وهي مب قادره تتنفس : بطط.. بطل ايي. ايدك عني .. ببب .بموووت بطل ايده عنها .. ومسكها من ايدها الهنتين ولصقها ع اليدار .. هي تمت تتنفس لين ردت انفاسها طبيعي ودموعها ما وقفن .. عواش : احمد وخر عني .. وخر .. حرام عليك .. انا ما احبك ما احبك .. ليش تعذبني .. ليييش ..؟! احمد : انتي لي .. وانا لج .. عواش : مستحيل اكون لك فيوم .. مستحيل احبك .. احمد : بتحبيني .. وبذكرج .. عواش : تحلمممم قرب ويهه منها وتم يتأمله .. وهي ادزه تحاول توخره عنها بس ماشي فايده .. احمد : منصور لا تقربين منه .. وهذا اخر كلام عندي .. عواش : ما تقدر تبعدني عنه .. هو ولد عمي .. ومثل ما اقعد ويا سالم .. بقعد عنده .. احمد عصب اكثر وهو راص ع ضروسه : بتندمين والله .. بتندمين ,, عواش تصيح اكثر لان قبضته زادت ع ايدها ..: ما راح اندم اكثر من اني عرفتك .. وخر عني .. احمد قرب ويهه منها وباسها ع خدها اليمين وعقبها اليسار .. وفج عنها طلع من المطبخ وركب سيارته وحرك .. فخاطره ( والله لادبج .. انتي لي وانا لج .. ما راح تاخذين منصور ابد ..) عواش تمت مكانها منصدمه من جرأته .. اول مره يقرب منها جيه .. اول مره يتجرأ ويبوسها .. تمت اتصيح واتصيح .. وعقب ربع ساعه هدت وراحت لغرفتنها وقفلت الباب وانغطت تحت لحافها وكملت صياحها لين رقدت .. . . . بيت بو حمدان .. الساعه 12 الظهر .. فتحت عيونها ع صوت تدقديق عباب غرفتها .. عواش( اففففففف والله محد متفيج يطبل عالباب غير حمدانووه الخسف .. ما عنده شغله ابد غير تعوير راسي ) عواش تعلي صوتها وباين عليه الرقاد ..: حمدااااانووه .. وقسمن بالله ان ما قمت عن بابي يكسر راسك تكسير .. اروحي مب راقده امس .. تذكرت شو صارلها امس وليش ما رقدت .. ودمعت عينها .. حمدان من ورا الباب : اييييه عواشوه يالبقره بسج رقاد وفجي الباب .. ليش قافلتنه .. خايفه لا اييج حرامي يخطفج مثلا ..هب رقاد عليج جانج من الساعه 11 هابطه الغرفه ..قومي بيأذن الظهر ..( و تم يدق عالباب وهو يلحن عالدقه باغنيه ست الصبح ) عواش ما قدرتله وع حشرته وسارت اتفج الباب وردت طاحت ع السرير وتلحفت بالكامل عشان ما يشوف دموعها .. حمدان بصوته العذب وهو يكمل الاغنيه ..: بتعدي في حته .. انا قلبي بيتكسر مية حته افضل في مكاني .. انشاالله لسته الصبح بفكر فيه تقابلني في سكه قصادي تفوت .. ببقى انا على تكه ومش مضبوط حد يقولي اعمل ايه .. يحكمني عليه عواش بصوتها المبحوح: حمدانوه .. قم عن راسي تراك صدعتني انته وهالاغنية .. حمدان لاحظ صوتها مغير وحس انه فيها شي : عوشان .. بلاج حبيبتي .. فيج شي ..؟ عواش وع نفس وضعها : لا ما فيني شي بس ابا ارقد حمدان : ايه يالبقره الساعه 12 الحين .. ما تقوليلي امس متى راقده .. هب رقاد عليج .. قومي خليني اشوف الحلو شفيه ( وهو يمط اللحاف ) ..هييييييييييأ .. عوشان .. بلاها عيونج منتفخه جنج فلبينو ..قومي قومي اشووف .. فيج شي انتي اكيد .. عواش ..: حمدان قم اطلع عني خلني بروحي .. اروحي تعبانه .. لا تزيد الهم عليه .. وصاحت زياده حمدان : وهو يحضنها : عواش حبيبتي لا تصيحين .. قوليلي شفيج انا اخوج .. لا تصيحين .. بس هدي بلاج انفجرتي .. ( بمصخره ) ولا هذا دلع بناات هالايام عواش تقوم من حضنه وتمش دموعها شرات اليهال : قم قم عني والله انك متفيج .. قم اظهر براا وترد تنخش تحت اللحاف حمدان : يعني ما بتقومين وتخلين هالدلع الماصخ عنج .. تبيني ازقر لج حمود يوعيج يعني .. عواش ما عطته ويه .. وفجأه يسمعون صراخ ياي من الصاله التحتيه .. فزو من مكانهم عواش : بسم الله .. شو هااا حمدان : علمي علمج .. قومي قومي نشوف شصاير .. قام حمدان ونشت وراه عواش نزلو تحت ولقو محمد واقف وسيف ع الارض مغطي اذنه بايده وهو يصارخ .. عواش بسرعه ركضت ل عنده وهي توجه كلامها لمحمد : انت شو سويتبه .. شو سويت بسيف .. بس محمد ما عطاها ويه وسحب سيف من ايدها وما لقاله الا بكس عويهه خلاه يطيح ع الارض.. حمدان بعصبيه : شوف يا حمود .. ترانا سكتنالك وايد .. لا تقول انه محد بيوقف لك .. من الاول ما قلنا شي بس انك تمد ايدك ع سيفان فهذا شي ثاني .. قسمن بالله ان شفتك تهزبه مره ثانيه لا تلوم الا نفسك ( بصوت هز البيت ) فااااااهم ..؟! محمد قام من عالارض وهو يأشر ع سيف ..: هذا انا اللي بأدبه .. ما عرفتو تربونه ابد .. عيل انا يعلي صوته علي .. والله ما اخليه عايش ع كيفه وع هالبزا اللي عايش فيه .. وما يلقاله الا كف عويهه .. عطول عواش شلت سيفان وياها لغرفته .. حمدان .. : ايه انت شقاعد تخربط ع كيفك .. انت نسيت شو فيه سيف .. تبا تزيد حالته يعني .. قرب صوبه وحط صبعه السبابه ع راسه .: هذا متى بيرد شرات ما كان .. خلاص تراك مللتبنا حياتنا .. من توفت امي وانت مستوي متوحش ع خوانك .. لاكن انا ما بخليك ع راحتك .. محمد اطالعه بنظره وطلع من البيت .. حمدان تضايج صدق باللي قاعد يسويه .. عمره محمد ما صارخ ع |
سيفان او مد ايده عليه .. عواش حاولت تهدي بسيفان بس ما شي فايده .. سيف ..: انا ما احبكم .. انتو كله تكرهوني .. انا شسويت الكم .. اعرفكم ما تبوني اعيش معاكم .. الود ودكم تفروني فالشارع .. محمد بيجتلني .. بيجتلني .. عواش ..: لا حبيبي .. احمد ما بيجتلك بس انت اهدا سيف قام وهو يكسر كل شي فالغرفه .. ما عرفت شو تسوي وتمت مكانها خايفه لا يصير له شي .. حمدان دخل عليهم وسيده سار صوبه ومسكه وتم يهديه .. يقوله كلام ما فهمته عواش .. خلتهم وظهرت عننهم .. لانها ما تقدر تشوف اخوها بهالحاله .. هدا سيف ورقد .. طلع من الغرفه وتلاقى ويا ابوه بو حمدان : شصاير .. اسمع صريخ .. اخوك فيه شي ..؟ حمدان ما عرف شو يقوله ..: لا لا لا ابويه ما صار شي لا تحاتي انت بس ارتاح بس بو حمدان ما سواله سالفه ودخل الغرفه ولقى كل شي فيها مكسر وفوق تحت .. لف لحمدان وجنه يعاتبه ع جذبه له .. حمدان : ابويه ما صار شي لا تحا .. قاطعه بو حمدان : شو تشوفني اعمي .. كيف ماصار شي وحالة سيف كل مره تزيد .. حمدان وهو يبوس راس ابوه : السموحه ابوي ما كان قصدي .. بس سيف والله ما عرفناله .. بو حمدان : لا الاه الا الله .. وراح برا الغرفه حمدان سكر الباب وراح عند عواش .. فتح الباب وشافها متكوره عنفسها وتصيح .. سار لها وضربها ع راسها بالخفيف : وانتي ليش تصيحين بعد هااا عواش ..: حمدان انت شفيك علي اليوم .. كل ما شفتني اصيح يلست تعايب .. والله مب متفيجتلك ولسخافتك .. حمدان : افا افا انا سخيف الحين يا عويشووه .. وبعدين شو تبيني اسوي .. اصيح معاج شرات بنات هالايام .. يلا انا بظهر تبين شي ..؟ عواش ..: ليش ما بتتغدا هنيه ..؟ حمدان ..: لا ربيعي عازمني ..(قامم ) يلا فمان الله عواش : دير بالك ع نفسك حمدان : ياهل انا ياهل عواش ..: ههههههههههه جب جب يلا فارج حمدان ..: من قبل لا تقوليلي .. جاااااااو . . . نعرفكم ع الشخصيأإأات ...} احمد ..: 21 سنه .. امه وابوه متوفيين بحادث سياره من سنه وشي .. عايش بروحه ويموووت ف عواش .. احلى شباب العيله .. كل شي فيه حلو ويجذب .. تهوره هو اللي معمي عينه .. ما يقدر يسيطر ع نفسه .. بو حمدان يكون عمه .. حاول معاه ايي يسكن فبيته بس هو رافض ه الشي .. عنده اخت اكبر عنه اسمها شيخه .. عمرها 23 متزوجه وعندها عيال .. ماخذه واحد من معارف ابوه .. وساكنه ويا ريلها فالعين .. وما تزورهم الا فالسنه احسنه .. ما تشوف اخوها ولا تسمع صوته الا فالشهرين مره .. الكل يعاتبها عقلة اهتمامها باخوها لاكنها تتعذر بان ريلها دوامات وما يروم اييبها كل مره لدبي .. . . . عايلة بو حمدان .. بو حمدان .. طيب وحبوب ويحب عياله وااايد ويحاول يسعدهم عشان ما يحسسهم بالنقصان .. حرمته توفت بمرض السرطان من سنتين ونص تقريبا .. وهو قد ما يقدر يحاول يحل محل الام والاب بنفس والقت .. سارة .. عمرها 25 سنه .. طيبه وحبوبه وكل اللي يشوفها يحاول يتقرب منها لطيبة قلبها .. هاديه واايد .. طويله وجسمها حلوو .. سمرا شوي .. مزوجه من ولد خالها خليفه من فتره قصيره .. حمدان .. اكبر اخوانه .. عمره 23 .. مغازلجي وحياته المولات ويا ربعه ..ابوه دوم يهزبه ع هالشي .. والحين مل من مهازبه وودره .. حلو واطول خوانه .. عيونه كبار وناعسات وهذا اللي يجذب البنات له .. بشرته حنطاويه ومحافظ ع جسمه .. شعره طويل واصل لين كتفه ومسوي فيها قصه رهيبه طالعه حلوه عليه . حاط خط احمر عريض عالزواج .. محمد .. 21 سنه..من يوم توفت امه وهو صاير عصبي وما ينطاق .. الكل يخاف منه ... ما يحب التجمعات ابد .. اللهم ربعه وبس .. شديد ع اخته عواش الوحيده فالبيت .. عواش .. 18 سنه .. تحب اخوانها وايد .. خاصة حمدان اللي متعاطف وايد وياها .. تخاف من احمد وما تقرب منه ابد .. دلوعة ابوها .. معذبنها احمد اللي يحبها .. هي الاحلى من بنات العيله وطالعه ع امها .. عيونها وساع وعسليه .. وجسمها حلوووو .. شعرها الكستنائي الحرير واصل لين خصرها .. والكل يعجب فيها ,, وكم واحد يا وخطبها لاكن تردهم بحكم انها صغيره وتبا تكمل دراستها وما تبا اي شي يضيع تفكيرها بالدراسه .. ومحد يدري عن هالشي الا حمدان .. اللي حافظ كل شي عنها .. الا سالفة احمد ما تخبره لا يسوي فيها فلم اكشن فالعيله ^^" سيف .. اخر العنقود .. 16 سنه .. منعزل عن الكل .. تييه حالا ت بس يصارخ فيها .. يكرهه كل شي .. وما يحب يقعد ويا حد .. كل هذا صارله من يوم توفت امه .. يشبه حمدان وايد بس هو مب مهتم ف عمره ابد.. . . . |
. عايلة بو منصور .. بو منصور .. اخو بو حمدان الاكبر .. عصبي ويفرض رايه عالكل .. حياته كله فالشركه .. ودوم سفرات ..ومع ذلك يدلع مريومه بنته واايد .. ام منصور .. طيبه .. وهي تكون اخت ام حمدان .. تحب عيالها عكس ابوهم .. وتدلعهم وتتعاطف مع اللي يبونه .. متحمله قسوة ريلها عشان العيال منصور .. 24 سنه .. يحب بنت عمه عواش ومحد يدريبه .. حبها سنين وبنين .. ورسم احلامه معاها .. خبر امه وامه خطبتها لولدها بس ما وافقو لانها بعدها صغيره ... احمد عرف انه يحب عواش .. وعشان جيه يمنعها من منصور .. حلو ومعضل ويشتغل ويا ابوه ف الشركه .. سالم .. 21 سنه .. يدرس كلية هندسه زراعيه .. وايد ويا اخته ويخبرها بكل شي .. يحب بنت خاله سلامه .. حليو .. جسمه رياضي ومحافظ ع لياقته .. يحب الكشخه واايد .. ومسولفجي ويحب التجمعات .. بس يوم يجتمع ويا مها بنت خاله يحب يطفربها .. مريم .. 18 سنه .. ويا عواش دوم ..وتعرف عنها كل شي ,, وتعرف عن احمد .. هي حلوه وتشبه اخوها سالم .. دلوعة ابوها واللي تباه يسويلها من دون لا يفكر .. لاكن في القوانين اللي حاطنهن فـ البيت شديد عليها .. حمده .. 16 سنه .. اهم شي عندها دراستها .. احلى من اخوانها كلهم .. بس هيه ما تهتم لجمالها .. دفشاااه وايد .. بس حساسه وام دميعه . . . عايلة بو خليفه .. بو خليفه .. يكون اخو ام حمدان وام منصور.. شريك بو منصور فشركته .. ما ينشاف ابد فالبيت .. ام خليفه ..: هاي الحرمه ما تنطاق .. والشياطين فوق راسها .. تحب المشاكل .. وتحب تفرق امبين الناس .. ما تهتم بعيالها ابد خليفه .. 26 سنه .. ضابط شرطه .. متزوج من بنت عمته ساره .. ويحبها واايد ومب مقصر معاها بشي .. الله ما رزقهم بعيال لين الحين .. جدي وما يحب المزح .. خالد .. 23 سنه .. ربيع حمدان الروح بالروح .. نفس اطباعه وصفاته .. حلو جسسمه شرا تجسم حمدان بس هو ابيض عنه .. وعيونه اصغر عنه بس كبار .. احلى شي فيه خشمه السيف .. عبود .. 21 سنه .. احلى اخوانه .. كل شي فيه حلو .. خقاق بجماله الرباني ..سالم الاقرب له من اي احد .. يحب مريوم بنت عمته .. بس ما فضح مشاعره لحد .. حتى سالم .. يخاف تنقطع علاقته القويه فيه .. سلامه .. 19 سنه .. حلوه واايد .. تشبه عبود بس هو احلى عنها .. بيضا وعيونها مايله للازرق وهالشي ماخذتنه من امها .. خقاقه ودلوعه لحد الموت .. ترمس شباب وتطلع وترد معاهم ولا همها شي ابد .. اخوها خالد شاك فيها بس مب متأكد.. مها .. 16 سنه ..ربيعة حمده الروح بالروح .. وشرات صفاتها بالضبط .. ويوم يجتمعن هي وياها تصير حلبة دفاشه فالمكان .. ع اساميهن الرقيقه وملامحهن الهادية الا انهم عكس كل شي .. . . . نهاية البارت .. شو رايكم بالشخصيات البدائية ..؟! رايكم فالبداية يهمني ..^^" |
البارت الثاني ..} . . . مدخل .. " كل ما يحدث معي .. فانني استحقه .. الا العذاب .. فلا اتحمله .. كما آلمتني .. سوف تندم .. فلتنتظر .. " . . . بيت بو منصور ..فالصاله مريوم ..: امايه .. ابا اروح عند عوااش .. اشتقت لها من يوومين ما شفتها .. الام : اكوه الدرب .. تراج صدعتيني مريوم : شو يعني اروح اروحي .. تبين ابويه يقصبني .. قومي وياي الام : ما اروم .. اكوه البيت الا فرة حصاااه مريوم: يعني لو اقدر اروح مشي جان رحت من زماااااان .. بس ابوي يعصب عليه .. الام : افففففف تراج اذيه .. انا ما فيني شده .. خذي الخدامه وياج وروحي وانا بقول لابوج يوم ايي .. مريوم وحايسه بوزها : انزييين قامت بتبدل وتكشخ الا سالم فويهها ..: ع وين ..؟! اسمعج بتروحين عند عوااش مريوم ..: افففففففففف شو هالغباء والسخافه .. دام تعرف الاجابه لشو تسأل يعني .. سالم يدزها ويتخطاها .. : اقول فكينا وزولي لاااه مريوم : يالدفش .. الله يعين حرمتك عليك جان بتتحمل دفاشتك .. سالم باس راس امه لانه توه ناش من رقاده .. : فديت حرمتي انا اللي باخذها .. تبوس ايدها جدام وقفا .. ترقعه امه ع راسه بالفنيان اللي عدالها : قليل الادب مريوم : هههههههههه وحليله ضربوه هع هع سالم يقلدها : هع هع .. ظحكتي بلا ضروس قولي امين .. مريوم : عالداعين امين سالم قام بيضربها لاكنها شردت وما شاف الا غبرة ريولها .. مريوم تزهبت ولبست وكشخت .. فلة بو حمدان وبومنصور فنفس الحاره.. يفصل امبينهم بيتين .. راحت هي والخدامه .. يوم وصلت قالت للخدامه ترجع البيت .. مريوم اول ما دخلت وبصوت عالي ..: انا ييييييييييييييييييييييييت كانت تتحرا انها بتلاقي حمدان وسيف وعمها فالصاله .. بس لا حياة لمن تنادي .. راحت لغرفة عواش ودقت الباب دقتين ودخلت : مرحبااااااا عواش كانت جدام التسريحه تتعدل لانها كانت ناويه تروحلها : يالسباله .. انا كنت بيي بيتكم وانتي ييتي .. مريم اونها مدت بووز .: الحين انا ارحب وانتي ( تقلدها ) يالسباله عواش وهي توايهها : يا هلا ومرحبا بالحلوين والكتكوتين مريوم تكمل عنها : والمزيونين والغاوين .. يايه تكمل جان تحط عواش ايدها ع حلج مريوم ..: بس بس منو قال اصلا مريوم..: هههههههههه ايه خوزي ايدج مالحه اععععع عواش : هههههه عالاقل احلى من طعم ايدج مريوم تخصرت: ليش الاخت مجربه عواش : هههههههه مريوم : وير اس افري بدي ..؟! عواش : حمدان طلع عند ربعه .. ابوي عنده شغله ضروريه فالشركه وبيرد عالمغرب .. سيف راقد وحليله .. ومحمد اوردي ما اعررف عنه شي مريوم .. :جني انا عاد سألت هو وينه .. أصلا ما اعده واحد من اخوانج .. امممم سيف غريبه راقد ... شفيه ..؟ عواش تنهدت ..: ااااه يا ريم شقولج .. وخبرتها السالفه وهم نازلين عالدري ..ريم : حقييير .. كله ولا سيفان .. ابصم بالعشر ان اخوج محمدوه مدمغ ومينون وفيه اختلال ف العقل .. ما اعرف شو فيه الحيوان.. هذا اشك انه اخوكم .. ......: والله ..؟! مريوم وعواش تيبسن فمكانهن وهن كانن واصلات الصاله .. تقرب صوبهن اكثر وهو معصب .. محمد: حيواان .. حقير ,, مينون .. مدمغ ..والله وبنت العم تعرف تسب وترمس عن الناس من وراهم .. عواش والتوتر والخوف باين عليها : محمم محمد هيه ما ما تقصد هي بسس |
مريوومه : لا .. اقصد امبلى ( لفت لمحمد) انت شو بالضبط .. قلبك اسود .. وحاقد عالكل ما اعرف ليش .. ما عندك رحمه ابد محمد يسمعها وهي تسبه وكل ما قالت كلمه تجدم صوبها وهي ترد ع ورا لين طاحت عالكنبه اللي وراها .. محمد .. : وبعد..طلعي اللي فقلبج ..؟! مريوم ..: اللي فقلبي اكثر مما تتخيل .. تقرب منها اكثر وحط ايديه عالكنبه وصار محاصرنها .. : طلعي اللي فقلبج كله .. ابا اسمعه .. كانت انفاسه تلفح ع ويهها بس ابد ما هزلها شعره .. الكل يعرف بقوه مريم وابد ما تنزل دموعها .. الكل يتمنى يشوف دمعتها اطيح .. حتى عواش ما شافتها تصيح فيوم .. تمت ع وضعها ما تحركت وهي تطالعه بنظرات تحدي .. مريم بكل كره الدنيا : حقييير .. وبتم طول عمرك حقيير .. وخر عني يالحثاله.. احمد جدم ويهه اكثر بس مريم ما يهزك ريح : متأكده..؟! مريوم : 100% احمد بحركة سريعه منه مسكها من ايدها ورفعها لفوق وصدره لامس صدرها وهو يطالعها بكره وعصبيه .. ومستغرب من قوتها .. مريم .. : ما جذبت يوم قلت انك حقير .. وخر عني يالخسيس محمد فرها عالارض بكل قوه وطلع برا البيت .. كل ها صار جدام عين عواش وما قدرت تسوي اي شي من خوفها منه .. راحتلها : مريوم اسفه والله ما قدرت اسوي شي ( وسيده صاحت ) مريوم : الحقير .. بيندم والله بيندم ع هالحركه .. انا يسويبي جيه .. انا ..؟! عواش .: مريوم دخيلج لا تحتكين به .. خليه .. والله ليوصلج فداهيه .. مريوم : عواش .. انتي ليش جيه ضعيفه وايد .. وبعدين انا ما اخاف منه ولا من اشكاله .. بس صبري عليه ان ما رويته نجوم الليل فعز الظهر ما اكون انا مريوم عواش .. بدت تخاف .. تعرف ان مريوم لي حطت شي براسها تسويه .. مو مهم فمنو .. . . . بيت بو خليفه .. سلامه بدلع ماصخ ..: حبيبي .. والله انا احبك وايد .. بس انت لا تزعلني عليك .. ....: سلامي والله كنت ويا اهلي .. سلامه اونها تصيح : اهئ اهئ اهئ .. جذاب .. اعترف انك تكلم غيريييي اهئ ....: والله اني ما اكلم غيرج .. انا احبج سلامي سلامه .. : رشووود .. والله انت تحبني ..؟! ( بدلع زايد ) وانا احبك اكثر رشووودي رشود : لا انا اكثر ( ياله مسخفج من بنيه ) دق دق دق سلامه : حبيبي بخليك الحين حد يدق الباب .. رشود : اوك حبيبي موااااااااااااح سكرت وراحت تفج الباب .. الا فويهها خالد : نعم شتبي خير خالد : ارمسي عدل لا امطج من كشتج واكفخج تكفيخ .. منو كنتي ترمسين هااا ..؟! سلامه ..: وانت شيخصك ..؟! خالد: يوم اسالج ردي عليه بادب .. ( بمصخره ) يم الادب انتي سلامه ..: لاااااااااااه .. احلف انت بس .. اقووول .. انا هب فاضيه لك الحين .. يايه بتسكر والا ايده ع شعرها ويسحبها من كشتها .. خالد ..: مب انا اللي تقلين ادبج معايه فاهمه ولا لا .. بتقوليلي منو كنتي ترمسين سلامه وهي تزاعج ..: مامااااااااااااه .. ماماتي لحقي علييييييييييي الام يت تربع : ايه انت وخر عن بنتي شتبابها خالد : ما بخليها لين تقولي منو كانت ترمس سلامه : ارمس ربيعتي بعد منو ..؟! ااااااااااااي .. وخر ايدك عني يالحقير .. خالد : حقير هااا .. انا براويج شو بيسوي الحقير .. اعترفي منو كنتي ترمسين احسن لج ولا بقطع هالشعر كله ع ايدي .. ما بتمشي علي جذبتج .. ؟! ام خالد وهي تبطل ايه من شعرها : وخر عن بنتي يلااا اشوف .. اخر زمان تشك فاختك هاا .. اختك ما ترمس شباب .. خالد: امايه انتي شدراج اني كنت اقصد انها ترمس شباب . انتي تعرفين شي ولا تقوليلي ..؟! ام خالد .. : اتخسي الا هيه .. لو كانت ترمس انا اللي بدفنها تحت التراب |
خالد وهو رافع صبعه صوب سلامه : والله محد مخربنها غير دلعج الها والثقة الزايده اللي عاطتنها .. ام خالد : انجلع من جدامي يلا اشوف .. قليل الادب .. ها شباب اخر زمن .. يستقوون ع امهاتهم ويعلون صوتهم عليهن .. خالد ..: امايه انا ما استقويت عليج ولا عليت صوتي عليج .. انا ما قلت الا الصدق .. ( وهو يشوف سلامها ) وبتشوفين حزتها امايه .. راح خالد لانه نفذ صبره ويا امه واخته .. تلاقى ويا عبود ومها فالحديقه عبود بصوت عالي .: خلوووووده .. تعال شوف اختك شتقول راحله خالد ومسك عبود من ياقته ومتصنع العصبيه : منو خلوده هاااا .. أ يا ولد اللذين .. ريال طول وعرض وخلووده .. عيبن عليك يا اخي .. عبود ومها : هههههههههههههههه خالد : شتقول بنت اللذين عبود ..: اون شو .. حصلت بعثة دراسه للخارج ..هيه وبنت عموه حمدوه والاخت معزمه بتروح فالصيف .. ولمدة شهر كااامل .. خالد : نعم نعم . ها اللي ناقص بعد .. يلااه مناك .. ما عندنا هالمنكر نحن .. منقوووووود عن العرب والجبايل .. عبود يغايض : ويييييو ما بتروح مها : ليش ما اروح انشالله .. انا قلت لابويه وقالي روحي برايج .. وانا ما عليه منكم وبرووح .. المهم قلت للبوس خالد يطالعها بنص عين : اشوف لسانج طول ويباله قص شكله عبود .: هيه والله خالد ..: انت جب ويلا مناك مها .. هع هع سكتووووه خالد : انسه مهاااو دام البيق بوس وافق سيري وفكينا من الحشره .. والله ليكون شهر الراحه والطمأنينه عبود : فهاي والله صدقت مها :: طع طع .. والله ان ما منكم فايده .. انا قلت بتصيحون عليه وبتمنعوني .. لانكم بتشتاقولي .. مالت ع حضي الردي .. عبود وخالد ..: هههههههههههههه . . . نروح عند احمد .. كان ناش من رقاده الساعه 1 لانه امس ما رقد وهو يحس عمره بيموت من القهر .. قرر انه ما يفكر فيها ويروح عند ربعه كشته .. عالعصر .. قررو يسيرون البر ويخيمون يومين .. والكل تحرك .. احمد ..: اقول حميد .. سكر هالسي دي واللي يرحم والديك .. تراك صدعتنا به حميد : ثره السي دي اغانيه حلوه .. الا انت مودك جالب . وخاطرك برفسه ع بطنك .. تعدل مودك احمد اطالعه بنص عين ..: ارفس وجرب حميد يرفع ايده باستسلام واونه خايف: .. لا لا استسلم .. ادريبك ما بتخلي عظمه فجسمي ما بتكسرها .. احمد كان راكب ويا حميد ربيعه ووياهم الدراجات .. اما باقي الشله توزعو والاغراض معاهم .. احمد مغمض عيونه وراد براسه عالسيت .. : اااااااه حميد .. : سلامتك من الـ اااااااه .. شفيك مو على بعضك .. حتى الطلعه يت فجأه .. لا يكوون اللي بالي بالك .. احمد : وشو اللي بالك .. حميد ..: بعد شو غير بنت عمك احمد فتح عينه : ما اعرف ليش تسوي جذا .. مع اني احبها اكثر عن منصور.. وهي تغيض بي وايد .. بس والله لادبها .. عيل تقهرني .. وامسس رحتلها لين البيت بعد حميد وهو يدقه ع راسه .. : ياخي هالمخ متى بيودر هالافكااار السوداااااااااء اللي تييك .. احمد : يعل ايدك الكسر يالدفش .. عنبوها من ايد نختت راسي حميد : عن المبالغه .. شصار خبرني .. احمد خبره بكل السالفه .. حميد : غبي واهبل وطول عمرك بتم غبي احمد : انا ما قلتلك السالفه عسب تحبطني .. حميد : واللي يسوي شراتك يتريا المدح والتصفيق الحار يعني احمد لف صوب الدريشه .: والله ما اعرف شو صابني.. احبها والله احبها .. حميد : الله لا يبليني فيوم مثل حبك .. . . . بيت بو منصور .. الصاله .. المغرب |
ام منصور : اقول منصور ... منصور : هلا امايه امري تدللي الام : متى ناوي تعرس .. خطبت بنت عمك وما وافقت .. ما يخلصك يا بويه تترياها لين تخلص دراستها .. انا ابا اشوف عيالك يا بويه منصور : امايه .. انا غير عايشه مابا .. الام : بتخليني اتريا يمكن فوق الاربع سنين منصور .. يتنهد : شو المطلوب امايه .. الام : لقيت لك بنيه شزينها .. ادب واخلاق .. شرايك اخطبها لك .. منصور : تبيني اظلم البنت يا امايه .. الام .. حطت ايدها ع قلبها .. : ويديييييه .. ليش تظلمها انشالله .. منصور وهو يأشر ع قلبه : ما سكن هالقلب الا عواش .. وما بيسكنها غيرها .. تبيني اتزوج البنيه اللي اخترتيها واظلمها باني ما اعطيها حقوقها واعيش معاها وقلبي عند غيرها الام:يا ولدي .. تراك بتاخذها وبتحبها عقب .. وهذا ويهي منصور ..: امايه خلاص دخيلج فضي هالسيره .. وانا ما باخذ الا اللي اختارها قلبي .. وبترياها اللام : الله يهديك .. منصور قام من مكانه لانه ضاج صدره .. امه تبا تشوفه معرس.. وهو ما يبا الا قلبه ولين تخلص دراستها بتاخذ وقت طويل وامه قريب تبا تشوف عياله .. . . . بيت بو حمدان .. الساعه 8 فالصاله عواش ومريوم قاعدات يسولفن ووياهم سيف .. محمد لين الحين ما رد .. وحمدان بالمثل .. ابو حمدان قاعد فغرفته يخلص شغله مريم : ياله يا عواش خاطري اسافر .. عواش : والله بدت اجازة الفصل وما ظهرنا مكان مريوم : اقنعي ابوج وبقنع ابوي .. سيف : وين تبون تسافرون ..؟ مريوم وعواش : ونطق الحجر اخيرا .. سيف تم يطالعهن وهن يحاولن يطلعنه من وحدته من الصبح واخيرا نطق بشي .. عواش: امممممم انت وين تبا تروح .. سيف : ما ابا اروح مكان .. ما بطلع من البيت .. انا طول عمري فالبيت .. ايي الحين واطلع اسافر .. مريوم: هي بعد شو .. انا بشلك ويايه اصلن .. ما اروم اروح بلاك .. ويا منو بستانس .. سيف وقف بيروح : انا رايح ارقد تصبحون ع خير .. مريوم مسكته من ايده ( هي بالنسبه لها ما زال سيف صغير ) : سيف اقعد ويانا توها الساعه 8 .. عواش: هيه صح وين رايح ترقد الحينه .. انا ابا اسولف وياك اصلن .. سيف بعصبيه : وانا ما ابا اسولف ( فر ايد مريوم ) سيف سيده راح لغرفته وعواش يلست تصيح ..: حرام عليه والله حرام .. انا ما صدقت انه يرجع سيف مثل اول وهو يقوم ويرده لسيف العصبي المنعزل .. مريوم : والله انه جلب حيوان .. قهر والله قهررر محمد من وراها : اووه اوووه .. بنت العم ما زالت هنييه .. وما زالت تسب فيه.. مريوم عدلت شيلتها ووقفت : عواش انا بروح البيت تأخرت .. قلت لامايه برد الساعه 8 عواش بتوتر : اااا .. انزين .. ما ما تبي تبيني ازقرلج الخخ خدامه .. مريوم بغير نفس : تسوين خير .. محمد : لا تزقرين الخدامه ولا شي .. انا اللي بوصلها مريوم ..: تخسي الا انت .. مينونه انا امشي ويا واحد حقير شراتك .. محمد ما سوالها سالفه وسحبها من ايدها وطلعها برا ومشى ابها لين الباب مريوم : ايه انت شو تتحرا عمرك ساحبني جذا محمد .: اقول امشي يلا بسرعأإأإه مريوم .. والله ما طلبت منك توصلني (سحبت ايدها بقو من ايده ) محمد : والله عاااااااااااد بنت عمي وكيفي اوصلج ولا ما اوصلج .. رجع ومسكها من ايدها وسحبها لين وصلو للسكه اللي بين بيت بو حمدان وييرانهم ..ودخلبها السكه . . . |
البارت الثالث..} . . . مدخل .. " ولكن حبيبى أخترت ولم تخيرنى.. كفى لعبا بمشاعري .. فقد لا زلت انسانه لها قلب .." . . . محمد ما سوالها سالفه وسحبها من ايدها وطلعها برا ومشى ابها لين الباب مريوم : ايه انت شو تتحرا عمرك ساحبني جذا محمد .: اقول امشي يلا بسرعأإأإه مريوم .. والله ما طلبت منك توصلنا ( سحبت ايدها بقو من ايده ) محمد : والله عاااااااااااد بنت عمي وكيفي اوصلج ولا ما اوصلج .. رجع ومسكها من ايها وسحبها لين وصلو للسكه اللي بين بيت بو حمدان وييرانهم ..ودخلبها السكه.. مريوم : ايه انته .. ع ما اضن بيتنا مب هنيه .. تبا توصلني بيتنا مناك .. ووخر ايدك القذره عني.. محمد ما سوالها سالفه وراح لابعد مكان بحيث محد يشوفهم والسكه كانت ظلام وفيه بس نور القمر .. مريوم : انت وين يايبني .. ردني بيتنا محمد لصقها فاليدار وحط ايد ع اليدار وايد عداله .. مريوم خافت لا يسويبها شي .. بس كل اللي ظهرته ملامح العصبيه والقوه .. مريوم : ودرني .. وخر عني يالحقير محمد بحقاره : اصيرلج حقير .. وبعلمج كيف الحقاره فروح الريال.. مريوم خافت بس ما بينت..: يعني شو بتسوي هااا .. صدقني اذا حاولت تسوي اي شي فيني يوديك ورا الشمس محمد وبسخريه..: هه .. قالت ورا الشمس قرب ويهه منها لين حست بانفاسه جريبه من ويهها محمد : تبيني اعلمج كيف الحقاره ..؟ مريوم ع نفس الوضعيه .. وعينها ف عيونه .. محمد ..: شو قلتي .. اعلمج ..؟! مريوم ..: حقييير .. ما تقدر تسوي اي شي .. محمد فخاطره ) مقواج من بنيه .. عنبوها ما تخاف .. بس انا اعرف كيف اييب راسج واكسره ..) محمد قرب اكثر وطبع بوسه ع خدها ..كردة فعل منها عطته كف مريوم حست بان الدنيا تدور ابها .. ما قدرت تبعد عنه .. كل محاولاتها فاشله ..لان ايده ماسكه ايدها مريوم : يالحيوان . وخر عني .. وخرررر.. حقير حقيير محمد بعد عنها شوي عشان يشوف ويهها .. كان متأمل ان يشوف دموعها .. بس انصدم انها ما صاحت .. شاف نفس الويه القوي ونفس العيون .. مريوم ..: خسيييييييس .. واطي .. يا منحرف .. والله انك حثاله وبتم حثاله مريوم حست انها فاي لحظه بتصيح .. بس كله ولا تصيح جدام هالحقير .. محمد ..فخاطره : معقوله كل هالقوه فيج .. اشك انج بنيه طبيعيه .. مريوم قدرت توخر عنه وراحت سيده وهي تركض للبيت .. اما هو بعده ما مستوعب شي ابداً .. . . |
وصلت مريم للبيت ويايه بتسير فوق الا وحد ف الصاله يناديها ......: مرييييم فزت ريم من مكانها ....: وين كنتي .. ومن وين يايه .. وليش يايه من برا وانتي تربعين ..؟! مريم.: هاااه .. هيييه .. كنت فبيت عمي حمد ...: ويا منو يايه ..؟! مريم .. ابويه ييت ويا الخدامه بو منصور .. تقرب صوبها: وانا كم مره قلت لج طلعه من دون امج ومن دون شوري ماشي .. مريم : اسفه ابوي ما خذت شورك .. اخر مره ما بعيدها .. اممممم ممكن اروح بو منصور عطاها مقفاه رايح لمكتبه .. : روحي .. وان شفتج طالعه مره ثانيه لبيت عمج مشي ياويلج مني .. مريم وقلبها كان بيطيح ..: انشالله .. ع امرك ابويه ربعت لقسمها .. وقفلت باب القسم وراحت للكنبه اللي فصالتها وانسدحت .. خمس دقايق وحست عمرها لو ما صاحت بتمووت .. تمت تصيح وفخاطرها : الحيواان الحقير .. انا يسويبي جذا .. والله لراوويه نجوم الليل بعز الظهر .. والله ينتقم منك يا محمدوه .. ما بخليك بهواك الحماااااار. دق دق دق دق راحت بسرعااه الحمام وغسلت ويهها لا يشوفها حد .. ما تبا تبين انها كانت تصيح .. وراحت وفتحت الباب سالم ..: منو يابج لين هني ..؟! مريم : هاااه .. الخدامه سالم : تجذبين عليه .. شايفنج يايه تراكضين بعصاقيلج برا .. مريم : هاااه سالم : شو ها بعد .. سكري حلجج سكريه .. فضحتيني ويا ربيعي .. ما تقولين في ناس برا وانتي وكراعينج السود تراكضين .. مريم : ايه ايه .. تراك قاعد تسب .. اي كراعين سود .. الحمدلله مافي ابيض عن كراعيني فديتهن ريم كانت خايفه انه شاف محمد وياها .. والله لتروح وطي سالم : الموهم .... امممم ممكن اطلب منج طلب .. صغنووووووون .. وما فيه كلافه مريم : خيييير شتبي بعد .. اوووووووف سالم: والخيبه عنبوووج .. ما قلت شي وكلتيني بقشوري .. مريم باستهبال : ليش الاخ سمكة مثلا .. سالم بملل : يا الله بدت السخافه .. مريم : فديت اخووووي انا .. اطلب تدلل .. عيوني لك سالم : بتنقعيني عند الباب يعني .. ما بتضيفيني فغرفتج .. مريم : افا عليك يا سيد نفاخه ما بنقعك .. تفزل تفزل .. ايه هلأ راح تنور الأودااه .. سالم وهو يكفخها عراسها ويدخل :: يااااااله مسخفج .. مريم .. حشى مب ايد عليك سالم : هههههه .. اقول مريومه مريم وهي تقعد عداله وتطالعه وجنه تقوله كمل سالم : دقي لسلامه اشتقت لصوتها من زمان ما سمعتها.. مريم باشمئزاز..: ويييييييييع .. ما لقيت الا تحبها هيه .. كم مره قلت لك هالبنت ما تصلح لك انت ليش تحبها ابا اعرف .. عدلعها الماصخ ولا خقتها اللي مالها داعي .. سالم يكفخها عراسها : لمي حلجج ودقيلها .. وما يخصج فمنو احب .. مريم بعنااد : مااااابااا .. تحلم انت بس سالم : بلييييييز مريومه .. حرام عليج تخلين اخوج يتعذب .. مريم : ايه ايه .. شو يتعذب وما يتعذب .. عاد ما لقيت الا تتعذب عسب سلاااموووه. . سالم : حراااام عليج .. انتي ليش تكرهينها .. مريم : وع وع .. هب الا انا .. الكل .. بس ما اعرفك ع شو حابنها الساحره سالم واونه معصب ..: مريييييم .. بدقين ولا لا قولي من البدايه مريم : عشان خاطرك .. بس هاي اخر مره لانها تلوع جبدي منها سالم : مرييومه بس عاااد .. ددقي وخلصينا مريم دقت لسلامه .. وردت من اول دقتين سلامه بدلع : هااااااي مريم وهي حاطه سماعه فاذنها وسماعه فاذن سالم وهو مستمتع : وعليكم السلام والرحمه .. اهلين سلاموووه .. شحالج حبي (وقالتها بمصخره) سلامه :.. سلاموه فعينج .. الحمدلله انا بخير .. غريبه داقتلي مريمووه مريم : الناس تسال عن الحال اول .. يعني ما تبيني اتخبر عن بنت خالي حبيبتي سلامه .. : هههههه سوري والله .. شحالج .. من زمان عنج .. اشتقنالج مريم بصوت واطي يسمعه سالم بس سلامه ما تسمعه..: اشتاقتلج بقره قولي امين سالم كفخها ع راسها مريم: الحمدلله بخير .. شحال اهلج ..؟! سلامه : الحمدلله كلهم بخير ناقصين شوفتكم ..ليش ما تييونا .. مريم: .. اشغال اشغال.. سلامه بدلع : حسستيني يالبزنس ومن مريم بصوت واطي ما تسمعه ..: ويع ويع ع هالدلع الماصخ.. مريم: اقول ريم انا بسكر .. سلمي على اهلج كلهم .. وبنييكم انشالله قريب سلامه ع نفس دلعها .. اوك جاااااااو مريم بدون نفس ..: مع السلامه وسكرت عنها سالم انسدح ع الكنبه بطريقه اونه ذااااب .. : اااااااه والله انها عذااااااب مريم : اقول .. وايد عطيتك ويه قم انجلع من غرفتي .. جليل الحيا سالم قام وباس خدها : مريموووه احبج مريم : الحمدلله والشكر ع نعمة العقل .. مينووون سالم ظهر من غرفتها وما سوالها سالفه وهو شاق الحلج لانه سمع صوت محبوب قلبه .. . . |
. بيت بو خليفه.. الساعه 9 ونص فالصاله الكل متيمع من اهل البيت الا سلامه وامها.. مها بصوت عالي .. :عبوووود بس عاااااد .. والله يكفخك ع راسك عبود : هههههههه خالد : عبود.. تراك حشرتنا ويا هاي اللي ما تعرف تتكلم الا بصوت عالي .. الله يعين اللي بياخذها .. والله اني خايف ع طبلة اذنه عن تنطر عبود :: هههههه هذا اذا حد جبل صوبها وعطاها ويه سارة حرمة خليفه: ايه بس شرشحتوها .. كله ولا مهاااوي مها اونها زعلانه وماده البوز .. خليفه كان مندمج فالتلفون ومسجات وحاله ومب وياهم ابد عبود : لا يطيح بوزج عاد .. حاسبي ما فينا عالبراطم يزدادن .. ههههههه خالد: ههههه اتخيل الشكل عقب .. يا ربااااااه مها ومعصبه .: مصختوها عاااد .. محد ييلس عندكم انتو .. قامت من مكانها وراحت عطول فوق خالد : عنبوه شفيها شبت ضو .. عبود : والله وزعلت سارة: انتو الله يهديكم تتمصخرون عليها .. ما تعرفون ان البنت ما تتحمل حد يتمصخر عليها .. وخصوصا هالسن عبود : اوب اوب .. ما نروم لج يا حكيمة زمانج . . . عند عرب داقنه هاك النسييم ويطالع النجوم ومنسدح ويتامل فيه احمد : اااااااه شقد معذبتني يا صوبه حميد : لين متى بتم جيه .. انت ياي هني تستانس وتنسى .. قم مسوين سهره وغنا قم احمد..: حميد حميد قعد عداله : همممم احمد : ابا اسافر حميد عقد حياته : تسافر .. ليش..؟! احمد : ابا ابتعد قد ما اقدر عنها .. قربها يعذبني .. ما اقدر اشوفها جدامي.. ما اقدر اسيطر ع مشاعري .. حميد : حالتك مستعصيه وغير شكل .. احمد اطالع صوب الشباب اللي وهم ينادوهم: قيس وليلى .. يالعشااااااق .. صوبنا صوبنا احمد وحميد: ..ههههههه والله انهم متفيجييييييين ع الاخر . . . بيت بو حمدان .. حمدان توه راد من عند ربعه كانت الساعه 11 وربع .. مر صوب غرفة سيف شافه مب موجود فالغرفه .. دوره فالصاله والمطبخ وبرا وما حصله .. سيده راح صوب غرفة عواش .. بيتخبرها .. دق دق دق دق عواش ع طول راحت تفتح الباب عواش : ها رجعت حمدان باستهبال ..: لا بعدني عند ربعي عواش .. : ها ها ها.. شتبي ياي غرفتي وحاشرني حمدان : سيف وين .. رحت غرفته ما حصلته عواش دخلت داخل ودخل حمدان وحصل سيف راقد ع سرير عواش .. عواش : قبل ساعه ياني وقال انه يبا يرقد عندي وراحت وانسدحت عدال اخوها سيف سيده فج عينه وشاف حمدان واقف عدال التسريحه سيف :: انت ييت..؟! حمدان ..: شكلك كنت تترياني سيف .. : كنت برقد عندك .. لاكن ما ييت وقلت برقد عند عواش حمدان: ليش ..؟! سيف رد غمض عينه ولا رد ع سؤاله حمدان يا وانسدح عداله .. عواش ..: ايه يالدب منو قالك تيي وتنسدح انت بعد حمدان ..: يوم عائلي .. بنرقد كلنا عواش: لا والله .. ولا وراقد بكندورته .. قام وفصخها وعلقها عالشماعه ورد انغط تحت اللحاف عواش ابتسمت وغمضت عينها خمس دقايق وتكلم سيف: حمدان ..؟! حمدان بعده مغمض عينه : هممممم سيف ..: انا مينون ..؟! حمدان فج عينه وعواش بالمثل ..: منو قالك هالشي بعطيه طراق سيف : محمد .. عواش : تصدق محمد انت.. انت لا مينون ولا شياته حمدان ..: شوف سيفان .. لا تحط هالافكار فراسك سيف غمض عينه ورد يفتحهن وغير السالفه ..: ابا اسافر عواش ابتسمت ..: وين تبا ..؟! سيف : امممم ما اعرف .. انتي وين تبين ..؟! عواش .. بحالميه: باارييييييس حمدان : خلو هالسفره عليه سيف قام من السرير حمدان : ع وين ..؟! سيف ..: بروح ارقد فغرفتي عواش :.. ليش ..؟! ما عيبتك الرقده هنيه سيف وهو ظاهر من الباب : شو تشوفيني ياهل ارقد عندج .. وابتسم .. تصبحون ع خير حمدان وعواش..: وانت من اهله ..(= وظهر حمدان .. غمض عينه وحضن المخده وماخذ جوه .. ولا اتيه رفسه محترمه عواش: برااااااااااااااااااا حمدان فز: والخيبه .. شفيج ..؟! عواش..: لا تصدق عمرك وتاخذ جوك.. عطنا مقفاك حمدان : اصلا امبوني انا مب راقد هنيه .. ما بعق عمري للتهلكه عواش وهي تشهق ..: هيييييييأ .. الحين انا تهلكه .. حمدان وهو قايم : شاكه بعمرج شل كندورته وراح لعندها وباسها ع راسها ..: يا احلا اخت فالدنيا .. تصبحين ع خير عواش : ابتسمت ع حنان اخوها..: وانت من اهله . . . بيت بو منصور .. غرفة حمدة .. ع اللاب وهي ع المسن ترمس ربيعاتها.. يتها اضافه وقبلتها لانها كانت اصلن تتريا اضافة من بنيه مس عسل .. اهلييييين بالغلا كله << عبالها ربيعتها احبك وبضل اردد اسمك بقلبي .. اهلين وسهلين وبوستين ع الخدين مس عسل.. شحالج غناتيه احبك وبضل اردد اسمك بقلبي.. شحالج..!! مس عسل .. ودوم يالخبله .. لا تستهبلين عليه اعرفج انج انتي .. لا تحاولين تسوين فيه مقلب من مقالبج المفضوحه احبك وبضل اردد اسمك بقلبي.. ههههههه فديتج والله مس عسل... الموهم .. اخبارج ..؟! احبك وبضل اردد اسمك بقلبي.. منو انتي ..؟! تراني ما اعرفج وانا مب ودوم مس عسل .. ودوم بلا استهبال عارفه حركاتج احبك وبضل اردد اسمك بقلبي.. يعني احلفلج اني مب ودوم واني ولد ييرانكم..؟! مس عسل .. ودوم بلا حركات احبك وبضل اردد اسمك بقلبي .. يا رباه .. انتي ما تفهمين.. انا ولد ييرانكم .. تبين تصدقين برايج يتها اضافه عالمسن ومكتوب ( اهلين حمدوه انا ودوم قبلي اضافتي ..( =) انصدمت وطلع الشخص صدق مب ودوم مس عسل : السموحه .. تحريتك ربيعتي احبك وبضل اردد اسمك بقلبي: مسموحه الغلا .. مس عسل ..: يلا عيل فارج الحين .. ابا اشوف احلى بلوك ودليت احبك وبضل اردد اسمك بقلبي..: ويت ويت .. بقولج شي قبل مس عسل .: ما اعرفك ولا تعرفني .. ما امبينا شي نقوله لبعض .. احبك وبضل اردد اسمك بقلبي: يعني ما عرفتيني منو انا ..؟! مس عسل ..: وشدراني فيك والله .. شايفني من هالصيع ارمس شباب واعرفهم احبك وبضل اردد اسمك بقلبي: السموحه ما قلنا جيه نحن .. مس عسل ..: اوكيه باي احبك وبضل اردد اسمك بقلبي: صبري انزين بقولج منو انا .. مس عسل ..: خلصني بسرعااه مب فايقتلك احبك وبضل اردد اسمك بقلبي: بالهون بالهون عليه .. انا سلطان .. ولد ييرانكم .. خذت ايميلج من اختي من دون لا تدري .. يعني لا تلومينها .. بس كنت ابا اقولج اني احبج .. من يوم ما شفتج هاك اليوم وقلبي تعلق بج .. اتمنى انج ما تردين قلبيي خايب .. حمده انصعقت من الكلام اللي قرته .. وتذكرت منو سلطان .. هذا ولد ييرانهم اللي دوم يلاحقها من وين ما تروح .. حتى جدام المدرسه تلقاااه .. مس عسل: اخوي لو سمحت اذا كنت تضن اني برمسك .. فانا مب مال هالسوالف .. فبليز بعد عني لا اخبر عليك اخوي يتصرف معاك .. احبك وبضل اردد اسمك بقلبي..: اوب اوب .. يا بنيه انا ما طلبت منج ارمسج عالفون .. بس ع المسن .. يعني لا بسمع صوتج ولا بشوفج .. ما فيها شي مس عسل .. تراك وايد تقهر .. كله واحد الخلاصه رمست ولد احبك وبضل اردد اسمك بقلبي..: دخيلج فكري .. انا وايد احبج ومتعلق بج .. دخيلج لا ترديني خايب حمده .. اففففف شو يبا هذا .. بس شكله يحبني .. ايه انتي شتقولين هذا يلعب عليج .. انزين الا مسن ما بياثر .. افففف |
احبك وبضل اردد اسمك بقلبي..: هاه شو قلتي ..؟! مس عسل ..: اوكيه .. بس لا تتعدى حدودك احبك وبضل اردد اسمك بقلبي..: ^^" افا عليج بس .. حدودي ما بتعداهن . . . توقعاتكم.. محمد بيقدر يكسر راس مريوم وينزل دمعتها ولا لا ..؟! سالم .. شرايكم في حبه لسلامه.. وهل بيستمر هالحب ..؟! احمد .. بيسافر وبيبتعد عن الكل ولا ما بيقدر يودر معشوقته ..؟! سلطان صاحب الايميل وحمده .. هل بتستمر ف التواصل معاه .. وهل حبه صادق او يلعب عليها ..؟! |
| الساعة الآن 09:40 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir