|
وكــــــــــــــــــــــــان يا فيصــــــــــــــــــــل وكــــــــــــــــــــــــان ولد أخوي إسمه فيصل وعمره 17 سنه ويدرس في مايشستر أبوه إنتهى إبتعاثه وجانا وفيصل لا زال هناك يدرس فيصل رزقه الله الوسامه والإستقامه وهاتين الصفتين نادر ما تجتمع في جسد إتصل بي اليوم عقب الفطور وقال / كيفك يا ماي إنكل قلت له / إمليح كيفك إنته وكيف رمضان معك ؟ قال / خلها على الله يا عمي نصوم 20 ساعه تقريباً ولا توجد عندنا مكيفات والأيام هذه حر نشغل المراوح ونصب عرق:hawamer3312 قلت له / الله يعينكم دراسه وعرق وصيام ونصارى وفتن قال / ياعمي أنا قاصدك بخدمه ؟ قلت / أبشر بي قال / أبوي مانعني أصلي التراويح والمسجد لاصق في بيتنا تكفى كلمه لي ! قلت / أفا ! ليه يمنعك ! الان أكلمه أرخيت السماعه من فيصل وتوجهت لغرفة أبو فيصل عندنا وقلت له / انت وراك تمنع فيصل من صلاة التراويح والمسجد لا صق بالبيت قال / لا يروح للمسجد أنا أمرته يصلي بالبيت قلت له / انت صاحي ولا ماحي ! قال / يابو سعد المسجد صحيح لاصق بالبيت لكن وللاسف لاصق بالمسجد بار يبيع كحول:hawamer3312 وهذا البار يرتاده (سكرجيه) خيلان والولد ضعيف وأخاف عليه منهم قلت له / أجل والله ماتنلام وصلاة فيصل في بيته خير من أن يصلـــي بالمسجد ويفتن الخيلان ويجيب الغايبه إتصل بي فيصل قبل قليل وقال / هاه يا عمي كلمت أبوي قلت له / كلمته وكـــــــــــــــــان قال / كيف وكـــــــــــــــــان قلت له / رح صوم في وكان وصل التراويح هناك أبرك لك من 20 ساعه صيام مع الخيلان والمراوح والعرقان |
| الساعة الآن 10:52 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir