منتديات شمس الحب - بعد انتهاء الجزأ الأول/ ماهو السعر المناسب لبيع حقوق الأولوية لسهم الوطنية؟

طبعا اغلبكم متخوف من الحقوق او ما يدري وش وضعها

ببساطة اذا الحقوق فتحت بين 16.75 - 18 بيع وارجع لها من تحت رجع نفس كمياتك أما إذا نزلت عن 16 نصيحة اخوك لا تبيع خلها معك واصبر بعد معمعة الاكتتاب بتبيع اكتتابك اللي قيمته الاجمالية ب 27 ريال بلا يقل عن 20% مربح بس يبيلها صبر

دايم يقولون ان اخر يوم في الحقوق يكون اقل سعر فيه للسهم
ولد وشيقر يقول لك خلهم يقولون اللي يقولون
امسك سهمك ولا تطامر ورى الناس وتخاف
اللي بيضارب بالسهم ماأنصح باعلى من 16 ريال

الأعلى للسهم بكرة مرتبط بسعر السهم الأصلي 19.75
الأدنى 14.35 (نطاق التذبذب عالي جدا)

أي واحد يبي يضارب الله لايهينك وفر كمية على جنب للاكتتاب والا راح تكون خسارتك شديدة جدا

كل 17 الف سهم تشتري فيها وفر 10 الاف ريال على جنب للاكتتاب
يعني 170 الف ريال بتشتري فيها وفر لها مية الف ريال كاش

لو نزل السهم اقل من 15 ريال وهو امر غير متوقع لكن لو نزل انصح بالشراء فيه وتعزيز المحفظة

بالتوفيق جميعا،،،