منتديات شمس الحب - هذة نهايتها ... عضو معنا في الهوامير يشارك في مظاهرات ضد الانقلاب في تركيا ( صورة ).!

السلام عليكم ورحمه الله وبركاته

الحين ما بلعنا مواضيعهم هنا في تركيا ومصر والاحزاب اللي يسونها في المنتدى
اللي اهل البلدان هذة ما وصلوا لهذا الحده في النقاش في بلدهم
ولو يدروا عنهم اهل البلد مصر ولا تركيا كان تفلوا بوجيهم هالملاقيف
ربعنا حاطين حرتهم في تركيا ومصر وكأنهم منهم وفيهم
ولا لو فيهم خير كان فتح مواضيع داخليه ومحليه تفيد الوطن والمواطن
من نقد او دعم او تطبيل او نفاق حتى
لكن مع الاسف فالحين بس يتفلسفون ويتلقفون في امور سياسيه خارجيه
ولا هو ذا المناقش تحصله معه متوسطه ولا ابتدائي ومتقاعد وجالس بالملحق ولا بالاستراحه ويجلس يسوي فيها ناقد عند الاتراك ومصر
ويروح يسب فلان وعلان اما سيسي ولا ارودغان والاخر يزعل ليش تغلط عليهم ويجلس يدافع ...

هذة عينه من شياب المنتدى اللي تكثر مواضيعهم عن تركيا وهو يشارك ضد الانقلاب في تركيا
وهالمرة مع عائلته طالع يشارك

السعودية ‏@KSA ٢ سقبل ساعتين #صورة: رجل أعمال سعودي يسافر إلى #تركيا مع عائلته للمشاركة بانتظام في المظاهرات الرافضة للانقلاب. #السعودية

https://pbs.twimg.com/media/CpptedHUAAAAFer.jpg

الله لا يبلانا ولا يشغلنا الا بطاعته
اعتقد هذة فئه بطرانه وملت من جلسه البيت وشوفه الخدم والحشم ويحسبون الوضع الداخلي على افضل ما يرام ولا يكون ما همه
وهم اللي ينقزون عليك في كل موضوع وهم يرددون كلمه " اهم شي الامن والامان " والباقي بقريح
لكن شاف تركيا قال خل اطلع واضع بصمه في الوضع
وهذة الفضاوه اللي فيهم هالملاقيف
واعتقد صاحب الصورة عضو مشارك معنا بالمنتدى هنا