يا جماعه انا في حلم او علم !!!! ماني مستوعب الي حصل اليوم @
 

مالكم ف الطويله نزلت اليوم الصناعيه الي بالخبر مواعد مع شخص له لزوم و قابلته ووخلصت الشغله ع السريع لفت انتباهي سوق الأغنام الي حول الصناعيه وتذكرت بعض الكلام الحاصل خلال اليومين الماضيه عن التغيير ف أسعار الأغنام
وانه فيه انخفاض ف الأسعار قلت ياولد خلني أشوف بنفسي هل هذا الكلام صحيح
المهم اتجهت الي موقع السوق وقفت سيارتي ونزلت وقامو تخاطفوني ه الرشاديه
من يمين ويسار يالله سترك تقول او مره يشوفون زبون يبي يشري له ذبيحه
المهم
قلت خير ان شاء الله وش بلاكم
قالي واحد منهم ما بلاناء شي لكن نبي نخدمك يا عمي وش طلبك ؟؟؟؟
قلت ابي جذع طيب للضيف يبيض الوجه . قال طلبك موجود قلت بكم ردعلي قال
ما نختلف قلت لا أبد لازم تقولي بكم قبل ما تشيله ف الموتر قال لك 800 ريال
قلت لالا غالي يا غالي نقز واحد ثاني قال نزله 100 قال تم ولك 700 قلت لا غالي
خلاص انا ماشي قام ومسك يدي قال والله ماتمشي الا وانت راضي كم يصلح لك قلت
ب 400 ريال ناسبك شيله في الموتر ولا خلني ادوغيرك
قال واحد منهم شيله يلبعدي ب500 وتراك انت الربحان قلت لا ابدآ اجبتك 400 ولا
خلني امشي قال الاول خلها بيني وبينك ب 450 ريال وقل تم تكفى لا تردني تكفا
قلت تم تم شيله ف موتر السوداني الحمالي الي كان واقد حولي من اليوم المسكين
وانا الي الأن ماني مصدق الحاصل من اول كنت اشري نفس الذبيحه ب 1150ريال اقل شي ... بصرحه الأنهيار اثري مو بالأسهم حتى الحلال ف نزول وما صدقت لين شريت اليوم بنفسي ولا من اول كنت ااتوقع اشاعات .... يالله سترك