أختي المواطنه السعوديه لاتيــأسي
وتحرري من سيطرة الرجل ومن جبروته ولاتنهزمي وتضعفي له واذا ظلمك لاتقفي ساكته عن حقك بل اسعي لدفع الظلم عنك وكما قال الدكتور طارق الحبيب
إجعلي إستثمارك في ثلاثه :
أولا/ دراستك ووظيفتك التي تعطيك ولاتخونك
ثانيا/ أولادك وفلذات كبدك
ثالثا/ الرجل اذا كان فيه خير ورجاء
واذا لم يكن ذا فائده فإجعليه للتلقيح والخلفه ومحرم وكمالة عدد في البيت
ولا تيأسي رغم كل شيء واصلي تعليمك وابحثي عن عمل وإسعدي نفسك قدر المستطاع
نتترككم مع القصه
قصة سرقني زوجي
انا بنت من عمر سبع سنوات انسحبت من حضن امي لبيت ابوي وزوجهـ ابوي يعني ان امي وابوي منفصلين ووللاسف عشت اسواء ايام حياتي من المعامله السيئه لي ولاخوي اللي عمره خمس سنوات وللتهرب من المعامله السيئه كنت ادرس كثير
ومن المتفوقات بالمدرسهـ ولما صار عمري 16 سنه خلصت اولى ثانوي انخطبت من شخص اكبر مني بعشر سنوات وزوجني ابوي من غير اخذ رأيي
لكن ماكنت معارضه لانه نجاه من البيت وكان انسان طيب لكن عيبه الوحيد رفض اكمل دراستي وانا وافقت وهو يشتغل بالاعمال الحره يعني متنقل الا ان استقرينا بجده وجبت منه بنتين وولد وتوفى ابوي رحمه الله عليه وجاني ورثي من ابوي واقترحت على زوجي نبني لنا قصر قريب من البحر
فقال لي اوك حطي كل شيء باسمي عشان ماتعطل بالوكالات واذا خلصنا نقلته باسمك وشريت الارض باسمه وبنينا القصر ووسكناه وكنت اتنقل فيه وانا اتبسم كأني اميره
الى ان جاء اليوم اللي صعقني فيه زوجي بدخوله مع زوجتهـ الثانيه لبيتي هدم كل فرحتي ولما عاتبته ببكاء وقهر
قال هاذا بيتي اذا مو عاجبك الباب يطلع جمل انصدمت من رده شلون بيتك وهو بيتي قال هاذا اللي وصلك وطلع وخلاني وبدت معاناتي معاه هو وزوجته مابقى بلوى ماتبلوها علي اهانات سب
الا ان اخذت عيالي وطلعت من البيت ورجعت للرياض لأمي دخلت بحاله نفسيه واكتائب ولا اكلم احد ولا اطلع من غرفتي وامي استاذه كبيره
كلمت صديقتها دكتوره نفسيهـ وبدت تزورني وصرفت لي حبوب والحمدلله بفضل الله ثم هي طلعتني من الحاله اللي انا فيها واول خطوه
اقدمت عليها اني اكمل دراستي
ودخلت علمي وتخرجت بنسبه عاليه وتفوق ذالك من فضل ربي وقدمت على الابتعاث لدراسه الطب بامريكا والحمدلله تسهلت اموري وانقبلت وسافرت وجلست ادرس تسع سنوات ولا فكرت بيوم اني ارجع ارتحت وابعدت عن الذكريات اللي تشل تفكيري كانت امي تجي تزورني هي وعيالي بكل اجازه
�� تقول بعد تسع سنوات رجعت وانا معي شهاده جراحه تجميليه وتتعينت بأكبر مستشفى حكومي بالرياض ذالك من فضل ربي وبعد دوامي بسنه اخذت انتداب لبريطانيا سنه ورجعت وانا بدوامي وكان من بكرى رحله لي برضو لبريطانيا انتداب انا وكم دكتور
استدععوني لحاله حرجه شخصين مشوهين دخلت غرفه العمليات وجلست فيها ثمان ساعات اخيط الاعضاء المقطعه
طلعت من العمليات سلمت الحاله لإستشاري وسافرت ولارجعت الا بعد اربع شهور اول مارجعت سألت عنهم وعطوني الملفات وصدمه اللي بغت ترجعني وتهزمني للماضي
طلعو المصابين طليقي وزوجته سبحان من ارسلهم بعد كل هالسنين تشجعت ودخلت عليه وسألت عن حاله ماعرفني وعرفت بنفسي
وبدى يصيح ويقول سامحيني تكفين سامحيني
انا جاي للرياض وناوي اقهرك واخذ عيالك بعد ماسمعت وشفت نجاحاتك
وكان كل تفكيري وشلون اقهرك إلا ان حكمت رب العالمين ارسل لي عقابه قبل لأوصل لك وصار الحادث علينا وشفت الموت لولا رحمة رب العالمين ناظرته ذاك الوجه الجميل اختفت معالمه طريح فراش كل مافيه متكسر
قلت ماراح اسامحك الا اذا رجعت لي بيتي هو كل حلالي وافق ورجعه لي وبعته
وجاب لي اضعاف اضعاف قيمته بهالحظه
فعلا راحت الضيقه اللي كانت حسره بقلبي وطلعت للحياه وتصدقت بثلاث ارباع المبلغ شكر لله رب العالمين اللي رجع لي حقي لو بعد سنين
وربي يمهل ولا يهمل ....
المواضيع المتشابهه 
أختــي المـــواطنــه السعـــوديه لاتيــأسي رغم ظـلـم وقـهـر الرجــل 
العرض الشجري
