ليش بعض الرجال يبلي زوجته الاخرى بعيال زوجته اذا طلبت الطلاق؟
ليش مايترك العيال مع امهم
ترى الزوجه شرعاً مو ملزومه في تربية عيالك لا ومايجيب شغاله تعاون
ليش الظلم ؟؟ زي المزواج الي كل شوي يتزوج ويطلق وياخذ العيال يحطهم عند الزوجه الاولى هي تصبر عليك وعلى قهرك والا على عيال حريمك ؟
والي يقول عني شنب وعانس و.....
اقوله قول عني ماتقول صوبي كم صعب الوصول ومستمرين ماغلطنا ولاسرقنا ولاخببنا وش يزعلك انت وياه طق راسك بجدار
نترككم مع القصه
مشكلتي اني تزوجت من 4سنين من رجل متزوج انا مطلقة والرجال مناسب ماديا ومن كل النواحي هو دكتور بالجامعة وانا كنت بالقسم الاداري بنفس لجامعة خطبني وقال مرح يقول لزوجته الا بعد زواج وانو مافي سبب في تعدد وافقنا تزوجت عشت معاه اجمل 6 اشهر بحياتي شكت زوجته خبرها جالها انهيار عصبي 3 ايام بالمستشفى بالعناية المركزة .راحت مباشرة لبيت هلها وطلبت طلاق زوجي انصدم من ردت فعلها لما كنت اسال قبل ليخبرها كان يقول راح تزل شوية ومع رضاوة بترضى لكن اصرت على طلاق صرت خايفة يطلقني لكن وصلتني الاخبار انها قالت انها مارح تسامحه
حتى لو طلقني ومع حالتها نفسية سيئة ورفضها اية محاولة صلح طلب منو ابوها يطلق هو رفض في لبداية لكنه رضخ بعد محاولتها الانتحار ومن يوم انفصاللهم ماشفت يوم زين دخل في حالة اكتآب وتغيرمعي صار سريع لغضب كثير صمت مرت سنة على طلاق وهو يحاول يردها وهي رافضة.حملت ببنتي ومنعني احمل مرة ثانية هو عندو3اولاد وبنوتة بين 14 و8سنوات بعد ها سمعنا انها بتتزوج من رجال معروف بالمنطقة ثري ارمل تزوجت زوجي ما تقبل دخل في هيستيريا غضب بحجة الاولاد قال انا ما اترك عيالي يربيهم واحد ثاني راح جابهم رغم انو اخوها قال انها اشترطت عيالها يظلو معاها وزوجها وافق.لكن زوجي رفض .ومن مجابهم ونا وياه في نكد عياله يكرهوني جربت اتقرب منهم بكل طرق بدون فايده حتى ان ابنو قالي بطلي تلعبي دور زوجة الاب الحنونة مو لايقة عليك كل يوم اهانات ومشاكيل ولو اتكلمت يهاوشني ويقول تبين تبعدين عن عيالي وكل كوم ولعند مع زوج امهم كوم هو شخص غني الله يزيده وعياله بيقضو يوم بالاسبوع مع امهم والاجازات وكل مرة يشتري لهم افخم ثياب وهدايا وهو يموت من قهره في يوم عطل يشري لهم نفس الماركات العالمية حتى لو صرف كل لمرتب ولبيت وبنتو اصرف عليهم وباخر عطلة سافرت امريكا مع زوجها وابنها منو وطلبت تاخد عيالها هو رفض وبالعند راح اقترض وسافرو للخارج وانا وبنتي لا ترشيدا للنفقات.لولا مرض ابوي واختي مطلقة كنت اطلقت بس مااقدر اهلي موناقصين مشاكل.طليقتو عوضها ربها باحسن منو وهو ماتقبل ولا رح يتقبل .تعبت ونقهرت من حظي اوقات احسد ضرتي وارجع واقول قسمة ونصيب.كلامي فضفضة لاني مااحب اشكي لمخلوق حتى لاقرب ناس.اه نسيت زوجي لازال محتفض بكل صور طليقته في حاسوبه شخصي حسبي الله.
المواضيع المتشابهه 
لـيـش بعـــض الـــرجـــال يبتلي زوجـتـــه بعيال زوجــته الأخـــرى اذا طلبت الطـــلاق 
العرض الشجري
