وش الفرق بيننا وبين الأمارات
 

عيدكم مبارك والله يتقبل من الجميع ويحفظ بلادنا من الفتن..

وش فرق الايادي العاملة بيننا وبين الأمارات؟ ليش الأمارات تقدمت في شتى المجالات، مدن ذكية، انظمة صارمة على الجميع، الخ،، حتى اصبح الاوربي المتمدن يتمنى زيارة الى دبي او ابو ظبي، والسعودية الي فيه الاثار والبحر الاحمر والحرمين وجبال جنوب المملكة مهجورة او لايوجد فيه تسويق او حاجة تذكر لسبب او لاخر؟!!!

ليش في الامارات مثلا ثلاث شركات طيران قوية الاماراتية (دبي) الاتحاد (ابو ظبي) العربية (الشارقة) بالسوق ودائما تنافس على المراكز الاولى وتغطي جميع دول العالم وحنا شركة وحدة ومدعومة من الحكومة والفساد ينخر فيه!

١٩٩٩ مدة قريبة جدا، شخص قريب جدا يقولي سالفة ان الحكومة الامارتية كانت تغري الشعب الاماراتي بالرواتب العالية للنزول في الميدان فقط، يبونهم يشتغلون والان اغلب القطاع الخاص يشغلونه اماراتيين! وحنا نكسر مجديف بعض ورسخنا فكرة منذ الصغر بان السعودي مهب راعي شغل، حتى فقد الثقة في نفسه!

السؤال هل الايادي العاملة لديهم هي السبب؟ هل الامريكان والبريطانين هم سبب نهضة الامارات، وحنا العرب المتدكسين عندنا والبكستان سبب بطى النمو في السعودية؟

بصراحة وش استفدنا من كثرة الجالية اليمنية عندنا؟ او غيرهم؟ وش اضافو للبلد فعلا؟

اسئلة كثيرة لكن هذا بالمختصر..