يقول ابن جدلان الله يغفرله ويرحمـه ..
 

يقول ابن جدلان الله يغفر له ويرحمه :

أبنصحك عن خايبين المجاليس
عاشر حكيم الرأي والنذل خلــــه
رَجلً ليا جيته هروجه مفاليس
ورَجلً ليا جيته أبَد ما تملــــه
ورَجلً إذا شفته تعوّذ من إبليس
ورَجلً تشوف بوجهه الخير كلــــه
ورَجلٍ يعكر دنيّته بالدنافيس
ورَجل ً به الأيام عَيّت تحلــــه
ورَجلٍ يهدم دنيته بالوساويس
ورَجلً يعَقد الرّاي ورَجلً يحلــــه
ورَجلً حياته كل أبوها عواكيس
ورَجلً حياتَه مثل ما قِيل فَلّــــه
ورَجلً كلامه مثل ضرب الدبابيس
ورَجلً كلامه ما يجي فيه زَلــــه
ورَجلً لاجل رَبعه يجيب النواميس
ورَجلً يجيب الكآرثة والمذلــــه
ورَجلً يصرّ المال في داخل الكيس
ورَجلً على المحتاج ماله يهلّـــه
هذي وصايف قلتها لك بتقييس
وأنت الفهيم وكل دربً تدلــــه
لو الفقر ضـيفٍ وحنا معازيب
يا مرحبا بالفقر دقه وجلــــه
الفقر ماهو عيب تدري وش العيب
إنك غني والبيت محدٍ يدلــــه



البيت الأخير لوحده قصيدة !