جات مشكلة بين العمال عند الحلال
 

عندي في المزرعة اثنين من العمال من جنسية وحدة ، واحد سمه محمود والثاني اسمه زق زوق ، يشتغلون في المزرعة ، وعندي عامل في الحلال ماهو من جنسبتهم ، وقلت لهم ازرعوا برسيم وقصوه وجمعوه في المزرعة وساعدوا العامل اللي في الحلال ، انقلوه ليا عند الحضاير .
المهم مالكم في الطويلة ، غبت عنهم اسبوع ، ورحت لهم يوم الخميس اللي مضى ، ولقيت قايمه بينهم مشكلة ، العامل اللي عندي الغنم يقول ان عمال المزرعة مايساعدونه في نقل البرسيم الى حظاير الحلال ، وانه هو لوحده ينقل البرسيم ، ويقول انهم يضحكون علاه ويقلون احمل البرسيم ياعلي عوض ، وهو اسمه بشير ، وكانت بتقوم بينهم هوشه ، والعامل اللي عند الغنم اتصل علي وعلمني باللي حصل ، ورحت لهم يوم الخميس ، وما انحلت المشكلة ، والمشكلة كلها من العامل زق زوق هو اللي مايسمع الكلام ، ويعاند عامل الحلال ، والعامل اللي في الغنم ، يقول قسماً عظماً لامسح بزق زوق التراب .

وانا اخاف انهم يتضاربون ويجيبون مشكلة ، ايش الحل اللي تشوفونه يالربع مناسب لهذه المشكلة ، وما خاب من استشار .